ສ.ເກົາຫຼີ ເອົາຄືນຍີ່ປຸ່ນ ດ້ວຍການຖອນອອກຈາກບັນຊີຂາວ

0
201

ລັດຖະບານ ສ.ເກົາຫຼີ ປະກາດຕັດຍີ່ປຸ່ນອອກຈາກລາຍຊື່ປະເທດທີ່ໄດ້ຮັບສິດທິພິເສດທາງການຄ້າ ຫຼື ບັນຊີຂາວ ຊຶ່ງເປັນບັນຊີລາຍ ຊື່ປະເທດຕ່າງໆທີ່ ສ.ເກົາຫຼີ ຈະປະຕິບັດແບບພິເສດທາງການຄ້າ ລວມມີ 29 ປະເທດ ຂະນະທີ່ ຊອງ ຢຸນໂມ ລັດຖະມົນຕີວ່າການກະຊວງການຄ້າຂອງ ສ.ເກົາຫຼີ ກ່າວວ່າ ຈະໃຊ້ມາດຕະການດັ່ງກ່າວກັບຍີ່ປຸ່ນ ເນື່ອງຈາກອີກຝ່າຍລະເມີດຫຼັກການສາກົນ ໂດຍການຄວບຄຸມການສົ່ງອອກວັດຖຸດິບທີ່ມີຄວາມສຳຄັນມາຍັງ ສ.ເກົາຫຼີ ນັ້ນກໍຄືທາດສຳຄັນໃນການຜະລິດເຊມິຄອນດັກເຕີ.

ຊອງ ຢຸນໂມ ກ່າວອີກວ່າ ມາດຕະການນີ້ຈະມີຜົນໃນຊ່ວງເດືອນກັນຍາ ແລະ ຈະໃຊ້ເວລາ 20 ວັນສຳລັບການລວບລວມຄວາມຄິດເຫັນຂອງປະຊາຊົນກ່ຽວກັບບັນຫາທີ່ຈະຕາມມາ ແລະ ການທົບທວນກົດລະບຽບ ແລະ ກົດໝາຍເພີ່ມເຕີມ ທັງນີ້ ລັດຖະບານຂອງ ສ.ເກົາຫຼີ ຍິນດີທີ່ຈະຮັບຄຳຮ້ອງຂອງລັດຖະບານຍີ່ປຸ່ນເພື່ອຂໍຄຳປຶກສາກ່ຽວກັບບັນຫາທີ່ຈະເກີດຂຶ້ນພາຍຫຼັງໃຊ້ມາດຕະການດັ່ງກ່າວກັບຍີ່ປຸ່ນ.

ຂະນະທີ່ສຳນັກຂ່າວຊື່ດັງໄດ້ອອກມາລະບຸວ່າ ມາດຕະການດັ່ງກ່າວເປັນການຕອບໂຕ້ການຕັດສິນໃຈຫຼ້າສຸດຂອງຍີ່ປຸ່ນທີ່ປັບຫຼຸດສະ ຖານະທາງການຄ້າກັບ ສ.ເກົາຫຼີ ໂດຍຖອນ ສ.ເກົາຫຼີ ອອກຈາກບັນຊີຂາວເຊັ່ນກັນ ຫຼັງຈາກທີ່ທັງ 2 ຝ່າຍຜັດປ່ຽນກັນຕອບໂຕ້ໄປມາ ໂດຍເລີ່ມຈາກສານຂອງ ສ.ເກົາຫຼີ ສັ່ງໃຫ້ບໍລິສັດຍີ່ປຸ່ນຊົດເຊີຍໃຫ້ແຮງງານຂອງ ສ.ເກົາຫຼີ ທີ່ຖືກບັງຄັບເປັນທາງແຮງງານທາດໃນຊ່ວງສົງຄາມໂລກຄັ້ງທີ 2 ແຕ່ລັດຖະບານ ແລະ ພາກທຸລະກິດຂອງຍີ່ປຸ່ນປະທ້ວງຢ່າງຮຸນແຮງຊຶ່ງໄດ້ນຳໄປສູ່ການຮຽກຮ້ອງໃຫ້ຢຶດຊັບສິນຂອງບໍລິສັດຍີ່ປຸ່ນໃນ ສ.ເກົາຫຼີ ເພື່ອນຳມາຊົດເຊີຍ ດັ່ງນັ້ນ ຈຶ່ງເຮັດໃຫ້ລັດຖະບານຍີປຸ່ນຕອບໂຕ້ດ້ວຍການສັ່ງຫ້າມສົ່ງ ອອກວັດຖຸດິບສຳຄັນໃນການຜະລິດເຊມິຄອນດັກເຕີໄປຍັງ ສ.ເກົາ ອັນໄດ້ສົ່ງຜົນກະທົບຕໍ່ທຸລະກິດທັນທັນສະໄໝຂອງ ສ.ເກົາຫຼີ ນັ້ນກໍຄື Samsung Electronics.

 

ຮຽບຮຽງ: ພ.ສະຫວັນ

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.