ອາເມຣິກາຕໍ່ເວລາໃຫ້ຮົວເຫວີຍອີກ 90 ວັນ

0
398

ລັດຖະບານອາເມຣິກາຂະຫຍາຍເວລາຜ່ອນຜັນໃຫ້ບໍລິສັດຮົວເຫວີຍເພີ່ມອີກເປັນ 90 ວັນໃນການເຮັດທຸລະກຳກັບຜູ້ປະກອບການຂອງອາເມຣິກາ, ໂດຍເປັນການຕໍ່ເວລາໃຫ້ເປັນໄລຍະຕັ້ງແຕ່ເດືອນສິງຫາທີ່ຜ່ານມາ.

ສຳນັກຂ່າວຕ່າງປະເທດລາຍງານຈາກນະຄອນວໍຊິງຕັນເມື່ອວັນທີ 18 ພະຈິກຜ່ານມາວ່າ: ກະຊວງພານິດຂອງອາເມຣິກາໄດ້ອອກຖະແຫຼງການວ່າ: ຈະຂະຫຍາຍເວລາຜ່ອນຜັນໃຫ້ແກ່ບໍລິສັດຮົວເຫວີຍເພີ່ມອີກ 90 ວັນໃນການຄ້າຂາຍ ແລະ ຈັດການເລື່ອງທຸລະກຳກັບບໍລິສັດຄູ່ຄ້າໃນອາເມຣິກາພາຍຫຼັງທີ່ຍືດເວລາມາແຕ່ເດືອນສິງຫາທີ່ຜ່ານມາ. ທັງນີ້ ກະຊວງພານິດຂອງອາເມຣິກາຍັງຄົງໃຊ້ເວລາໃນຊ່ວງຜ່ອນຜັນຄັ້ງໃໝ່ເດີນໜ້າພິຈາລະນາໃບອະນຸຍາດໃຫ້ແກ່ຜູ້ປະກອບການຂອງອາເມຣິກາຕໍ່ໄປໃນການຄ້າຂາຍ ແລະ ເຮັດທຸລະກຳຮ່ວມກັບຮົ່ວເຫວີຍຖ້າຫາກຄວາມຮ່ວມມືດັ່ງກ່າວບໍ່ສ້າງຄວາມສ່ຽງ ແລະ ສົ່ງຜົນກະທົບດ້ານຄວາມໝັ້ນຄົງ.

ທັງນີ້ ປະທານາທິບໍດີ ໂດນັລ ທຣັມ ລົງນາມໃນຄຳສັ່ງຝ່າຍບໍລິຫານເມື່ອກາງເດືອນພຶດສະພາຜ່ານມາວ່າດ້ວຍສະຖານະການສຸກ ເສີນດ້ານເຕັກໂນໂລຊີເພື່ອພິທັກລະບົບເຄືອຂ່າຍອິນເຕີເນັດ ແລະ ເຕັກໂນໂລຊີອື່ນໆຈາກອາເມຣິກາ, ເຖິງແມ່ນວ່າຄຳສັ່ງຂອງຜູ້ນຳອາເມຣິກາຈະບໍ່ໄດ້ລະບຸຊື່ຂອງບໍລິສັດ ຫຼື ເຈາະຈົງເຖິງປະເທດໃດປະເທດໜຶ່ງ, ແຕ່ທຸກຝ່າຍຕີຄວາມໄປໃນທາງດຽວກັນວ່າໝາຍເຖິງຮົວເຫວີຍ.

ຂະນະທີ່ບໍລິສັດຮົວເຫວີຍກໍໄດ້ອອກຖະແຫຼງການວ່າ: ມາດຕະການກົດດັນຂອງລັດຖະບານອາເມຣິກາຈະສົ່ງຜົນຕໍ່ອາເມຣິກາຫຼາຍກວ່າຈີນ ແລະ ກ່າວເຖິງກໍລະນີການາດາຍັງຄົງຄວບຄຸມຕົວ ນາງ ເມິ່ງ ຫວ່ານໂຈວ ທາຍາດຂອງຮົວເຫວີຍນັບແຕ່ເດືອນທັນວາ 2018 ຕາມໝາຍຈັບຂອງສານລັດຖະບານກາງນະຄອນນິວຢອກໃນຂໍ້ຫາລະເມີດມາດຕະການຂວໍ້າບາດອີຣ່່ານ, ແຕ່ລັດຖະບານອາເມຣິກາຢືນຢັນວ່າ: ເລື່ອງຂອງທາຍາດຮົວເຫວີຍກັບການໃຫ້ຜູ້ປະກອບການຂອງອາເມຣິກາຍຸຕິຄວາມຮ່ວມມືກັບຮົວເຫວີຍນັ້ນເປັນຄົນລະເລື້ອງ ແລະ ບໍ່ກ່ຽວຂ້ອງກັນແຕ່ຢ່າງໃດ.

ຢ່າງໃດກໍຕາມ ການຂະຫຍາຍເວລາຜ່ອນຜັນໃຫ້ແກ່ຮົວເຫວີຍຄັ້ງຫຼ້າສຸດນີ້ເກີດຂຶ້ນໃນຂະະທີ່ ທ່ານ ທຣັມ ມີຄວາມພຍາຍາມທີ່ຈະບັນລຸຂໍ້ຕົກລົງການຄ້າຂັ້ນທຳອິດກັບຈີນໃຫ້ໄດ້ຢ່າງເປັນທາງການພາຍໃນທ້າຍປີ 2019 ນີ້.

 

ຮຽບຮຽງ: ເພັງສະຫວັນ

ຮູບພາບ: dailynews

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.