ອິນເດຍໃຊ້ມາດຕະການສະຫຼັບລົດເທິງຖະໜົນ, ລະບາຍຝຸ່ນພິດ PM2,5

0
16

ອິນເດຍປະກາດໃຊ້ມາດຕະການສະຫຼັບລົດຕິດປ້າຍະບຽນລົງທ້າຍເລກຄູ່-ເລກຄີກແລ່ນໃນນະຄອນນິວເດລີລະຫວ່າງວັນທີ 4-15 ພະຈິກນີ້, ເພື່ອຫວັງຫຼຸດບັນຫາຄ່າຝຸ່ນພິດ PM2,5 ທີ່ສູງຂຶ້ນເກີນຄ່າມາດຕະຖານຄວາມປອດໄພເຖິງ 10 ເທົ່າ.

ສຳນັກຂ່າວຣອຍເຕີ້ ແລະ ບີບີຊີ ລາຍງານເມື່ອວັນທີ 4 ພະຈິກຜ່ານມາວ່າ: ລັດຖະບານອິນເດຍເລັ່ງຫາທາງຕໍ່ສູ້ກັບບັນຫາມົນລະພິດທາງອາກາດ ຫຼື ຝຸ່ນລະອອກຂະໜາດນ້ອຍ PM2,5 ທີ່ກຳລັງຄຸກຄາມປະເທດໂດຍສະເພາະໃນນະຄອນຫຼວງນິວເດລີດ້ວຍການປະກາດໃຊ້ມາດຕະການກຳນົດວັນອະນຸຍາດໃຫ້ປະເພດລົດທີ່ຕິດປ້າຍທະບຽນລົງທ້າຍດ້ວຍເລກຄູ່-ເລກຄີກແລ່ນສະຫຼັບມື້ເທິງຖະ ໜົນ.

ຂະນະທີ່ບີບີຊີແຈ້ງວ່າ: ມາດຕະການດັ່ງກ່າວຂອງທາງການອິນເດຍຄາດວ່າຈະສາມາດຊ່ວຍຫຼຸດປະລິມານລົດເທິງທ້ອງຖະໜົນໄດ້ຫຼາຍແສນຄັນຕໍ່ວັນ, ຊຶ່ງຖ້າຫາກຜູ້ໃດຝ່າຝືນກໍຈະມີບົດລົງໂທດດ້ວຍການປັບໄໝເປັນຈຳນວນເງິນ 4.000 ຣູປີ ຫຼື ປະມານ 56 ໂດລາ, ແຕ່ຍັງຄົງອະນຸຍາດໃຫ້ລົດຂົນສົ່ງໂດຍສານສາທາລະນະ, ລົດກູ້ໄພ, ລົດແທັກຊີ ແລະ ລົດຈັກແລ່ນໄດ້ຕາມປົກກະຕິ.

ໂດຍກ່ອນໜ້ານີ້ອິນເດຍໄດ້ປະກາດປິດໂຮງຮຽນທຸກແຫ່ງ ແລະ ຢຸດການກໍ່ສ້າງທັງໝົດໃນນະຄອນຫຼວງນິວເດລີນັບແຕ່ວັນທີ 1-5 ພະຈິກ 2019, ຫຼັງຈາກຄ່າຝຸ່ນ PM2,5 ສູງຂຶ້ນເກີນກວ່າມາດຕະຖານ ແລະ ສູງເປັນປະຫວັດການຂອງປີ 2019. ໂດຍຄ່າ PM2,5 ສູງຂຶ້ນເຖິງ 484 ຈາກລະດັບ 500 ເມື່ອວັນທີ 1 ພະຈິກ 2019 ຜ່ານມາ ແລະ ສູງຂຶ້ນຢ່າງຕໍ່ເນື່ອງ, ຊຶ່ງຈະເຮັດໃຫ້ປະ ຊາຊົນທີ່ອາໄສຢູ່ໃນນະຄອນຫຼວງນິວເດລີກວ່າ 20 ລ້ານຄົນ ແລະ ປະຊາຊົນໃນລັດໃກ້ຄຽງກໍຕົກຢູ່ໃນສະພາວະຄວາມສ່ຽງທີ່ຈະປະ ສົບບັນຫາດ້ານສຸຂະພາບ ໂດຍສະເພາະລະບົບຫາຍໃຈ.

ຮຽບຮຽງ: ເພັງສະຫວັນ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.