ສິງກະໂປຄອງແຊ໋ມແຫຼ່ງການລົງທຶນອະສັງຫາລິມະຊັບປະຈຳປີ 2020

0
338

ສຳນັກຂ່າວຕ່າງປະເທດລາຍງານເມື່ອວັນທີ 12 ພະຈິກຜ່ານມາວ່າ: ສິງກະໂປຂຶ້ນມາຄອງແຊ໋ມປະເທດທີ່ມີແຫຼ່ງລົງທຶນດ້ານອະສັງຫາລິມະຊັບປະຈຳປີ 2020.

ສິງກະໂປກ້າວຂຶ້ນເປັນເບີໜຶ່ງຂອງປະເທດທີ່ມີແຫຼ່ງການລົງທຶນດ້ານອະສັງຫາລິມະຊັບປະຈຳປີ 2020 ເມື່ອພິຈາລະນາຈາກລາຄາອະສັງຫາລິມະຊັບທີ່ມີທ່າອຽງເພີ່ມສູງຂຶ້ນໃນປີໜ້າ, ລາຍງານຂ່າວດຽວກັນລະບຸອີກວ່າ: ສິງກະໂປໄດ້ປະໂຫຍດຈາກທີ່ມີນັກລົງທຶນຈຳນວນຫຼາຍທີ່ພະຍາຍາມຫຼີກເວັ້ນການລົງທຶນໃນ ສປ ຈີນ ແລະ ຮົງກົງ. ນອກຈາກນີ້ ສິງກະໂປກໍຍັງເປັນໜຶ່ງໃນຕະຫຼາດໃນພາກພື້ນອາຊີທີ່ມີຍອດການເຮັດທຸລະກຳດ້ານອະສັງຫາລິມະຊັບເພີ່ມຂຶ້ນໃນໄລຍະເຄິ່ງປີທຳອິດ, ຊຶ່ງປັດໄຈຫຼັກກໍຄືເງິນລົງທຶນຂ້າມຊາຍ ແດນທີ່ເພີ່ມຂຶ້ນແບບກ້າວກະໂດດ. ຂະນະທີ່ຍອດການເຮັດທຸລະກຳມີມູນຄ່າກວ່າ 4,9 ຕື້ໂດລາ ເພີ່ມຂຶ້ນເຖິງ 73%.

ໂດຍ 10 ອັນດັບທີ່ມີແຫຼ່ງລົງທຶນດ້ານອະສັງຫາລິມະຊັບໜ້າດຶງດູດທີ່ສຸດມີຄື:

1. ສິງກະໂປ

2. ນະຄອນຫຼວງໂຕກຽວ (ຍີ່ປຸ່ນ)

3. ນະຄອນໂຮ່ຈິມິນ (ສສ ຫວຽດນາມ)

4. ນະຄອນຊິດນີ (ອົສຕຣາລີ)

5. ນະຄອນເມລເບິນ (ອົສຕຣາລີ)

6. ເມືອງເຊິນເຈິ້ນ (ສປ ຈີນ)

7. ນະຄອນຊຽງໄຮ້ (ສປ ຈີນ)

8. ນະຄອນໂອຊາກາ (ຍີ່ປຸ່ນ)

9. ເມືອງກວາງໂຈວ (ສປ ຈີນ)

10. ນະຄອນຫຼວງໂຊ (ສ.ເກົາຫຼີ)

 

ຮຽບຮຽງ: ເພັງສະຫວັນ

ຮູບພາບ: kapook

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.