ອາເມຣິກາເດີນໜ້າກຽມໃຊ້ກົດໝາຍຖອດຖອນປະທານາທິບໍດີ…!!

0
5835

ທ່ານ ນາງ ແນນຊີ ເພໂລຊີ ປະທານສະພາຜູ້ແທນຣາຊະດອນຂອງອາເມຣິກາປະກາດເມື່ອວັນທີ 5 ທັນວາຜ່ານມວ່າ: ກຳລັງເດີນໜ້າຮ່າງ “ບົດບັນຢັດວ່າດ້ວຍການຖອດຖອນ” ທີ່ຈະໃຊ້ໃນການດຳເນີນການຖອດຖອນປະທານາທິບໍດີ ໂດນັລ ທຣັມ.

ການປະກາດຄັ້ງປະຫວັດສາດມີຂຶ້ນໃນຊ່ວງເວລາທີ່ພັກເດໂມແຄຣັດພະຍາຍາມເດີນໜ້າ ເພື່ອລົງມະຕິໃນເລື່ອງດັ່ງກ່າວ, ໂດຍຄາດວ່າຈະມີຂຶ້ນໃນຊ່ວງຄຣິສມາດທີ່ຈະມາເຖິງນີ້. ຂະນະທີ່ ທ່ານ ນາງ ເພໂລຊີ ຜູ້ປະກາດວ່າຕົນເອງຈະເປັນຜູ້ດູແລການຮ່າງບົດບັນຢັດດັ່ງ ກ່າວໂດຍລະບຸວ່າ: ການກະທຳຂອງປະທານາທິບໍດີ ໂດນັລ ທຣັມ ແມ່ນຂັດຕໍ່ລັດຖະທຳມະນູນຂອງອາເມຣິກາ.

ທັງນີ້, ໃນການສືບສວນທີ່ກ່ຽວຂ້ອງກັບການຖອດຖອນປະທານາທິບໍດີມີປະເດັນສຳຄັນທີ່ຖືກຈັບຕາຫຼາຍທີ່ສຸດກໍຄື: ການທີ່ ທ່ານ ທຣັມ ໂອ້ລົມຜ່ານທາງໂທລະສັບກັບປະທານາທິບໍດີ ຢູເຄຣນເພື່ອກົດດັນໃຫ້ມີການສືບສວນ ໂຈ ໄບເດນ ຊຶ່ງເປັນຄູ່ແຂ່ງທາງການເມືອງຈາກພັກເດໂມແຄຣັດ ເພື່ອແລກກັບຄວາມຈາກອາເມຣິກາ.

ຂະນະທີ່ລັດຖະທຳມະນູນອາເມຣິກາເຖິງແມ່ນວ່າຈະມີບົດບັນຢັດວ່າດ້ວຍການຖອດຖອນປະທານາທິບໍດີ, ແຕ່ກໍບໍ່ໄດ້ລະບຸລາຍລະອຽດກ່ຽວກັບວິທີການ ລວມເຖິງຄວາມຜິດທີ່ລະບຸໄວ້ຄື: ທໍລະຍົດ, ປະພຶດຕົວບໍ່ຖືກຕ້ອງ ແລະ ກໍ່ຄະດີອາຊະຍາກຳໃຫຍ່… ດັ່ງນັ້ນ ສະພາຄອງເກຣສອາເມຣິກາຈຶ່ງເຮັດໜ້າທີ່ລວບລວມຫຼັກຖານ ແລະ ເຮັດຂໍ້ສະຫຼຸບກ່າວຫາປະທານາທິບໍດີກ່ອນທີ່ຈະຮ່າງກົດໝາຍທີ່ເອີ້ນວ່າ: “ບົດບັນຢັດວ່າດ້ວຍການຖອດຖອນ” ກ່ອນດຳເນີນການໃນຂັ້ນຕໍ່ໄປ.

 

 

ຮຽບຮຽງ: ເພັງສະຫວັນ

ຮູບພາບ: matichon

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.