ອິນໂດເນເຊຍຈະສ້າງຂົວທີ່ຍາວທີ່ສຸດໃນອາຊຽນ

0
193

ລັດຖະບານອິນໂດເນເຊຍປະກາດແຜນການກໍ່ສ້າງຂົວຂ້າມທະເລຂະໜາດຄວາມຍາວ 7 ກີໂລແມັດຊຶ່ງຈະເຊື່ອມ 2 ເກາະຂອງປະເທດໃນຊ່ອງແຄບມະລະກາຄື ບາຕຳ ແລະ ເກາະບິນຕັນ ທາງຕາເວັນຕົກຂອງປະເທດ ແລະ ນີ້ກໍຖືເປັນສ່ວນໜຶ່ງຂອງຄວາມພະຍາຍາມພັດທະນາອຸດສາຫະກຳ ແລະ ການທ່ອງທ່ຽວໃນພື້ນທີ່ ໂດຍຈະໃຊ້ງົບປະມານໃນການກໍ່ສ້າງປະມານ 4 ລ້ານລ້ານຣູເປີຍ (ສະກຸນເງິນອິນໂດເນເຊຍ) ທັງນີ້ ຂົວດັ່ງກ່າວຈະກາຍເປັນຂົວຂ້າມທະເລທີ່ຍາວທີ່ສຸດແຫ່ງໃໝ່ຂອງອາຊີຕາເວັນອອກສຽງໃຕ້.

ການສ້າງຂົວດັ່ງກ່າວແມ່ນມີເປົ້າໝາຍຮອງຮັບການຂະຫຍາຍຕົວຂອງສະໜາມບິນຊາງງິຂອງສິງກະໂປທີ່ເປີດອາຄານທີ່ພັກຜູ້ໂດຍສານຫຼັງໃໝ່ໝາຍເລກ 5 ຊຶ່ງຈະມີການຄົມມະນາຄົນເຊື່ອມຕໍ່ກັບເກາະບິນຕັນຂອງອິນໂດເນເຊຍ ຂະນະທີ່ປະທານາທິບໍດີ ໂຈ ໂຄ ວິໂດໂດ ແຫ່ງອິນໂດເນເຊຍ ຊຶ່ງໄດ້ປະກາດໃຫ້ການກໍ່ສ້າງລະບົບຄົມມະນາຄົມເປັນນະໂຍບາຍຫຼັກຂອງການບໍລິຫານປະເທດສະ ໄໝທຳອິດ.

ທັງນີ້ ລັດຖະບານຂອງ ວິໂດໂດ ພະຍາຍາມສ້າງຈຸດຂາຍຂອງເກາະບາຕຳຊຶ່ງເປັນເຂດການຄ້າເສລີແຫ່ງດຽວຂອງປະເທດໃຫ້ບັນດານັກລົງທຶນທີ່ກຳລັງຊອກຫາແຫຼ່ງທີ່ຕັ້ງໂຮງງານ ແຫ່ງໃໝ່ນອກຈາກຈີນແຜ່ນດິນໃຫຍ່ ທ່າມກາງສົງຄາມການຄ້າລະຫວ່າງ 2 ປະ ເທດຍັກໃຫຍ່ ຂະນະທີ່ການກໍ່ສ້າງຂົວດັ່ງກ່າວແມ່ນຈະເລີ່ມລົງມືໃນປີ 2020 ແລະ ຈະໃຊ້ເວລາປະມານ 3-4 ປີໃຫ້ສຳເລັດ ປັດຈຸ ບັນ ຂົວທີ່ຄອງສະຖິຕິຂ້າມທະເລຍາວທີ່ສຸດໃນອາຊີຕາ ເວັນອອກສຽງໃຕ້ກໍຄື ຂົວພານຕັນ ຫວູ່-ລັຄ ຫວຽນ ຢູ່ເມື່ອງທ່າໄຮຟອງ ທາງພາກເໜືອຂອງຫວຽດນາມທີ່ເລີ່ມເປີດໃຊ້ເມື່ອຕົ້ນເດືອນກັນຍາ 2017 ທີ່ຜ່ານມາ ຊຶ່ງມີຄວາມຍາວ 5,4 ກີໂລແມັດ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: dailynews

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.