ສະຖານະການໜ້າເປັນຫ່ວງ… ພູໄຟຕາອັລອາດລະເບີດໄດ້ທຸກເວລາ!!

0
995

ສຳນັກຂ່າວຊີເອັນເອັນລາຍງານເມື່ອວັນທີ 13 ມັງກອນຜ່ານມາກ່ຽວກັບສະຖານະການທີ່ຫຼາຍຝ່າຍວິຕົກກັງວົນນັ້ນກໍຄື: ພູໄຟຕາອັລໃນຟີລິບປິບທີ່ຢູ່ເທິງເກາະລູຊອນ, ຫ່າງຈາກນະຄອນຫຼວງມະນິລາໄປທາງໃຕ້ປະມານ 50 ກີໂລແມັດເກີດການປະທຸ ແລະ ເກີດມີກຸ່ມຄວັນໜາຢູ່ເທິງທ້ອງຟ້ານັບແຕ່ວັນທີ 12 ມັງກອງຜ່ານມາ, ສົ່ງຜົນໃຫ້ທາງການທ້ອງຖິ່ນສັ່ງອົບພະຍົບປະຊາຊົນກວ່າ 8 ພັນຊີວິດໃນ 3 ເມືອງທີ່ມີຄວາມສ່ຽງ ແລະ ປະກາດເຕືອນໄພໃຫ້ເຝົ້າລະວັງລະດັບ 2.

ສ່ວນສະຖາບັນແຜ່ນດິນໄຫວ ແລະ ພູໄຟວິທະຍາຂອງຟີລິບປິນໄດ້ອອກມາລະບຸວ່າ: ເກີດແຜ່ນດິນໄຫວຂະໜາດເລັກນ້ອຍຫຼາຍຄັ້ງ, ພ້ອມທັງເຕືອນວ່າອາດເກີດຄື້ນສຶນາມິຈາກພູໄຟໜ່ວຍດັ່ງກ່າວໄດ້ທຸກເວລາ. ຂະນະສະໜາມບິນກໍໄດ້ສັ່ງຍົກເລີກຖ້ຽວບິນທັງຂາເຂົ້າ ແລະ ຂາອອກຈາກສະໜາມບິນນາໆຊາດນິນອຍ ອາກິໂນ ໃນນະຄອນຫຼວງມະນິລາ, ເນື່ອງຈາກມີກຸ່ມຄວັນໜາແໜ້ນຊຶ່ງອາດປິດບັງວິໄສທັດການເບິ່ງເຫັນ ແລະ ອາດເປັນອັນຕະລາຍຮ້າຍແຮງ.

ທັງນີ້ ພູໄຟຕາອັລເປັນໜຶ່ງໃນພູໄຟທີ່ມີຂະໜາດນ້ອຍທີ່ສຸດໃນໂລກ, ແຕ່ກໍເປັນໜຶ່ງໃນພູໄຟທີ່ມີການປະທຸຮຸນແຮງຫຼາຍຄັ້ງ ຊຶ່ງໃນຊ່ວງ 450 ປີຜ່ານມາມີການປະທຸແລ້ວຢ່າງໜ້ອຍ 34 ຄັ້ງ, ການປະທຸທີ່ຮຸນແຮງທີ່ສຸດເກີດຂຶ້ນເມື່ອປີ 1716 ແລະ ປີ 1911 ສົ່ງໃຫ້ມີຜູ້ເສຍຊີວິດລວມ 1.335 ລາຍ, ສ່ວນການປະທຸກ່ອນໜ້ານີ້ເກີດຂຶ້ນເມື່ອປີ 1977 ຫຼື ເມື່ອປະມານ 43 ປີກ່ອນ.

 

 

ຮຽບຮຽ: ເພັງສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.