ອິນເດຍຕິດອັນດັບໂລກ ປະເທດມົນລະພິດຫຼາຍທີ່ສຸດ ມີເຖິງ 22 ເມືອງ

0
145

ສຳນັກຂ່າວAFP ລາຍງານວ່າ ຄຸນນະພາບອາກາດໂລກ 2018 ເຊິ່ງເຮັດການສຳຫຼວດໂດຍອົງກອນກຣີນພີຊ ແລະ ໄອຄິວແອຣ໌ ແອຣ໌ວິຊໍ ໃຊ້ຂໍ້ມູນມົນລະພິດທາງອາກາດຈາກສະຖານີສັງເກດສະພາບອາກາດຂອງລັດ ແລະ ເອກະຊົນທົ່ວໂລກ ເພື່ອຈັດອັນດັບເມືອງຫຼາຍກວ່າ 3.000ເມືອງ ທົ່ວໂລກວ່າມີເມືອງໃດແດ່ທີ່ມີມົນລະພິດທາງອາກາດຫຼາຍທີ່ສຸດ.

ໂດຍເມືອງທີ່ຄອງຕຳແໜ່ງສະພາບອາກາດທີ່ຮ້າຍແຮງທີ່ສຸດຄືເມືອງ ຄຸຣຸດຄຣາມ ສ່ວນນະຄອນນິວເດລີ ຍັງເປັນເມືອງຫຼວງທີ່ມີມົນລະພິດທາງອາກາດຫຼາຍທີ່ສຸດໃນໂລກ ຖືກຈັດເປັນອັນດັບ 10.

ເມືອງທີ່ມີມົນລະພິດທາງອາກາດສູງທີ່ສຸດ 30 ອັນດັບທຳອິດ ເປັນເມືອງຂອງປະເທດອິນເດຍ ມີເຖິງ 22 ເມືອງ ທີ່ເຫຼືອເປັນເມືອງຂອງຈີນ, ປາກີດສະຖານ ແລະ ບັງກະລາເທດ ສ່ວນຄ່າສະເລ່ຍໃນລະດັບປະເທດ ປັດໄຈຈາກຈຳນວນປະຊາກອນທີ່ໜາແໜ້ນເຮັດໃຫ້ບັງກະລາເທດມີຄ່າສະເລ່ຍມົນລະພິດທາງອາກາດສູງທີ່ສຸດ ຮອງລົງມາຄືປະເທດປາກີດຖານ ແລະ ອິນເດຍ.

ລາຍງານນີ້ວັດຈາກອະນຸພາກຂະໜາດນ້ອຍກວ່າ 2.5 ໄມຄຣອນ (PM2.5) ຈາກ 3.000 ກວ່າເມືອງໃນລາຍຊື່ນີ້ມີເຖິງ 64% ທີ່ມີ PM2.5 ສູງເກີນແນວທາງແນະນຳຂອງອົງການອະນາໄມໂລກ.

 

 

 

 

 

 

 

 

 

 

 

 

 

 

 

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: sanook

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.