ວິທີຮັບມືກໍລະນີເກີດນໍ້າຖ້ວມ

0
99

ເມື່ອເຂົ້າສູ່ລະດູຝົນ ແລະ ສິ່ງທີ່ເປັນໄພພິບັດທາງທຳມະຊາດທີ່ຕາມມານັ້ນກໍຄືການເກີດອຸທົກກະໄພ (ນໍ້າຖ້ວມ ນໍ້າຖ້ວມຂັງ ນໍ້າລົ້ນ ຕາຝັ່ງ ນໍ້າປ່າໄຫຼຊຸ ແລະ ນໍ້າຖ້ວມກະທັນຫັນ) ຊຶ່ງສາເຫດແມ່ນເກີດຈາກຝົນຕົກໜັກຕໍ່ເນື່ອງຫຼາຍຊົ່ວໂມງເຮັດໃຫ້ພື້ນດິນບໍ່ສາ ມາດດູດຊຶບນໍ້າໄດ້ທັນທີ ຝົນທີ່ຕົກລົງມາຈະໄຫຼລົງສູ່ເຂດລຸ່ມຕໍ່າ ສົ່ງຜົນໃຫ້ນໍ້າໄຫຼເຂົ້າໄປໃນເຂດທີ່ຢູ່ອາໄສ ຖະໜົນຫົນທາງ ແລະ ພື້ນທີ່ເຮັດກະສິກໍາ ທັງຍັງເຮັດໃຫ້ເກີດຄວາມເສຍຫາຍຕໍ່ຊັບສິນ ແລະ ຊິວີດ (ຄົນ ແລະ ສັດລ້ຽງ) ການຮັບມືກັບນໍ້າຖ້ວມຖືເປັນສິ່ງທີ່ຈຳເປັນທີ່ທຸກຄົນຕ້ອງມີຄວາມຮູ້ຂັ້ນພື້ນຖານ ທັງນີ້ ທີມງານຂ່າວລາວໂພສກໍມີຄຳແນະນຳກ່ຽວກັບເລື່ອງນີ້ມາຝາກບັນດາທ່ານໄດ້ນຳໄປລອງປະຕິບັດ.​

ວິທີຮັບມືກັບອຸທົກກະໄພເບື້ອງຕົ້ນ

  • ຕິດຕາມຂ່າວສານ ແລະ ແຈ້ງການສະພາບຝົນຟ້າອາກາດຈາກກົມອຸຕຸນິຍົມ ແລະ ອຸທົກກະສາດຢ່າງສະໝໍ່າສະເໝີ
  • ກຽມເຂົ້າສານ ອາຫານແຫ້ງ ຢາສາມັນປະຈໍາບ້ານ ໄຟສາຍ ແລະ ອຸປະກອນທີ່ຈໍາເປັນອື່ນໆເພື່ອນຳມາໃຊ້ໃນຍາມສຸກເສີນ
  • ເກັບມ້ຽນເຄື່ອງຂອງທີ່ມີຄ່າ ແລະ ສັດລ້ຽງ ພ້ອມອຸປະກອນໄຟຟ້າໄປໄວ້ໃນຈຸດທີ່ມີຄວາມສ່ຽງ
  • ກຽມເຮືອໄວ້ເພື່ອມີເຫດສຸກເສີນ ຊຶ່ງຈຳເປັນທີ່ຕ້ອງໃຊ້ໃນການເດີນທາງອອກຈາກພື້ນທີ່ຫາກເກີດນໍ້າຖ້ວມສູງກະທັນຫັນ
  • ຄວນມີໝາຍເລກໂທລະສັບຂອງໜ່ວຍງານເພື່ອຕິດຕໍ່ໃນເວລາສຸກເສີນ ບໍ່ວ່າຈະເປັນໜ່ວຍງານກູ້ໄພ ເພື່ອນມິດສະຫາຍ ຍາດພີ່ນ້ອງ ແລະ ອື່ນໆທີ່ຈຳເປັນ
  • ຫາກເກີດນໍ້າຖ້ວມໃຫ້ຮີບຂື້ນໄປລີ້ໄພຢູ່ເຂດທີ່ສູງກວ່າລະດັບນໍ້າ ແລະ ປິດວົງຈອນໄຟຟ້າເພື່ອປ້ອງກັນໄຟຟ້າລັດວົງຈອນ
  • ຫາກນໍ້າຖ້ວມບໍ່ສູງແມ່ນໃຫ້ລະມັດລະວັງໃນການໃຊ້ລົດໃຊ້ຖະໜົນ ແລະ ເບິ່ງແຍງລູກຫຼານບໍ່ໃຫ້ອອກຈາກບ້ານ
  • ລະວັງສັດມີພິດທີ່ມາກັບນໍ້າ

ການໃຊ້ຊີວິດດ້ວຍຄວາມລະວັງ ແລະ ມີສະຕິຢ່າງຮອບຄອບ ໂດຍສະເພາະຄົນທີ່ອາໄສຢູ່ແຄມແມ່ນໍ້າກໍໃຫ້ໝັ່ນຕິດຕາມລະດັບນໍ້າ ແລະ ຕິດຕາມພະຍາກອນອາກາດຈາກໜ່ວຍງານກ່ຽວຂ້ອງເປັນປະຈຳ.

ບົດໂດຍ: ບຸດສະດີ ສາຍນໍ້າມັດ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.