ສາວອິນເດຍໃຈມານ… ຝັງທັງເປັນເດັກອ່ອນເກີດໃໝ່

0
235

ເຈົ້າໜ້າທີ່ຕຳຫຼວດຂອງອິນເດຍໄດ້ເປີດເຜີຍເມື່ອວັນທີ 15 ຕຸລາຜ່ານມາວ່າ ເດັກອ່ອນເກີດໃໝ່ເພດຍິງໃສ່ໝໍ້ດິນແລ້ວນຳໄປຝັງທັງເປັນ ເຫດການດັ່ງກ່າວເກີດຂຶ້ນຢູ່ເມືອງທາງພາກເໜືອຂອງປະເທດ ແຕ່ໂຊກຍັງດີທີ່ເດັກອ່ອນຄົນນີ້ຍັງບໍ່ເຖິງຄາດຊຶ່ງປະຊາຊົນໄປພົບເຫັນໂດຍບັງເອີນ ແລະ ໄດ້ນຳເດັກດວງແຂງຄົນນີ້ໄປສົ່ງໂຮງໝໍ.

ສຳນັກຂ່າວເອພີລາຍງານຈາກເມືອງລັກເນົາ ປະເທດອິນເດຍວ່າ ຜູ້ບັນຊາການຕຳຫຼວດລັດອຸດຕະຣະປະເທດເຜີຍຕໍ່ສື່ມວນຊົນວ່າ ເດັກອ່ອນຍິງຖືກພົບເມື່ອວັນທີ 10 ຕຸລາ 2019 ໂດຍປະຊາຊົນຊາວຄ້າຂາຍທ້ອງຖິ່ນໄດ້ນຳສົບລູກສາວຊຶ່ງເສຍຊີວິດຫຼັງຄອດໄປຝັງໃນປ່າຊ້າໃກ້ກັບໝູ່ບ້ານ ຂະນະທີ່ກຳລັງຂຸດດິນເພື່ອຝັງສົບລູກສາຍກໍໄດ້ຍິນສຽງເດັກຮ້ອງຈາກຂຸມທີ່ຫາກໍ່ຝັງໃໝ່ບໍລິເວນໃກ້ ຄຽງ ແລະ ໄດ້ຂຸດຂຸມແລ້ວພົບໝໍ້ດິນຊຶ່ງມີເດັກອ່ອນຢູ່ໃນໝໍ້ ດັ່ງນັ້ນ ຈຶ່ງໄດ້ຮີບນຳເອົາເດັກອ່ອນໄປສົ່ງໂຮງໝໍໃນເມືອງບາໄຣລີ ຫຼ້າສຸດ ອາການຂອງເດັກອ່ອນປອດໄພແລ້ວ.

ອິນເດຍເປັນໜຶ່ງໃນປະເທດທີ່ມີການແບ່ງແຍກທາງເພດຂອງປະຊາກອນ ລວມທັງຄ່ານິຍົມ ໂດຍສະເພາະຄອບຄົວໃນຊຸມຊົນທີ່ມີຖານະທຸກຍາກ ຫຼື ຕາມທ້ອງຖິ່ນເຂດຊົນນະບົດ ໂດຍທົ່ວໄປແມ່ນຕ້ອງການມີລູກຊາຍຫຼາຍກວ່າລູກສາວ ຊຶ່ງມີຄວາມເຊື່ອວ່າລູກ ສາວຈະເປັນພາລະທາງການເງິນ ທັງເລື່ອງການສຶກສາ ແລະ ການແຕ່ງດອງ ເພາະວ່າປະເພນີຂອງຊາວອິນເດຍແມ່ນຄອບຄົວຂອງຝ່າຍຍິງຕ້ອງເປັນຝ່າຍທີ່ຈ່າຍຄ່າດອງໃຫ້ແກ່ຄອບຄົວຝ່າຍຊາຍ ຂະນະທີ່ເຈົ້າໜ້າທີ່ຕຳຫຼວດພວມເລັ່ງສືບຫາພໍ່ແມ່ໃຈບາບມາດຳ ເນີນຄະດີ.

 

 

 

ຮຽບຮຽງ: ເພັງສະຫວັນ

ຮູບພາບ: dailynews

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.