ຫວຽດນາມຂ້າໝູ 4,7 ລ້ານໂຕເກືອບທຸກແຂວງທົ່ວປະເທດທີ່ຕິດເຊື້ອອະຫິວາ

0
147

ສຳນັກຂ່າວຕ່າງປະເທດລາຍງານເມື່ອວັນທີ 8 ກັນຍາຜ່ານມວ່າ ຫວຽດນາມກຳຈັດໝູໃນປະເທດແລ້ວປະມານ 4,7 ລ້ານໂຕເພື່ອຄວບຄຸມການແຜ່ລະບາດຂອງພະຍາດອະຫິວາໝູອາຟຣິກາພາຍຫຼັງພົບການແຜ່ລະບາດຢູ່ໃນພື້ນທີ່ 63 ແຂວງ ພະຍາດດັ່ງກ່າວກວດພົບຄັ້ງທຳອິດເມື່ອເດືອນກຸມພາຜ່ານມາຊຶ່ງຍາກທີ່ຈະຄວບຄຸມການລະບາດໄດ້ ເນື່ອງຈາກຍັງບໍ່ມີວັກຊີນປ້ອງກັນ.

ຂະນະທີ່ເຈົ້າໜ້າທີ່ກ່ຽວຂ້ອງໄດ້ກ່າວວ່າ ທາງການຫວຽດນາມໄດ້ຂ້າໝູໄປແລ້ວປະມານ 4,7 ລ້ານໂຕ ໂດຍກະຊວງກະສິກຳ ແລະ ການພັດທະນາຊົນນະບົດຢືນຢັນວ່າ ເວລານີ້ການແຜ່ລະບາດຂອງພະຍາດພົບຢູ່ໃນພື້ນທີ່ 63 ແຂວງ ແລະ ນະຄອນທັງໝົດຂອງຫວຽດນາມ ການບໍລິໂພກຊີ້ນໝູໃນຫວຽດນາມມີສັດສ່ວນ 3 ໃນ 4 ຂອງການບໍລິໂພກຊີ້ນສັດທັງໝົດໃນປະຊາກອນທີ່ມີຢູ່ປະ ມານ 96 ລ້ານຄົນ.

ຂະນະທີ່ປະລິມານໝູໃນຫວຽດນາມນັບແຕ່ເດືອນທັນວາ 2018 ເຖິງທ້າຍເດືອນມັງກອນ 2019 ຫຼຸດລົງ 18,5% (22,2 ລ້ານໂຕ) ສ່ວນອຸດສາຫະກຳໝູມີມູນຄ່າປະມານ 94 ລ້ານລ້ານດົງ (ປະມານ 4.000 ລ້ານໂດລາ) ຫຼື ເກືອບ 10% ຂອງພາກກະສິ ກຳຂອງຫວຽດນາມ ທາງດ້ານສຸຂະອະນາໄມຕາມຟາມຖືເປັນວິທີທີ່ດີທີ່ສຸດໃນການປ້ອງກັນໝູຈາກພະຍາດ ນີ້.

ທັງນີ້ ການນຳລະບົບຄວາມປອດໄພທາງດ້ານຊີວະພາບມາໃຊ້ໃນການເຮັດຟາມຈະຊ່ວຍຕອບສະໜອງຄວາມຕ້ອງການຊີ້ນໝູໃນປະເທດໄປຈົນເຖິງທ້າຍປີນີ້ ແລະ ຈະຊ່ວຍຮັກສາ ລະດັບລາຄາຜູ້ບໍລິໂພກໃຫ້ຢູ່ພາຍໃຕ້ການຄວບຄຸມພະຍາດອະຫິວາໝູອາຟຣິກາໃນໝູຖືກພົບໃນພູມີພາກອາຊີຄັ້ງທຳອິດເມື່ອປີ 2018 ທີ່ ສປ ຈີນ ຊຶ່ງເປັນປະເທດຜູ້ຜະລິດຊີ້ນໝູລາຍໃຫຍ່ທີ່ສຸດຂອງໂລກ.

 

 

 

ຮຽບຮຽງ: ພ.ສະຫວັນ

ຮູບພາບ: mgronline

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.