ລາວ-ຈີນລົງນາມສົ່ງເສີມການນຳໃຊ້ເງິນສອງສະກຸນ

0
3761

ເພື່ອກຽມຄວາມພ້ອມໃສ່ບັນດາເງື່ອນໄຂ ແລະ ທ່າແຮງທາງດ້ານເສດຖະກິດທີ່ກຳລັງຈະເກີດຂຶ້ນໃນອະນາຄົດ, ພາຍຫຼັງເສັ້ນທາງລົດໄຟຄວາມໄວສູງສ້າງສຳເລັດ ລັດຖະບານທັງສອງປະເທດ “ລາວ-ຈີນ” ຈຶ່ງເຫັນວ່າຄວນມີຂໍ້ຕົກລົງຮ່ວມກັນໃນການສົ່ງເສີມການນຳໃຊ້ເງິນສອງສະກຸນລະຫວ່າງ “ສະກຸນເງິນກີບກັບສະກຸນເງິນຢວນ” ເພື່ອຄວາມສະດວກໃນການຊຳລະຕ່າງໆ.

ອີງຕາມໜ່ວຍງານພະແນກສັງລວມຫ້ອງການ ທຫລ ໃຫ້ຮູ້ວ່າ: ໃນລະຫວ່າງວັນທີ 5-9 ມັງກອນ 2020 ທີ່ຜ່ານມາ, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໄດ້ເດີນທາງໄປຢ້ຽມຢາມທາງລັດຖະກິດ ສາທາລະນະລັດ ປະຊາຊົນຈີນ ແລະ ໃນໂອກາດດັ່ງກ່າວ ວັນທີ 6 ມັງກອນ 2020 ທ່ານ ສອນໄຊ ສິດພະໄຊ ຜູ້ວ່າການທະນາຄານແຫ່ງ ສປປ ລາວ (ທຫລ) ແລະ ທ່ານ ອີ້ ກັງ ຜູ້ວ່າການທະນາຄານ ປະຊາຊົນຈີນ (ທປຈ) ໄດ້ຮ່ວມລົງນາມໃນສັນຍາວ່າດ້ວຍການຮ່ວມມືໃນການສົ່ງເສີມການນໍາໃຊ້ສະ ກຸນເງິນທ້ອງຖິ່ນລະຫວ່າງ ທທລ ແລະ ທປຈ ພາຍໃຕ້ການເປັນສັກຂີພະຍານຂອງທ່ານນາຍົກລັດຖະມົນຕີທັງສອງປະເທດ.

ສັນຍາວ່າດ້ວຍການຮ່ວມມືໃນການສົ່ງເສີມການນໍາໃຊ້ສະກຸນເງິນທ້ອງຖິ່ນລະຫວ່າງ “ທຫລ ແລະ ທປຈ” ໄດ້ລະບຸກ່ຽວກັບການຮ່ວມມືລະຫວ່າງສອງລະບົບທະນາຄານໃນການສົ່ງເສີມສາຍພົວພັນລະຫວ່າງບັນດາທະນາຄານທຸລະກິດຂອງ ສປປ ລາວ ແລະ ສປ ຈີນ ເພື່ອຊຸກຍູ້ການນໍາໃຊ້ສະກຸນເງິນທ້ອງຖິ່ນໃນການອໍານວຍຄວາມສະດວກໃຫ້ແກ່ການຄ້າ ແລະ ການລົງທຶນສອງຝ່າຍ.

ທັງໝົດນີ້ສະແດງໃຫ້ເຫັນເຖິງຄໍາໝັ້ນສັນຍາຂອງສອງທະນາຄານກາງໃນການຈັດຕັ້ງປະຕິບັດຂໍ້ລິເລີ່ມ “ໜຶ່ງແລວທາງໜຶ່ງເສັ້ນ ທາງ” ໃນຂົງເຂດຂະແໜງການທະນາຄານທັງເປັນການຍົກລະດັບການເປັນຄູ່ຮ່ວມມືຍຸດທະສາດຮອບດ້ານໄປສູ່ລະດັບໃໝ່. ສັນຍາດັ່ງກ່າວ ສອງທະນາຄານສົ່ງເສີມການຮ່ວມມື ແລະ ຊຸກຍູ້ການໃຊ້ສະກຸນເງິນກີບ ແລະ ເງິນຢວນ ເຂົ້າໃນການຊໍາລະ ແລະ ສະສາງທຸລະກໍາການຄ້າ ແລະ ການລົງທຶນລະຫວ່າງປະຊາຊົນຂອງສອງປະເທດ.

ຄຽງຄູ່ກັນນີ້, ສັນຍາດັ່ງກ່າວຍັງໄດ້ລະບຸເຖິງຄໍາໜັ້ນສັນຍາຂອງສອງທະນາຄານກາງໃນການຍົກລະດັບການຮ່ວມມືຊຶ່ງກັນ ແລະ ກັນ ເພື່ອສົ່ງເສີມການຄ້າໂດຍກົງທີ່ເປັນສະກຸນເງິນກີບ ແລະ ຢວນຢູ່ແຕ່ລະປະເທດ, ຊຶ່ງຈະຊ່ວຍປະກອບສ່ວນໃນການຊຸກຍູ້ສາຍພົວ ພັນການຄ້າ ແລະ ການລົງທຶນລະຫວ່າງສອງປະເທດຫຼາຍຂຶ້ນກວ່າເກົ່າ.

ຮຽບຮຽງຂ່າວ​: ພຸດສະດີ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.