ຫຼາຍພາກສ່ວນມອບເງິນຊ່ວຍເຫຼືອຜູ້ປະສົບໄພນໍ້າຖ້ວມ

0
104

ໃນວັນທີ 10 ກັນຍາ 2019 ທີ່ສຳນັກງານນາຍົກລັດຖະມົນຕີ ທ່ານ ທອງລຸນ ສີສຸລິດ ນາຍົກລັດຖະມົນຕີໄດ້ຕາງໜ້າໃຫ້ລັດຖະ ບານຮັບເງິນຊ່ວຍເຫຼືອຜູ້ປະສົບໄພນໍ້າຖ້ວມຈາກ ທ່ານ ສີທັດ ໄຊສຸລິວົງ ປະທານກຸ່ມບໍລິສັດ ເອັສທີ ຈຳນວນ 2,5 ຕື້ກີບ ທ່ານ ພົງສະຫວັດ ເສນາພວນ ປະທານກຸ່ມບໍລິສັດ ພົງຊັບທະວີ ຈຳກັດຜູ້ດຽວ ຈຳນວນ 2 ຕື້ກີບ ແລະ ທ່ານ ປີຊາ ແກ້ວໄຊຍະຈັກ ປະທານ ບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ດຽວ (IHC) ຈຳນວນ 2 ຕື້ກີບ ລວມ 6,5 ຕື້ກີບ ໂດຍມີພະ ນັກງານທີ່ກ່ຽວຂ້ອງຂອງແຕ່ລະພາກສ່ວນເຂົ້າຮ່ວມ.

ໃນໂອກາດດັ່ງກ່າວ ທ່ານ ທອງລຸນ ສີສຸລິດ ໄດ້ຂອບໃຈຕໍ່ສາມພາກສ່ວນທີ່ໄດ້ນຳເອົາເງິນມາມອບເພື່ອນຳໄປຊ່ວຍເຫລືອຜູ້ປະສົບໄພນໍ້າຖ້ວມໃນປີນີ້ເພື່ອບັນເທົາທຸກ ແລະ ສາມາດແກ້ໄຂບັນຫາຕ່າງໆທີ່ໄດ້ຮັບຜົນກະທົບ ແລະ ເສຍຫາຍຈາກໄພພິບັດນໍ້າຖ້ວມຄັ້ງນີ້ ໃຫ້ສາມາດຜ່ານພົ້ນໄປໄດ້ດ້ວຍດີ ໃນຕອນເຊົ້າຂອງວັນດຽວກັນກໍມີຫຼາຍພາກສ່ວນທະຍອຍມອບເງິນຊ່ວຍເຫຼືອຜູ້ປະສົບໄພນໍ້າຖ້ວມບໍ່ວ່າຈະເປັນ ບໍລິສັດ ຄູນທະວົງລາວ ກໍ່ສ້າງຄົບວົງຈອນ ຈຳກັດ ມອບ 10 ລ້ານກີບ ໂຮງຮຽນຮາກແກ້ວ ມອບ 14.182.000 ກີບ ແລະ ມູນນິທິເຮືອນເດັກມອບ 5 ລ້ານກີບ ຊຶ່ງຮັບໂດຍ ທ່ານ ນາງ ໃບຄຳ ຂັດທິຍະ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ.

ທັງນີ້ ໃນຕອນແລງຂອງວັນທີ 9 ກັນຍາ 2019 ທີ່ຫ້ອງວ່າການສຳນັກງານນາຍົກລັດຖະມົນຕີ ທ່ານ ສົມຈິດ ຫົງວິຈິດ ຮອງອຳ ນວຍການບໍລິສັດ ເອັສວີກຣຸບ ຈຳກັດ ໄດ້ມອບເງິນຊ່ວຍເຫຼືອຜູ້ປະສົບໄພນໍ້າຖ້ວມຈຳນວນ 200 ລ້ານກີບ ຮັບໂດຍ ທ່ານ ເພັດ ພົມພິພັກ ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ໂດຍມີພະນັກງານທີ່ກ່ຽວຂ້ອງເຂົ້າຮ່ວມ ໃນວັນດຽວ ກັນ ທ່ານ ນາງ ເລີດມະນີ ລາຊະຈຳພອນ ຜູ້ຈັດການບໍລິສັດໄທເມດ ຕາງໜ້າມູນນິທິ ວິຣະພຸຊົງ ໄດ້ມອບຢາແກ້ປວດ ແລະ ຢາສຳລັບທາພາຍນອກ ພ້ອມເງິນສົດຈຳນວນ 120 ລ້ານກີບ ລວມມູນຄ່າທັງໝົດ 200 ລ້ານກວ່າກີບ ມອບໃຫ້ແກ່ ທ່ານ ເຍ່ຍເກີຢ່າ ໜໍ່ຈໍ່ຈົງຕົວ ຮອງປະທານສູນກາງແນວລາວສ້າງຊາດ ເພື່ອນຳເອົາເຄື່ອງດັ່ງກ່າວໄປມອບຕໍ່ໃຫ້ປະຊາຊົນຜູ້ປະສົບໄພພິບັດນ້ຳຖ້ວມຢູ່ພາກໃຕ້ຂອງ ສປປ ລາວ.

 

 

 

ໂດຍ: ອິດສະຫຼະ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.