ອັງກິດຍົກຍ້ອງ “ເອັດ ຊີແຣນ” ເປັນສິລະປິນແຫ່ງທົດສະວັດ!!

0
167

ສຳນັກຂ່າວ The Guardian  ລາຍງານເມື່ອບໍ່ດົນມານີ້ວ່າ: ເອັດ ຊີແຣນ ສິລະປິນ ແລະ ນັກແຕ່ງເພງຊື່ດັງຊາວອັງກິດຊຶ່ງເປັນເຈົ້າຂອງບົດເພງ Photograph ແລະ Perfect ໄດ້ຖືກຍົກຍ້ອງໃຫ້ເປັນສິລະປິນແຫ່ງທົດສະວັດ ຫຼື Artist of the decade ຈາກການຈັດອັນດັບຂອງ Official Charts Company (OCC) ຂອງອັງກິດ, ຊຶ່ງໃນຊ່ວງປີ 2010 ເພງຂອງ ຊີແຣນ ສາ ມາດຂຶ້ນຄອງດັບດັບ 1 ໃນຊ໊າດເພງໄດ້ຫຼາຍທີ່ສຸດເຖິງ 12 ຄັ້ງ, ທັງໃນການຈັດອັນດັບປະເພດບົດເພງດ່ຽວ ຫຼື ຊິງເກິລ ແລະ ປະ ເພດອາລະບຳ.

ໂດຍ OCC ລະບຸວ່າ: ເພງຂອງ ເອັດ ຊີແຣນ ປະເພດອາລະບຳສາມາດຂຶ້ນຄອງອັນດັບ 1 ໄດ້ດົນເຖິງ 41 ອາທິດ ແລະ ປະເພດເພງດ່ຽວກໍຢູ່ດົນເຖິງ 38 ອາທິດ ແລະ ເມື່ອລວມກັນແລ້ວຜົນງານຂອງ ຊີແຣນ ສາມາດຄອງແຊັມຢູ່ເທິງຊ໊າດເພງໄດ້ສູງສຸດເຖິງ 79 ອາທິດ, ຊຶ່ງເປັນຈຳນວນທີ່ຫຼາຍກວ່າສິລະປິນທຸກຄົນ ແລະ ຍັງບໍ່ເຄີຍມີສິລະປິນຄົນໃດສາມາດຢູ່ໃນ T0o 40 ໄດ້ຫຼາຍກວ່າ ເອັດ ຊີແຣນ ທີ່ລວມກັນແລ້ວຈະຢູ່ທີ່ 572 ອາທິດ.

ຄວາມສຳເລັດຄັ້ງນີ້ເປັນພຽງໜຶ່ງໃນຫຼາຍການຈັດອັນດັບທີ່ເກີດຂຶ້ນເທົ່ານັ້ນ, ເພາະກ່ອນໜ້ານີ້ ຊີແຣນ ກໍໄດ້ທຳລາຍສະຖິຕິການເປັນສິລະປິນທີ່ກວດລາຍໄດ້ຈາກການທົວຄອນເສີດໄດ້ຫຼາຍທີ່ສຸດໃນໂລກໄປແລ້ວ, ຊຶ່ງໃນປີນີ້ ຊີແຣນ ສາມາດສ້າງລາຍຮັບໄດ້ທັງ ໝົດ 558 ລ້ານປອນ.

ພ້ອມນີ້ ຊິງເກິລຂອງ ເອັດ ຊີແຣນ ຄື: “South of the Border” ກໍຍັງໂດ່ງດັງຢ່າງຕໍ່ເນື່ອງ, ຕິດຢູ່ໃນຊ໊າດ Top 10 ແລະ ເຮັດໃຫ້ ຊີແຣນ ຕິດຢູ່ໃນຊ໊າດ Top 75 ຂອງອັງກິດ ແລະ ເມື່ອລວມກັນແລ້ວແມ່ນຫຼາຍກວ່າ 1.000 ຊົ່ວໂມງ. ປັດຈຸບັນ ມີສິລະປິນພຽງ 3 ຄົນເທົ່ານັ້ນໃນປະຫວັດສາດທີ່ຍັງມີຈຳນວນຊົ່ວໂມງຫຼາຍກວ່າ ຊີແຣນ ນັ້ນກໍຄື: ເອລວິສ ເພຣສລີ, ຄລິຟ ຣີຊ໊າດ ແລະ ຣີອານນາ.

ທັງນີ້ ບົດເພງ “Shape of You” ຂອງເອັດ ກໍຍັງໄດ້ຮັບການປະກາດໃຫ້ເປັນບົດເພງທີ່ຍິ່ງໃຫຍ່ທີ່ສຸດແຫ່ງທົດສະວັດ ຫຼື Biggest song of the decade ອີກດ້ວຍ ໂດຍສາມາດເຮັດຍອດຂາຍທັງຈາກບໍລິການສະຕຣີມມິງ ແລະ ການດາວໂຫຼດຫຼາຍກວ່າ 4,3 ລ້ານຄັ້ງ. ຂະນະທີ່ເພງ “Thinking Out Loud”  ກໍຕິດຢູ່ໃນອັນດັບທີ 3 ແລະ ເພງ “Perfect” ກໍຢູ່ໃນອັນດັບທີ 5 ຂອງການຈັດອັນດັບດັ່ງກ່າວອີກດ້ວຍ.

 

 

ຮຽບຮຽງ: ເພັງສະຫວັນ

ຮູບພາບ: kapook.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.