ສະໜາມບິນໃໝ່ໃນ “ເປີ່ຍຈິງ ຕ້າຊິງ” ເລີ່ມເປີດຂາຍປີ້ແລ້ວ

0
919

ໄຊນ່າເດລີລາຍງານເມື່ອວັນທີ 13 ສິງຫາຜ່ານມາວ່າ ຂະນະນີ້ຜູ້ໂດຍສານສາມາດຈອງຖ້ຽວບິນທີ່ຈະອອກເດີນທາງຈາກສະໜາມນາໆຊາດ “ເປີ່ຍຈິງ ຕ້າຊິງ” ໄດ້ຢ່າງເປັນທາງການແລ້ວ.

ລາຍງານຂ່າວດຽວກັນລະບຸອີກວ່າ ຖ້າຫາກປຽບທຽບກັບຖ້ຽວບິນທີ່ອອກເດີນທາງຈາກສະ ໜາມບິນນາໆຊາດປັກກິ່ງ ຖ້ຽວບິນທີ່ເປີດໃຫ້ບໍລິການແຫ່ງໃໝ່ຊຶ່ງຈະເລີ່ມເປີດໃຫ້ບໍລິການໃນວັນທີ 30 ກັນຍາທີ່ຈະເຖິງນີ້ຈະມີລາຄາຖືກກວ່າເນື່ອງຈາກມີຄ່າທຳນຽມເສັ້ນທາງ ແລະ ບໍລິການຕ່າງໆລວມຢູ່ນຳກັນ.

ທັງນີ້ ແພລັດຟອມຂອງການຈອງປີ້ຂອງ Qunar ຊຶ່ງເປັນບໍລິສັດທ່ອງທ່ຽວອນນລາຍໄດ້ເປີດຈຳໜ່າຍປີ້ສຳລັບຖ້ຽວບິນຈາກສະ ໜາມບິນໃໝ່ສູ່ນະຄອນຊຽງໄຮ້ ກວາງໂຈ ເສິງຕູ ແລະ ຄຸນໝິງ ນັບແຕ່ວັນທີ 30 ກັນຍາທີ່ຈະເຖິງນີ້ ນອກຈາກນີ້ ເສັ້ນທາງລະ ຫວ່າງປະເທດລວມເຖິງນະຄອນຫຼວງລອນດອນ ປະເທດອັງກິດ ເຮລຊິງກິ ຄາຊາບລັງກາ ຟຸກຸໂອກະ ແລະ ກາດມັນທຸ ສາມາດຈອງໄດ້ໃນລະຄາທີ່ຖືກກວ່າເສັ້ນທາງອອກຈາກສະໜາມບິນນາໆຊາດປັກກິ່ງ.

ຢ່າງໃດກໍດີ ສະໜາມບິນແຫ່ງໃໝ່ຊຶ່ງສ້າງຂຶ້ນເພື່ອຕອບສະໜອງຄວາມຕ້ອງການດ້ານການບໍລິການທາງອາກາດທີ່ຂະຫຍາຍຕົວຂຶ້ນພາຍໃນ ສປ ຈີນ ຊຶ່ງຕັ້ງຢູ່ທາງໃຕ້ຫ່າງຈາກນະຄອນຫຼວງປັກກິ່ງປະມານ 46 ກີໂລແມັດ ແລະ ກຳລັງຈະກາຍເປັນສະໜາມບິນທີ່ໃຫຍ່ທີ່ສຸດໃນໂລກ ແລະ ຄາດວ່າຈະຮອງຮັບຜູ້ໂດຍສານໄດ້ຫຼາຍກວ່າ 100 ລ້ານຄົນຕໍ່ປີ.

 

 

ຮຽບຮຽງ: ພ.ສະຫວັນ 

ຮູບພາບ: mgronline

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.