ສວນພຶກສາຈັດກິດຈະກຳປະກວດ “ຖ່າຍຮູບ ແລະ ວິດິໂອ”

0
126

ເປີດຢ່າງເປັນທາງການສຳລັບກິດຈະກຳປະກວດ “ຖ່າຍຮູບ ແລະ ວິດິໂອ” ຊຶ່ງໄດ້ຈັດພິທີຖະແຫຼງຂ່າວຢ່າງເປັນທາງການເມື່ອວັນທີ 6 ຕຸລາຜ່ານມາທີ່ສວນພຶກສາ ບ້ານດ່ານຊີ ເມືອງນາຊາຍທອງ ນະຄອນຫຼວງວຽງຈັນ ໂຄງການດັ່ງກ່າວເປັນການຮ່ວມມືລະຫວ່າງສວນພຶກສາ ຮ້ານຄຳພູວົງ ວາລະສານວ້າວ ແທນຮັກ ສະຕູດີໂອ ແລະ ຜູ້ສະໜັບສະໜູນອີກຫຼາກຫຼາຍ.

ການຈັດກິດຈະກຳດັ່ງກ່າວຖືເປັນຄັ້ງທຳອິດ ໂດຍໄດ້ລວມເອົາບັນດາຊ່າງພາບທັງມືອາຊີບ ແລະ ສະໝັກຫຼິ້ນ (ບໍ່ຈຳກັດເພດ ແລະ ອາຍຸ) ມາຮ່ວມປະຊັນສີມືຜ່ານຖ່າຍພາບ ໃນນັ້ນ ມີຫຼາຍກວ່າ 50 ຄົນທີ່ເຂົ້າຮ່ວມສະໝັກ ສຳລັບກະຕິກາການປະກວດຖ່າຍຮູບ ສຳລັບ Prewedding ໃນນັ້ນ ມີທັງຊຸດລາວ ແລະ ສາກົນ ການຖ່າຍວິດິໂອສຳລັບກິດຈະກຳຕ່າງໆຂອງທາງສວນພຶກສາ ການຖ່າຍຮູບວິວທິວທັດພາຍໃນສວນພຶກສາ ແລະ ອື່ນໆທີ່ຄະນະກຳມະການໄດ້ກຳນົດໃຫ້ຜູ້ເຂົ້າແຂ່ງຂັນ​ ຊີງເງິນລາງວັນລວມ 30 ລ້ານກີບ.

ສຳລັບຮູບພາບທີ່ສວຍງາວມ ຫຼື ຮູບພາບມີຄຸນະພາບຊຶ່ງຄະນະກຳມະການມີມະຕິເລືອກເປັນເອກະສັນພາບນັ້ນກໍຈະໄດ້ມາອວດໂສມ ຢູ່ໃນວາລະສານວ້າວ (WOW MAGAZINE) ສ່ວນລາງວັນຕ່າງປະກອບມີດັ່ງນີ້ ຊຸດລາຕີ ລາງວັນຊະນະເລີດ 1 ຈະໄດ້ຮັບເງິນສົດມູນຄ່າ 5.000.000 ກີບ ລາງວັນທີ 2 ໄດ້ຮັບເງິນສົດ 3.000.000 ກີບ ສ່ວນຊະນະເລີດຊຸດລາວ ແລະ ຊຸດຊົນເຜົ່າ ຈະໄດ້ຮັບເງິນສົດມູນຄ່າ 5.000.000 ກີບ ລາງວັນທີ 2 ໄດ້ຮັບເງິນສົດມູນຄ່າ 3.000.000 ກີບ ຮູບຖ່າຍກິດຈະກຳ ຊະນະເລີດແມ່ນຈະໄດ້ຮັບເງິນສົດມູນຄ່າ 3.000.000 ກີບ ລາງວັນທີ 2 ໄດ້ຮັບເງິນສົດມູນຄ່າ 1.500.000 ກີບ ຂະນະທີ່ການຖ່າຍພາບໃນຫົວຂໍ້ມຸມປະທັບໃຈ ຊະນະເລີດແມ່ນຈະໄດ້ຮັບເງິນສົດມູນຄ່າ 2.000.000 ກີບ ລາງວັນທີ 2 ໄດ້ຮັບເງິນສົດມູນຄ່າ 1.000.000 ກີບ ແລະ ຫົວຂໍ້ສຸດທ້າຍແມ່ນການປະກວດປະເພດວິດິໂອ (ກຳນົດຄວາມຍາວບໍ່ເກີນ 1 ນາທີ) ຊະນະເລີດຈະໄດ້ຮັບເງິນສົດມູນຄ່າ 5.000.000 ກີບ.

ສຳລັບການຕັດສິນຮອບສຸດທ້າຍແມ່ນຈະຈັດຂຶ້ນໃນວັນທີ 11 ຕຸລາ ແລະ ມື້ປະກາດຜົນຜູ້ຊະນະໃນແຕ່ລະປະເພດແມ່ນຈະຈັດຂຶ້ນໃນວັນທີ 12 ຕຸລາ 2019 ທີ່ສວນພຶກສາ.

 

 

 

ໂດຍ: ພ.ສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.