ສາລະວັນຕ້ອງການຄວາມຊ່ວຍເຫຼືອດ່ວນ!

0
208

ເນື່ອງຈາກປະລິມານນໍ້າຝົນທີ່ຕົກລົງມາເປັນຈຳນວນຫຼາຍ ຍ້ອນພາກກາງ ແລະ ພາກໃຕ້ຂອງລາວໄດ້ຮັບອິດທິພົນມາຈາກພາຍຸເຖິງສອງລູກໃນເວລາຕິດຕໍ່ກັນ ຈຶ່ງເຮັດໃຫ້ປະລິມານນໍ້າຕາມສາຂາແມ່ນໍ້າຕ່າງໆເພີ່ມຂຶ້ນຈົນຢູ່ໃນລະດັບອັນຕະລາຍ ເຊິ່ງທາງພາກໃຕ້ປະກອບມີຫຼາຍແຂວງໄດ້ຮັບຜົນກະທົບຈາກໄພນໍ້າຖ້ວມ ບໍ່ວ່າຈະເປັນແຂວງ ຈຳປາສັກ, ແຂວງ ສາລະວັນ, ແຂວງ ເຊກອງ, ແຂວງ ອັດຕະປື, ແຂວງ ສະຫວັນນະເຂດ ເຮັດໃຫ້ພື້ນທີ່ທຳມາຫາກິນ, ທີ່ຢູ່ອາໄສ,​ ຊັບສິນ, ສັດລ້ຽງ ແລະ ພືດພັນຕ່າງໄດ້ຮັບຄວາມເສຍຫາຍມະຫາສານ.

ແຂວງ ສາລະວັນມີທັງໝົດ 124 ບ້ານ ໃນວັນນີ້ແນມໄປທາງໃດກໍ່ເຕັມໄປດ້ວຍວັງນໍ້າມີ 75 ບ້ານຖືກນໍ້າຖ້ວມ, 41 ບ້ານຂາດການຕິດຕໍ່ ເຊິ່ງປັດຈຸບັນເຈົ້າໜ້າທີ່ໜ່ວຍງານຕ່າງໆເລັ່ງປະສານງານໃຫ້ຄວາມຊ່ວຍເຫຼືອແກ່ຜູ້ທີ່ໄດ້ຮັບຄວາມເດືອດຮ້ອນ, ໃນຕອນນີ້ທາງແຂວງສາລະວັນຕ້ອງການຄວາມຊ່ວຍເຫຼືອດ່ວນຈາກສັງຄົມ ໂດຍສະເພາະທາງດ້ານອາຫານ, ນໍ້າສະອາດ, ເຄື່ອງນຸ່ງຫົ່ມ ແລະ ເຮືອທີ່ຈະໃຊ້ອົບພະຍົບຂົນຍ້າຍປະຊາຊົນທີ່ຕິດຢູ່ໃນເຮືອນບໍລິເວນທີ່ຖືກນໍ້າຖ້ວມ.

ຫາກທ່ານໃດຕ້ອງການຮ່ວມປັນນໍ້າໃຈຊ່ວຍເພື່ອນໃນຍາມຍາກກໍ່ສາມາດຕິດຕໍ່ໄປທີ່ ທ່ານ ທຶງ ຈອມມະນີ ເຈົ້າເມືອງສາລະວັນ ເບີໂທລະສັບ 020 55556737 ແລະ ທ່ານ ດຣ. ສະໄໝ ໂພທິສານ ຫົວໜ້າຫ້ອງວ່າການແຂວງສາລະວັນ ເບີໂທລະສັບ: 020 98726601.

ບົດໂດຍ:​ ບຸດສະດີ ສາຍນໍ້າມັດ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.