ສຳເລັດກອງປະຊຸມສະໄໝສາມັນເທື່ອທີ VII ຂອງສະພາປະຊາຊົນແຂວງຫຼວງພຣະບາງ

0
195

ກອງປະຊຸມສະໄໝສາມັນເທື່ອທີ VII ສະພາປະຊາຊົນແຂວງຫຼວງພຣະບາງຊຸດທີ 1 ໄດ້ສຳເລັດໃນຕອນບ່າຍຂອງວັນທີ 31 ກໍລະ ກົດ 2019 ພາຍຫຼັງທີດຳເນີນມາແຕ່ວັນທີ 29 ກໍລະກົດ 2019 ຢູ່ສະໂມສອນກອງບັນຊາການທະຫານແຂວງ ໂດຍການເປັນປະທານຂອງ ທ່ານ ສາຍສະໝອນ ຄົມທະວົງ ຮອງເລຂາພັກແຂວງ ປະທານສະພາປະຊາຊົນແຂວງ ໃຫ້ກຽດເຂົ້າຮ່ວມມີ ທ່ານ ຄຳຂັນ ຈັນທະວີສຸກ ກຳມະການສູນກາງພັກ ເລຂາພັກແຂວງ ເຈົ້າແຂວງຫຼວງພຣະບາງ ພ້ອມດ້ວຍສະມາຊິກສະພາແຫ່ງຊາດປະຈຳເຂດເລືອກຕັ້ງສະມາຊິກສະພາປະຊາຊົນແຂວງ ແລະ ອົງການປົກຄອງແຂວງ.

ກອງປະຊຸມໃນຄັ້ງນີ້ ຜູ້ແທນເຂົ້າຮ່ວມກອງປະຊຸມໄດ້ຄົ້ນຄ້ວາພິຈາລະນາ ແລະ ຮັບຮອງເອົາແຜນພັດທະນາເສດຖະກິດສັງຄົມ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2019 ແຜນງົບປະມານ 6 ເດືອນຕົ້ນປີ ແລະ ທິດທາງ 6 ເດືອນທ້າຍປີ 2019 ແຜນໂຄງການລົງທືນຂອງລັດ ແລະ ເອກະຊົນໃນ 6 ເດືອນຕົ້ນປີ ແລະ ຄາດຄະເນ 6 ເດືອນທ້າຍປີ 2019 ມາດຕະການຄຸ້ມຄອງສີນຄ້າປະເພດເຄື່ອງບໍລິໂພກ ແລະ ສະບຽງອາຫານທີ່ເຫັນວ່າມີມູນຄ່າສູງຂຶ້ນໃນນະຄອນຫຼວງພຣະບາງ ການສົ່ງເສີມນັກ ຮຽນທີ່ຮຽນຈົບຊັ້ນມັດທະຍົມຕອນຕົ້ນເຂົ້າຮຽນອາຊີວະສຶກສາ 5% ຕໍ່ປີເພື່ອຕອບສະໜອງຄວາມຕ້ອງການຂອງຕະຫຼາດແຮງ ງານ ແຜນການພັດທະນາແຫຼ່ງທ່ອງທ່ຽວ ກິດຈະກຳການທ່ອງທ່ຽວລາວ-ຈີນ ແລະ ການຄຸ້ມຄອງລາຄາໂຮງແຮມ ເຮືອນພັກ ແລະ ຮ້ານອາຫານຢູ່ແຂວງຫຼວງພຣະບາງ ການຈັດຕັ້ງປະຕິບັດຄຳຕັດສີນຂອງສານທີ່ໃຊ້ໄດ້ຢ່າງເດັດຂາດຢູ່ແຂວງຫຼວງພຣະບາງ ການປະຕິບັດກົດໝາຍໃນການຈັບຕົວ ກັກຕົວ ແລະ ການກັກຂັງຂອງອົງການສືບສວນ-ສອບສວນ ການເຄື່ອນໄຫວວຽກງານ 6 ເດືອນຕົ້ນປີ ແລະ ທິດທາງ 6 ເດືອນທ້າຍປີ 2019 ແລະ ພິຈາລະນາຮັບຮອງເອົາການສະເໜີແຕ່ງຕັ້ງ ທ່ານ ສຸກັນ ບຸນຍົງ ກຳ ມະການປະຈຳພັກແຂວງ ເປັນຮອງເຈົ້າແຂວງຫຼວງພຣະບາງ ແລະ ທ່ານ ນາງ ວຽນວິໄລ ດີລະພັນ ປານທານສະຫະພັນແມ່ຍິງແຂວງ ເປັນຮອງປະທານສະພາປະຊາຊົນແຂວງ.

ໂອກາດນີ້ ທ່ານ ສາຍສະໝອນ ໄດ້ກ່າວສະແດງຄວາມຂອບໃຈຕໍ່ການປະກອບສ່ວນຂອງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງທີ່ໄດ້ຄົ້ນຄ້ວາຢ່າງເລິກເຊິ່ງ ເຮັດໃຫ້ບັນດາຄາດໝາຍແຕ່ລະດ້ານທີ່ໄດ້ສະເໜີໃນກອງປະຊຸມຄັ້ງນີ້ໃຫ້ໄດ້ຮັບ ຮອງເພື່ອນຳໄປຈັດຕັ້ງປະຕິບັດໃຫ້ໄດ້ຮັບຜົນດີ ພາຍຫຼງສຳເລັດກອງປະຊຸມຄັ້ງນີ້,ໄດ້ຮຽກຮ້ອງໃຫ້ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ນຳເອົາຜົນສຳເລັດຂອງແຕ່ລະໜ້າວຽກທີ່ໄດ້ພິຈາລະນາ ແລະ ຮັບຮອງໃນກອງປະຊຸມໄປເຜີຍແຜ່ໃຫ້ປະຊາຊົນຜູ້ມີສິດເລືອກຕັ້ງໄດ້ຮັບຮູ້ຢ່າງທົ່ວເຖິງ ແລະ ນຳໄປຜັນຂະຫຍາຍໃຫ້ໄດ້ຮັບຜົນສຳເລັດຕໍ່ໄປ.

 

 

 

ໂດຍ: ສະຫະລັດ ວອນທິວົງໄຊ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.