ອັງກິດອະນຸມັດຢາຈາກກັນຊາ 2 ຊະນິດ

0
406

ບໍລິການສຸຂະພາບແຫ່ງຊາດ ຫຼື National Health Service/NHS ໃນອັງກິດໄດ້ອະນຸຍາດໃຫ້ນຳໃຊ້ຢາຈາກກັນຊາ 2 ຊະນິດໃນການປິ່ນປົວພະຍາດລົມຊັກ ແລະ ພະຍາດປອກປະສາດເສື່ອມ, ການອະນຸມັດຄັ້ງນີ້ມີຂຶ້ນຫຼັງຈາກມີການອອກແນວປະຕິບັດໃໝ່ໂດຍ NICE ຄະນະກຳມະການທີ່ປຶກສາດ້ານຢາ, ຊຶ່ງໄດ້ພິຈາລະນາຜະລິດຕະພັນຕ່າງໆໃຫ້ເຂົ້າກັບເງື່ອນໄຂຫຼາຍປະການ.

ໂດຍອົງກອນການກຸສົນຍິນດີຕໍ່ການປ່ຽນແປງຄັ້ງນີ້, ເຖິງແມ່ນວ່ານັກປຸກລະດົມບາງສ່ວນຊຶ່ງໄດ້ຕໍ່ສູ້ໃນເລື່ອງການເຂົ້າເຖິງຢາຈາກກັນຊາຍັງບໍ່ເຫັນພ້ອມ. ຢ່າງໃດກໍຕາມ ຢາທັງ 2 ຊະນິດຖືກພັດທະນາຂຶ້ນໃນອັງກິດຈາກກັນຊາທີ່ປູກເພື່ອໃຊ້ໃນການຜະລິດຢາປິ່ນປົວພະຍາດເທົ່ານັ້ນ.

ທັງນີ້, ແພດສາມາດສັ່ງຈ່າຍຢາເອພິດິໂອເລັກ (Epidyolex) ໃຫ້ເດັກທີ່ມີອາການລົມຊັກຮຸນແຮງ 2 ຊະນິດຄື: ກຸ່ມອາການເລນນ໊ອກກາສເຕົາ (Lennox Gastaut syndrome)  ແລະ ກຸ່ມອາການດຣາເວັດ ຊິນໂດຣມ (Dravet syndrome) ຊຶ່ງເຮັດໃຫ້ເກີດອາການຊັກຫຼາຍຄັ້ງຕໍ່ວັນ. ການທົດລອງທາງການແພດສະແດງໃຫ້ເຫັນວ່າ: ການກິນຢາຊຶ່ງມີສານແຄນນາບິໄດອອລ (cannabidiol/CBD)  ຊ່ວຍຫຼຸດການຊັກລົງໄດ້ສູງສຸດເຖິງ 40% ໃນເດັກຈຳນວນໜຶ່ງ.

ໂດຍເອພິດິໂອເລັກໄດ້ຮັບການອະນຸມັດໃຫ້ໃຊ້ໃນເອີຣົບເມື່ອເດືອນກັນຍາຜ່ານມາ, ແຕ່ໃນຮ່າງຂໍ້ແນະນຳຂອງ NICE ຊຶ່ງລະບຸໃນຕອນທຳອິດວ່າ: ບໍ່ກຸ້ມຄ່າກັບເງິນທີ່ຕ້ອງຈ່າຍ, ຊຶ່ງຢາຊະນິດນີ້ມີຄ່າໃຊ້ຈ່າຍສຳລັບຜູ້ປ່ວຍຕໍ່ຄົນຢູ່ທີ່ 5.000-10.000 ປອນຕໍ່ປີ, ແຕ່ GW Pharmaceuticals ຊຶ່ງເປັນຜູ້ຜະລິດຢາຍອມຫຼຸດຄ່າຢາໃຫ້ກັບ NHS ຊຶ່ງຄາດວ່າຢູ່ໃນອັງກິດມີຜູ້ປ່ວຍກຸ່ມອາການດຣາເວັດປະມານ 3.000 ຄົນ ແລະ ກຸ່ມເລນນ໊ອກກາສເຕົາປະມານ 5.000 ຄົນ.

ທັງນີ້, ຢາດັ່ງກ່າວບໍ່ມີ THC ຊຶ່ງເປັນສານປະກອບທີ່ອອກລິດຕໍ່ຈິດ ແລະ ປະສາດ, ຂະນະທີ່ມະຕິໃຫ້ນຳໃຊ້ຢານີ້ຈະເລີ່ມມີຜົນທົ່ວອັງ ກິດ ຊຶ່ງຕາມຄຳແນະນຳຂອງ NICE ນອກຈາກໃນອັງກິດແລ້ວໃຫ້ໃຊ້ຢາດັ່ງກ່າວໃນເວລສ ແລະ ໄອແລນເໜືອໄດ້ເຊັ່ນກັນ ແລະ ປີໜ້າອາດຈະແມ່ນສະກ໊ອດແລນທີ່ຈະໄດ້ຮັບອະນຸຍາດນຳໃຊ້.

 

ຮຽບຮຽງ: ເພັງສະຫວັນ

ຮູບພາບ: bbc.com/thai

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.