ພົບສົບທີ່ຖືກຝັງກວ່າ 16 ປີຢູ່ເດີ່ນກີລາໂຮງຮຽນ, ມີຜູ້ຮ່ວມກໍ່ເຫດຄາຕະກຳເຖິງ 19 ຄົນ

0
20896

ເມື່ອວັນທີ 27 ພະຈິກຜ່ານມາ, ສຳນັກງານແຊນແນລນິວເອເຊຍໄດ້ລາຍານຄະດີຄາດຕະກຳທີ່ຖືກປົກປີດມາດົນຕະຫຼາດໄລຍະເວລາ 16 ປີ ທີ່ເມືອງຮວຍຫົວ ມົນທົນຫູໜານ ພາກກາງຂອງ ສປ ຈີນ ໃນທີ່ສຸດກໍ່ພົບສົບຜູ້ເສຍຊີວິດຊື່ ທ້າວ ເຕີ້ງ ສືຜິງ ຜູ້ຄວບຄຸມຄຸນນະພາບງານກໍ່ສ້າງທີ່ສະໜາມກີລາຂອງໂຮງຮຽນປະຖົມ ເມື່ອເດືອນມິຖຸນາ 2019 ທີ່ຜ່ານມາ. ຫຼ້າສຸດ ມີຜູ້ຖືຫາທີ່ຈະຕ້ອງໄດ້ຮັບໂທດທັງໝົດ 19 ຄົນ ໃນນັ້ນ ມີຄູ, ພະນັກງານລັດ ລວມທັງຕຳຫຼວດຮ່ວມຢູ່ນຳ.

ຜູ້ຖືກຫາທັງໝົດຖືກກັກຕົວ ແລະ ດຳເນີນຄະດີໃນຂໍ້ຫາສົມຮູ້ຮ່ວມຄິດອຳພາງຄະດີຄາຕະກຳ ທ້າວ ເຕິ້ງ ນັບຈາກວັນທີ່ຜູ້ເສຍຊີວິດຫາຍຕົວໄປຢ່າງເລິກລັບເມື່ອປີ 2003, ການສືບສວນ-ສອບສວນຂອງຕຳຫຼວດໄດ້ນຳໄປສູ່ການຂຸດຄົ້ນບໍລິເວນສະໜາມກີລາໃນໂຮງຮຽນດັ່ງກ່າວ ແລະ ໃນທີ່ສຸດກໍພົບສົບຂອງຜູ້ເສຍຊີວິດ.

ສ່ວນເຈົ້າໜ້າທີ່ຊຶ່ງເປັນໜຶ່ງໃນຜູ້ຕ້ອງສົງໃສວ່າມີສ່ວນພົວພັນໃນການປົກປິດ ແລະ ອຳພາງຄະດີນີ້ ໃນນັ້ນ ຍັງມີສະມາຊິກຄະນະກຳມະການພັກກອມມູນິດ, ພະນັກງານລັດ ແລະ ພະນັກງານໂຮງຮຽນ, ສ່ວນຜູ້ລົງມືຂ້າມີ 2 ຄົນທີ່ຖືກຕັ້ງຂໍ້ຫາຄາຕະກຳ.

ສ່ວນແຮງຈູງໃຈໃນການກໍ່ເຫດຄັ້ງນີ້ແມ່ນເກີດມາຈາກການຜິດໃຈກັນລະຫວ່າງຜູ້ກໍ່ສ້າງສະໜາມກີລາກັບ ທ້າວ ເຕິ້ງ ຜູ້ຄວບຄຸມຄຸນນະພາບງານ, ທ້າວ ເຕີ້ງ ໄດ້ກວດງານຢ່າງເຂັ້ມງວດ ແລະ ກົງໄປກົງມາຈົນຂັດແຍ້ງກັນຂຶ້ນເລື່ອຍໆ. ລູກສາວຂອງ ທ້າວ ເຕີ້ງ ໄດ້ເປີດເຜີຍກັບເປີ່ຍຈິວນິວວ່າ: ໄລຍະກ່ອນເກີດເຫດຄາຕະກຳ ທ້າວ ຕູ້ ເສົ້າຜິງ ຜູ້ເຮັດສັນຍາການກໍ່ສ້າງໄດ້ນຳຂອງຂວັນ ແລະ ເງິນສົດມາມອບໃຫ້ກັບພໍ່ຂອງຕົນ ແຕ່ກໍຖືກພໍ່ຂອງຕົນປະຕິເສດ ແລະ ໄດ້ນຳເລື່ອງນີ້ໄປລາຍງານຕໍ່ໂຮງຮຽນ ຈຶ່ງເຮັດໃຫ້ອີກຝ່າຍເສຍໜ້າ.

ທ້າວ ຕູ້ ໄດ້ໄປເວົ້າກັບຄົນງານກໍ່ສ້າງດ້ວຍຄວາມເຈັບແຄ້ນທີ່ ທ້າວ ເຕິ້ງ ເຂັ້ມງວດຈົນເກີນໄປ ຈົນເຮັດໃຫ້ຢາກກຳຈັດອີກຝ່າຍໃຫ້ພົ້ນທາງ, ສ່ວນການສອບສວນພົບວ່າ: ທ້າວ ຕູ້ ແລະ ຊາຍອີກຄົນໜຶ່ງເປັນຄົນລົງມືຄາຕະກຳ ທ້າວ ເຕີ້ງ ເມື່ອເດືອນມັງກອນ 2003 ແລ້ວນຳມາຝັງໄວ້ທີ່ສະໜາມກໍ່ສ້າງກີລາແຫ່ງນີ້.

ເຊົ້າວັນຕໍ່ມາມີຄົນເຫັນວ່າ ທ້າວ ຫວງ ປິງສົງ ຊຶ່ງເປັນອາຂອງ ທ້າວ ຕູ້ (ຜູ້ລົງມືຂ້າ)  ແລະ ອາຈານໃຫຍ່ຂອງໂຮງຮຽນດັ່ງກ່າວເປັນຄົນຄອຍກຳກັບລົດໄຖກົບດິນບໍລິເວນສະໜາມກີລາດ້ວຍຕົນເອງ, ຕໍ່ມາເມື່ອຄອບຄົວຂອງ ທ້າວ ເຕີ້ງ ໄປແຈ້ງຄວາມຕໍ່ເຈົ້າ ໜ້າທີ່ຕຳຫຼວດວ່າ: ທ້າວ ເຕີ້ງ ໄດ້ຫາຍຕົວໄປ ແລະ ສົງໃສວ່າຈະຖືກຝັງໄວ້ທີ່ສະໜາມກີລາ, ແຕ່ເຈົ້າໜ້າທີ່ຕຳຫຼວດກໍບໍ່ໄດ້ມີການສອບສວນຢ່າງຈິງຈັງ.

ເມື່ອສືບສວນ-ສອບສວນຕາມຂັ້ນຕອນ ແລະ ຂະບວນການທັງໝົດກໍພົບວ່າ: ຄູໃຫຍ່ຊ່ວຍຫຼານຊາຍປົກປິດການຄາຕະກຳຄັ້ງນີ້ ແລະ ສາມາດສືບສາວລາວເລື້ອງວ່າມີຜູ້ເຊື່ອມໂຍງຢູ່ເຖິງ 19 ຄົນ, ໃນຈຳນວນນີ້ມີເຈົ້າໜ້າທີ່ຕຳຫຼວດ 6 ຄົນ ແລະ ອີກ 13 ຄົນແມ່ນເປັນຄົນຂອງ ທ້າວ ຕູ້ ທັງໝົດແມ່ນຢູ່ໃນລະຫວ່າງລໍຖ້ານຳຕົວໄປສອບສວນທີ່ສານເພື່ອຮັບໂທດຕໍ່ໄປ.

ຮຽບຮຽງຂ່າວ: ພຸດສະດີ
ແຫຼ່ງຂໍ້ມູນ: www.khaosod.co.th

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.