ອາກາດຈະໜາວເຢັນຕໍ່ເນື່ອງໄປຈົນຮອດເດືອນກຸມພາ 2020

0
656

ກົມອຸຕຸນິຍົມ ແລະ ອຸທົກກະສາດໄດ້ຄາດຄະເນສະພາບອາກາດໃນໄລຍະເດືອນທັນວາ 2019 ຫາເດືອນກຸມພາ 2020.

ໃນໄລຍະເດືອນທັນວາ 2019 ຫາເດືອນມັງກອນ 2020 ມວນອາກາດໜາວຈະປົກຄຸມເຂດພາກເໜືອຂອງປະເທດລາວດ້ວຍກຳ ລັງແຮງສົມທົບກັບກະແສລົມມໍລະສຸມຕາເວັນອອກສຽງເໜືອພັດປົກຄຸມ ຊຶ່ງຈະເຮັດໃຫ້ອາກາດໜາວເຢັນຫຼາຍຢູ່ເຂດພາກເໜືອເຊັ່ນ: ແຂວງຜົ້ງສາລີ, ຫົວພັນ, ຊຽງຂວາງ, ຫຼວງນໍ້າທາ, ອຸດົມໄຊ, ຫຼັກ 20 ແລະ ເຂດພູພຽງບໍລະເວນ.

ສະພາບອາກາດໃນເດືອນກຸມພາ 2020 ໃນໄລຍະຕົ້ນເດືອນອາກາດຈະໜາວເຢັນ ແລະ ຈະໜາວເຢັນຫຼາຍຢູ່ໃນບັນດາແຂວງພາກເໜືອພ້ອມມີຝົນຕົກໃນລະດັບຄ່ອຍຢູ່ບາງທ້ອງຖິ່ນຂອງພາກກາງ ແລະ ພາກໃຕ້, ອາກາດເຢັນໃນຕອນເຊົ້າ, ໄລຍະກາງຫາ ທ້າຍເດືອນອາກາດຍັງຈະໜາວເຢັນໃນແຂວງພາກເໜືອພ້ອມມີໝອກປົກຫຸ້ມໃນຕອນເຊົ້າ, ສ່ວນພາກກາງ ແລະ ພາກໃຕ້ອາ ກາດຮ້ອນ ພ້ອມມີໝອກບາງປົກຫຸ້ມໃນຕອນເຊົ້າ.

ໃນໄລຍະ 3 ເດືອນຕໍ່ໜ້າສະພາບຝົນຈະມີຝົນຕົກໜ້ອຍ ຊຶ່ງຈະເຮັດໃຫ້ລະດັບນໍ້າຂອງ ແລະ ສາຂາສືບຕໍ່ແຫ້ງລົງຢ່າງຕໍ່ເນື່ອງ ພ້ອມນີ້ ກໍຈະເກີດມີສະພາບແຫ້ງແລ້ງຢູ່ບາງທ້ອງຖິ່ນແຂວງພາກເໜືອ ແລະ ພາກກາງ. ດັ່ງນັ້ນ ຄວນມີການວາງແຜນນຳໃຊ້ນໍ້າຢ່າງປະຢັດ.

ຮຽບຮຽງຂ່າວ: ພຸດສະດີ
ແຫຼ່ງຂໍ້ມູນ: ກົມອຸຕຸນິຍົມ ແລະ ອຸທົກກະສາດ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.