ລາວຈະຄວບຄຸມການນຳເຂົ້າເພື່ອສົ່ງເສີມການຜະລິດພາຍໃນໃຫ້ຫຼາຍຂຶ້ນ!!

0
879

ລາວມີແຜນໃນການຄວບຄຸມການນຳເຂົ້າສິນຄ້າອຸປະໂພກ-ບໍລິໂພກ, ເພື່ອສົ່ງເສີມການຜະລິດພາຍໃນປະເທດທ່າມກາງພາວະທີ່ອັດຕາແລກປ່ຽນຍັງຂຶ້ນໆລົງໆບໍ່ຄົງທີ່.

ນັບເປັນເວລາຫຼາຍຟ້າຫຼາຍປີແລ້ວນັບແຕ່ລຸ້ນປູ່ຍ່າຕາຍາຍຂອງເຮົາ, ການຊື້-ຂາຍ ແລະ ນຳເຂົ້າສິນຄ້າຈາກຕ່າງປະເທດແມ່ນສືບຕໍ່ມາຢ່າງຕໍ່ເນື່ອງ, ຊຶ່ງສາເຫດຫຼັກກໍຄື: ປະເທດເຮົາຍັງບໍ່ສາມາດຜະລິດສິນຄ້າທີ່ໄດ້ມາດຕະຖານ ຫຼື ຜະລິດອອກມາແລ້ວຍັງບໍ່ໜ້າເຊື່ອຖືກ່ຽວກັບເລື່ອງຄຸນນະພາບທີ່ທຽບເທົ່າກັບສິນຄ້ານຳເຂົ້າ.

ທັງນີ້, ກໍມີກະແສສັງຄົມທີ່ກຳລັງເປັນຫ່ວງ ແລະ ວິຕົກກ່ຽວກັບເລື່ອງທີ່ລັດຖະບານໄດ້ອອກມາປະກາດວ່າຈະຫຼຸດຜ່ອນການນຳເຂົ້າສິນຄ້າເກືອບທຸກປະເພດຈາກຕ່າງປະເທດ,​ ແລ້ວຈະຫັນມາສົ່ງເສີມການຜະລິດພາຍໃນໃຫ້ແຂງແຮງໂດຍສະເພາະຂະແໜງກະສິ ກຳ. ແລ້ວທ່ານຄິດວ່າແຜນຍຸດທະສາດຂອງລັດຖະບານເຮົາຈະສາມາດແກ້ໄຂບັນຫາໃນຈຸດນີ້ໄດ້ແທ້ ຫຼື ບໍ່? ເພາະວ່າຈະເປັນໄປໄດ້ບໍ່ຖ້າຈະຫ້າມບໍ່ໃຫ້ນຳໃຊ້ສິນຄ້ານຳເຂົ້າຈາຕ່າງປະເທດ, ໂດຍສະເພາະເຄື່ອງໃຊ້ໃນຊີວິດປະຈຳວັນນັບແຕ່ຫົວຮອດຕີນ, ຊຶ່ງໃນໄລຍະຜ່ານມາທາງພາກລັດກໍໄດ້ມີການປຸກລະດົມ ແລະ ສັ່ງຫ້າມບໍ່ໃຫ້ມີການນຳເຂົ້າສິນຄ້າຈາກຕ່າງປະເທດ, ແຕ່ກໍຍັງມີບາງກຸ່ມຄົນທີ່ລັກລອບນຳເຂົ້າໃນຫຼາຍຮູບແບບ ຊຶ່ງກໍເປັນອີກໜຶ່ງຊ່ອງຫວ່າງທີ່ຍັງບໍ່ສາມາດຄວບຄຸມໄດ້ເທື່ອ.

ຢ່າງໃດກໍຕາມ, ທາງພາກລັດກໍເລັ່ງປັບປຸງ-ສົ່ງເສີມຜະລິດຕະພັນຂອງລາວໃຫ້ສາມາດແຂ່ງຂັນໃນດ້ານລາຄາ ແລະ ການຜະລິດທ່າມ ກາງການນຳເຂົ້າສິນຄ້າຈາກຕ່າງ ປະເທດທີ່ມາໃນຮູບແບບຖືກກົດໝາຍ ແລະ ຜິດກົດໝາຍ, ທັງນີ້ ທ່າອຽງດັ່ງກ່າວຍັງຊ່ວຍຊຸກຍູ້ອັດຕາແລກປ່ຽນຂອງສະກຸນເງິນຕ່າງປະເທດເມື່ອທຽບກັບເງິນກີບຂອງລາວ, ໂດຍສະເພາະຄ່າເງິນບາດກໍຍັງຄົງແຂງຄ່າເມື່ອເອົາມາໃຊ້ຢູ່ໃນ ສປປ ລາວ.

ດັ່ງນັ້ນ, ເພື່ອຮັບມືກັບບັນຫາທີ່ຈະເກີດຂຶ້ນລັດຖະບານລາວໄດ້ຈັດຕັ້ງທີມງານຊຶ່ງນຳໂດຍ ທ່ານ ສົມດີ ດວງດີ ຮອງນາຍົກລັດຖະ ມົນຕີ ແລະ ລັດຖະມົນຕີວ່າການກະຊວງການເງິນ, ຊຶ່ງມີແຜນຈະເຮັດວຽກຮ່ວມກັບເຈົ້າໜ້າທີ່ໃນທ້ອງຖິ່ນເພື່ອກວດສອບຜະລິດ ຕະພັນຢ່າງເຂັ້ມງວດ, ລວມເຖິງການກວດສອບການນຳເຂົ້າໃຫ້ຖືກຕ້ອງຕາມລະບຽບກົດໝາຍໂດຍນຳໃຊ້ເຕັກໂນໂລຊີ ແລະ ການຮັບຮອບ (ໃບອະນຸຍາດ) ເມື່ອກວດສອບທີ່ດ່ານສາກົນຕ່າງໆ.

ທັງນີ້, ການເຄື່ອນໄຫວຂອງລັດຖະບານລາວບໍ່ໄດ້ຖືກອອກແບບມາເພື່ອຫ້າມການນຳເຂົ້າທັງໝົດ, ແຕ່ມີຈຸດປະສົງເພື່ອກຳນົດປະ ເພດຂອງຜະລິດຕະພັນທີ່ຄວນຖືກຈຳກັດ, ພ້ອມທັງໃຫ້ການສົ່ງເສີມ ແລະ ມຸ່ງເນັ້ນໄປທີ່ການຜະລິດກະສິກຳອິນຊີ ແລະ ສະອາດ, ຊຶ່ງເປັນຂະແໜງການທີ່ມີການແຂ່ງຂັນໜ້ອຍທີ່ສຸດໃນປັດຈຸບັນ.

ນອກຈາກນີ້ ລັດຖະບານຈະນຳໃຊ້ເງິນທຶນທີ່ມີເພື່ອຮັກສາສະຖຽນລະພາບ ແລະ ໃຫ້ ການສະໜັບສະໜູນດ້ານອາຫານ ແລະ ການຜະລິດ, ເຊັ່ນດຽວກັບການຊຸກຍູ້ໂຄງການຄວາມຮ່ວມມືທັງໃນລາວ ແລະ ຕ່າງປະເທດ.

ພາບ ແລະ ຂໍ້ມູນຈາກ: laotian times

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.