ສາມີຂອງເນັດໄອດອລລາວຖືກຈັບຂໍ້ຫາສໍ້ໂກງ

0
1676

ເຈົ້າໜ້າທີ່ຕຳຫຼວດຂອງໄທໄດ້ຖະແຫຼງການຈັບກຸມເຄືອຂ່າຍຄ້າຢາເສບຕິດລາຍໃຫຍ່ໃນພາກອີ່ສານ ໂດຍຜູ້ຖືກກ່າວຫາ ແລະ ຖືກຈັບກຸມກໍຄື ທ້າວ ວັດຊະພູມ ສຸດຫຼ້າ ອາຍຸ 41 ປີ ຊຶ່ງຖືກ ກ່າວຫາວ່າຟອກເງິນ ແລະ ຮ່ວມຂະບວນປະທ້ວງທີ່ແຂວງນະຄອນຣາຊະສີມາ.

ໂດຍເຈົ້າໜ້າທີ່ຕຳຫຼວດກວດພົບເງິນສົດຈຳນວນ 1,5 ລ້ານບາດ ເງິນສະກຸນກີບ 55 ລ້ານກີບ ປື້ມບັນຊີທະນາຄານ 4 ເຫຼັ້ມ ບັດເອທີເອັມ 5 ບັດ ລົດກະບະ ໂທລະສັບມືຖື 5 ໜ່ວຍ ຄຳນໍ້າໜັກ 5 ບາດ ແຫວນເພັດ 1,8 ກາຣັດ.

ການຈັບກຸມ ທ້າວ ວັດຊະພູມ ສືບເນື່ອງມາຈາກການສືບສວນຢ່າງຕໍ່ເນື່ອງກ່ຽວກັບເສັ້ນທາງການເງິນທີ່ສ້າງຂຶ້ນໂດຍເຄືອຂ່າຍຄ້າຢາເສບຕິດຢູ່ໃນລາວຊຶ່ງໄດ້ລັກລອບຂົນສົ່ງຢາເສບຕິດເຂົ້າໃນແຂວງພາກຕາເວັນອອກສຽງເໜືອ ຊຶ່ງຜູ້ກະກະທຳຜິດກ່ຽວກັບຢາເສບຕິດ ຫຼາຍຄົນໄດ້ໂອນເງິນເຂົ້າບັນຊີທະນາຄານຂອງຊາຍນິລະນາມຄົນໜຶ່ງຊຶ່ງໃສ່ນາມແຝງວ່າ “A Money” ແລ້ວກໍຖືກໂອນຕໍ່ໄປຍັງບັນຊີອື່ນ ໂດນມີເງິນໝູນວຽກໃນບັນຊີຫຼາຍກວ່າ 200 ລ້ານບາດໃນໄລຍະ 4 ເດືອນ ທັງນີ້ ເຈົ້າໜ້າທີ່ຕຳຫຼວດໄດ້ຕິດຕາມເສັ້ນທາງການເງິນຈຳນວນດັ່ງກ່າວຊຶ່ງໄດ້ນຳມາເຖິງການຈັບກຸມ ທ້າວ ວັດຊະພູມ ສຸດຫຼ້າ ທີ່ທະນາຄານ ໃນສູນການຄ້າ ໂຣບິນສັນ ໃນແຂວງມຸກດາຫານ ຂະນະທີ່ຜູ້ກ່ຽວກຳລັງຈະຖອນເງິນ.

ຢ່າງໃດກໍຕາມ ທ້າວ ວັດຊະພູມ ກໍໄດ້ປະຕິເສດທຸກຂໍ້ກ່າວຫາ ໂດຍໄດ້ໃຫ້ການຕໍ່ເຈົ້າໜ້າທີ່ຕຳຫຼວດວ່າ ຕົນເອງດຳເນີນທຸລະກິດແລກປ່ຽນເງິນຕາຢູ່ທີ່ເມືອງອຸດົມພອນ ແຂວງສະຫວັນນະເຂດ ສປປ ລາວ ຊຶ່ງຕົນເອງມັກຖອນເງິນຄັ້ງລະ 500.000-5.000.000 ລ້ານບາດ ເພື່ອໂອນ ຫຼື ມອບໃຫ້ລູກຄ້າຢູ່ໃນ ສປປ ລາວ.

ທັງນີ້ ທ້າວ ວັດຊະພູມ ຢືນຢັນວ່າ ລາວບໍ່ມີຮູ້ກ່ຽວກັບແຫຼ່ງທີ່ມາກ່ຽວກັບເງິນຂອງບັນດາລູກຄ້າ ຊຶ່ງຕົນເອງໄດ້ຮັບພຽງແຕ່ຄ່າທຳນຽມເທົ່ານັ້ນ ແລະ ຈະໄດ້ໜ້ອຍ ຫຼື ຫຼາຍກໍຂຶ້ນຢູ່ກັບມູນຄ່າທີ່ລູກຄ້າຕ້ອງການແລກປ່ຽນ ຂະນະທີ່ເຈົ້າໜ້າທີ່ຕຳຫຼວດກໍບໍ່ເຊື່ອໃນຄຳອະທິບາຍຂອງຜູ້ຖືກຫາ ເບື້ອງຕົ້ນ ທ້າວ ວັດຊະພູມ ໄດ້ຖືກກັກຂັງໃນຂໍ້ກ່າວຫາສໍ້ໂກງເງິນ.

ຂໍ້ມູນຈາກ : Bangkok post

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.