ອາເມຣິກາ-ຈີນຈະຮ່ວມລົງນາມຂໍ້ຕົກລົງການຄ້າກາງເດືອນນີ້

0
383

ສຳນັກຂາວຣອຍເຕີລາຍງານໃນວັນທີ 14 ມັງກອນ 2020 ວ່າ: ກະຊວງການເງິນຂອງອາເມຣິກາອອກຖະແຫຼງການປະກາດຖອນລາຍຊື່ປະເທດ ສປ ຈີນອອກຈາກ “ບັນຊີດຳ” ປະເທດທີ່ແຊກແຊງຄ່າເງິນແລ້ວ, ຊຶ່ງເປັນການສ້າງບັນຍາກາດທີ່ເປັນມິດກ່ອນທີ່ຕົວແທນຈາກທັງສອງປະເທດຈະຮ່ວມລົງນາມຂໍ້ຕົກລົງການຄ້າເບື້ອງຕົ້ນໃນວັນທີ 15 ມັງກອນນີ້.

ທັງນີ້ ຜູ້ແທນການຄ້າຂອງອາເມຣິກາກໍໄດ້ເປີດເຜີຍວ່າ: ລາຍລະອຽດຂອງຂໍ້ຕກລົງການຄ້າຢູ່ລະຫວ່າງຂັ້ນຕອນການແປເປັນພາ ສາອັງກິດ ແລະ ພາສາຈີນ, ຊຶ່ງໃກ້ຈະສຳເລັດແລ້ວ ແລະ ຂໍ້ຕົກລົງດັ່ງກ່າວຈະຖືກເປີດເຜີຍຕໍ່ສາທາລະນະກ່ອນການລົງນາມຂໍ້ຕົກ ລົງການຄ້າ.

ຂະນະທີ່ຮອງນາຍົກລັດຖະມົນຕີຂອງ ສປ ຈີນ ກໍໄດ້ເດີນທາງມາເຖິງນະຄອນວໍຊິງຕັນເມື່ອວັນທີ 13 ມັງກອນຜ່ານມາເພື່ອເປັນຕົວແທນຂອງຈີນໃນການເຂົ້າຮ່ວມພິທີລົງນາມຂໍ້ຕົກລົງ ການຄ້າກັບປະທານາທິບໍດີ ໂດນັລ ທຣັມ, ໂດຍເຈົ້າໜ້າທີ່ກ່ຽວຂ້ອງກັບຂະບວນການເຈລະຈາການຄ້າລະບຸວ່າ: ເຖິງແມ່ນວ່າທາງຈີນຈະບໍ່ໄດ້ຮັບຜົນກະທົບທີ່ເປັນຮູບປະທຳຈາກການຖືກຂຶ້ນບັນຊີດຳ ແຕ່ຢ່າງໃດກໍຕາມ ການຖອດຊື່ຈີນອອກຈາກບັນຊີດັ່ງກ່າວກໍຖືເປັນການສ້າງບັນຍາກາດທີ່ເປັນມິດລະຫວ່າງສອງປະເທດ.

ຢ່າງໃດກໍຕາມ ກະຊວງການເງິນຂອງອາເມຣິກາໄດ້ປະກາດຂຶ້ນບັນຊີດຳຈີນເມື່ອວັນທີ 19 ສິນຫາ 2019, ຊຶ່ງເປັນຊ່ວງເວລາທີ່ສະຖານະການສົງຄາມການຄ້າລະຫວ່າງສອງປະເທດທີ່ມີຄວາມເຄັ່ງຕຶງທີ່ສຸດ ໂດຍທາງການອາເມຣິກາບໍ່ເຄີຍກ່າວຫາວ່າ ສປ ຈີນ ແຊກແຊງຄ່າເງິນນັບແຕ່ປີ 1994 ເນື່ອງຈາກຈີນບໍ່ຢູ່ໃນເປົ້າໝາຍປະເທດທີ່ເຮັດການແຊກແຊກຄ່າເງິນທີ່ກຳນົດໂດຍອາເມຣິ ກາ.

ນອກຈາກນີ້ ຖະແຫຼງການຂອງກະຊວງການເງິນອາເມຣິກາຍັງລະບຸອີກວ່າ: ລາຍຊື່ປະເທດອື່ນໆທີ່ຖືກຈັບຕາວ່າເຮັດການແຊກແຊງຄ່າເງິນປະກອບມີ: ເຢຍລະມັນ, ໄອແລນ, ອີຕາລີ, ຍີ່ປຸ່ນ, ມາເລເຊຍ, ສິງກະໂປ, ສ. ເກົາຫຼີ, ຫວຽດນາມ ແລະ ສະວິດເຊີ ແລນ.

 

ຮຽບຮຽງ: ເພັງສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.