ສະເພາະກີລາ “ລອຍນໍ້າ” ໃນຊຽງຂວາງເກມແມ່ນຈະມາແຂ່ງຂັນທີ່ນະຄອນຫຼວງ

0
381

ງານມະຫະກຳກີລາແຫ່ງຊາດຄັ້ງທີ 11 ຊຶ່ງຈະຈັດຂຶ້ນໃນລະຫວ່າງວັນທີ 22 ມີນາຫາ 1 ເມສາ 2020, ໃນດ້ານສະໜາມຈັດການແຂ່ງຂັນແມ່ນມີຄວາມພ້ອມ 90% ເຫຼືອພຽງການປັບປຸງຂັ້ນຕອນສຸດທ້າຍເທົ່ານັ້ນ ຊຶ່ງຈະມີ 28 ປະເພດກີລາທີ່ຮ່ວມລົງແຂ່ງ ຂັນຊິງໄຊ.

ທ່ານ ທອງຜິວ ສິປັນຍາ ຮອງຫົວໜ້າພະແນກສຶກສາ ແລະ ກີລາແຂວງຊຽງຂວາງກ່າວວ່າ: ງານມະຫະກຳກີລາແຫ່ງຊາດຄັ້ງນີ້ແມ່ນເປັນຄັ້ງປະຫວັດສາດຂອງແຂວງຊຽງຂວາງ, ​ດັ່ງນັ້ນ ພວກເຮົາຈະເຮັດໃຫ້ດີທີ່ສຸດ ແລະ ເຜີຍແຜ່ໃຫ້ມວນຊົນລວມເຖິງບັນດານັກທ່ອງທ່ຽວທັງພາຍໃນ ແລະ ຕ່າງປະເທດຮູ້ກ່ຽວກັບແຂວງຊຽງຂວາງໃຫ້ຫຼາຍຂຶ້ນ, ໂດຍສະເພະແມ່ນບັນດາແຫຼ່ງທ່ອງທ່ຽວຕ່າງໆ. ສ່ວນການແຂ່ງຂັນກີລາລອຍນໍ້າ (ປະເພດດຽວ) ແມ່ນຈະໃຊ້ສະໜາມແຂ່ງທີ່ນະຄອນຫຼວງວຽງຈັນ.

ໂດຍທ່ານ ທອງຜິວ ກ່າວຕື່ມວ່າ: ເນື່ອງຈາກງົບປະມານໃນການສ້າງສະລອຍນໍ້າມີຈຳກັດ ແລະ ອີກເຫດຜົນເພາະຊຽງຂວາງເປັນແຂວງທີ່ມີອາກາດໜາວເຢັນຊຶ່ງກົງກັບໄລຍະການແຂ່ງຂັນພໍດີ. ດັ່ງນັ້ນ ຈຶ່ງມີຄວາມເປັນຫ່ວງນັກກີລາເມື່ອເວລາລົງນໍ້າອາດເຮັດໃຫ້ຮ່າງກາຍປັບສະພາບບໍ່ທັນຊຶ່ງອາດສົ່ງຜົນກະທົບຕໍ່ສຸຂະພາບ.

ທັງນີ້, ເຈົ້າພາບແຂວງຊຽງຂວາງມີແຜນສົ່ງນັກກີລາປະເພດລອຍນໍ້າລົງແຂ່ງຂັນທັງໝົດ 8 ຄົນ, ຍິງ 4 ຄົນ ພ້ອມຄາດຫວັງວ່າຈະຍາດໃຫ້ໄດ້ 1 ຫຼຽນຄຳຈາກການແຂ່ງຂັນກີລາປະເພດນີ້.

 

ຂ່າວໂດຍ: ພຸດສະດີ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.