ລູກຄ້າຮ້ອງໂອ້ຍ! ຄ່າບໍລິການໂຮງໝໍເອກະຊົນແພງ

0
2201
ຜູ້ໃຊ້ເຟສບຸກຊື່ Mexiong Xaivtsom ໄດ້ໂພສຮູບບິນຄ່າບໍລິການຈາກໂຮງໝໍເອກະຊົນແຫ່ງໜຶ່ງ ໃນເມືອງນໍ້າບາກ ແຂວງຫຼວງພະບາງ ເຊິ່ງຜູ້ກ່ຽວກ່າວວ່າ: “ມື້ນີ້ມີພີ່ນ້ອງຕົກລົດຈັກ ເຮັດໃຫ້ເກີດມີບາດແຜ ຈຶ່ງໄດ້ໄປຮັບການຫຍິບ ແລະ ລ້າງບາດແຜທີ່ໂຮງໝໍເອກະຊົນແຫ່ງໜຶ່ງ ໃນບ້ານໂພນສະຫວັນ ເມືອງນໍ້າບາກ ແຂວງຫຼວງພະບາງ.  ຮອຍບາດແຜຕ້ອງຫຍິບ 6-7 ເຂັມ ຄ່າຫຍິບແລະລ້າງບາດ 1,040,000 ກີບ ແລະຢາ 350,000 ກີບ ລວມເປັນ 1,390,000 ກີບ ເຫັນວ່າບໍ່ເໝາະສົມ ໃຫ້ພາກສ່ວນກ່ຽວຂ້ອງຊາບ”.
ຕໍ່ກໍລະນີດັ່ງກ່າວນັ້ນ, ເປັນທີ່ສົນໃຈຂອງສັງຄົມອອນລາຍ ເຊິ່ງຫຼາຍຄົນເຫັນວ່າເຖິງແມ່ນວ່າຈະເປັນສິດທິຂອງ ເຈົ້າຂອງໂຮງໝໍທີ່ຈະຮຽກເກັບຄ່າບໍລິການທໍ່ໃດກໍໄດ້ ແຕ່ວ່າ ກໍຄວນຄຳນຶງເຖິງຄວາມເໝາະສົມ ແລະຄວາມເປັນມະນຸດສະທຳ ຕາມຈະລິຍະທຳຂອງແພດດ້ວຍ ເພາະຖ້າຫາກຖືກຜູ້ທີ່ບໍ່ມີເງິນຫຼາຍແລ້ວ ອາດຈະບໍ່ໄດ້ຮັບການບໍລິການ ຫຼືອາດຈະເກີດມີໜີ້ສິນຂຶ້ນໄດ້.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.