ສິງກະໂປຢຶດງາຊ້າງຄັ້ງໃຫຍ່ສຸດ ນ້ຳໜັກກວ່າ 8,8 ໂຕນ

0
261

ເຈົ້າໜ້າທີ່ສຳນັກງານດ່ານຕຳຫຼວດ ແລະ ການກວດຄົນເຂົ້າເມືອງ ພ້ອມຄະນະກຳມະການອຸທິຍານແຫ່ງຊາດໄດ້ຖະແຫຼງເມື່ອວັນທີ 23 ກໍລະກົດຜ່ານມາວ່າ ສາມາດຢຶດງາຊ້າງຄັ້ງໃຫຍ່ທີ່ສຸດເທົ່າທີ່ເຄີຍມີມາ ແລະ ຢຶດເກັດໂຕນິ້ມໄດ້ຄັ້ງທີ 2 ຂອງປີນີ້ ພາຍຫຼັງທີ່ໄດ້ຮັບແຈ້ງເບາະແສຈາກເຈົ້າໜ້າທີ່ຈາກ ສປ ຈີນ ວ່າຂອງກາງຢູ່ຖືກຊຸກເຊື່ອງຢູ່ໃນຕູ້ຄອນເທນເນີ້ 3 ຕູ້ທີ່ສົ່ງມາຈາກສາທາລະນະລັດ ປະຊາທິປະໄຕຄອງໂກ ໂດຍມີປາຍທາງໄປຍັງ ສສ ຫວຽດນາມ.

ທັງນີ້ ງາຊ້າງທີ່ຢຶດໄດ້ໃນຄັ້ງນີ້ມີນ້ຳໜັກ 8,8 ໂຕນຊຶ່ງມາຈາກຊ້າງອາຟຣິກາປະມານ 300 ໂຕ ລວມມູນຄ່າປະມານ 12,9 ລ້ານໂດລາ ສ່ວນເດັກຂອງໂຕນິ້ມມີນ້ຳໜັກ 11,9 ໂຕນໄດ້ມາຈາກໂຕນິ້ມເກືອບ 2.000 ໂຕ ມູນຄ່າປະມານ 35,7 ລ້ານໂດລາ.

ຂະນະທີ່ເຈົ້າໜ້າທີ່ກອງທຶນສັດປ່າໂລກສິງກະໂປໄດ້ເປີດເຜີຍວ່າ ສິງກະໂປຕົກຢູ່ໃນວົງຈອນການຄ້າງາຊ້າງຂອງໂລກໂດຍບໍ່ເຈຕະນາດ້ວຍເຫດຜົນ 2 ຂໍ້ຄື 1. ເປັນຈຸດໝາຍທີ່ເຊື່ອມໂຍງກັບທົ່ວໂລກ 2. ຕະຫຼາດນ້ອຍໆໃນປະເທດໄດ້ຮັບອະນຸຍາດໃຫ້ຂາຍງາຊ້າງທີ່ໄດ້ຈາກຊ່ວງກ່ອນທົດສະວັດ 90 ໄດ້ໂດຍຖືກກົດໝາຍ ແລະ ການຢຶດສິ້ນສ່ວນສັດປ່າໄດ້ຢ່າງຕໍ່ເນື່ອງໃນສິງກະໂປເປັນສິ່ງທີ່ບົ່ງຊີ້ວ່າ “ສິງກະໂປຖືກໃຊ້ເປັນທາງຜ່ານໃນການລັກລອບຂົນສົ່ງສັດປ່າ”.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: nationtv

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.