ລາຄາຄຳປັບຕົວຂຶ້ນ! ຕະຫຼາດຄຳໂລກຈັບຕາເບິ່ງຄວາມສຳພັນສະຫະລັດ-ຈີນ

0
392

ສຳນັກຂ່າວຣອຍເຕີລາຍງານວ່າ ລາຄາຄຳທີ່ຕະຫຼາດສະຫະລັດປັບຂຶ້ນ 8,45 ໂດລາສູ່ 1.489,37 ໂດລາຕໍ່ອອນໃນຊ່ວງທ້າຍຕະ ຫຼາດວັນພຸດ ໂດຍລາຄາຄຳໄດ້ຮັບແຮງສະໜັບສະໜູນຈາກຄວາມກັງວົນທີ່ວ່າຈຸດຢືນຂອງລັດຖະບານອາເມຣິກາໃນປະເດັນເລື່ອງຮົງກົງຊຶ່ງອາດເປັນອຸປະສັກຂັດຂວາງການເຈລະຈາຕໍ່ລອງທາງການຄ້າລະຫວ່າງຈີນກັບອາເມຣິກາ ນອກຈາກນີ້ ນັກລົງທຶນກໍຈັບຕາເບິ່ງການປະຊຸມສຸດຍອດເລື່ອງ Brexit ທີ່ນະຄອນຫຼວງບຣັສເຊລໃນວັນພະຫັດ ແລະ ວັນສຸກນີ້.

ລາຄາສັນຍາຊື້ຂາຍຄຳຂອງເດືອນທັນວາປິດຕະຫຼາດປັບຂຶ້ນ 10,50 ໂດລາ ຫຼື 0,7% ສູ່ 1.494 ໂດລາຕໍ່ອອນ ທາງດ້ານລາຄາໂລຫະເງິນໃນຕະຫຼາດສະປອນປິດປັບຂຶ້ນ 0,020 ໂດລາ ສູ່ 17.390 ໂດລາຕໍ່ອອນ ສ່ວນລາຄາພລາຕິນຳໃນຕະຫຼາດສະປອນປິດຕໍ່າລົງ 5,50 ໂດລາ ສູ່ 883.000 ໂດລາຕໍ່ອອນ ແລະ ລາຄາພັລລາດຽມໃນຕະຫຼາດສະປອນປິດສູງຂຶ້ນ 34 ໂດລາ ຫຼື 1,96% ສູ່ 1.767 ໂດລາຕໍ່ອອນ.

ສະພາຜູ້ແທນປະຊາຊົນຜ່ານຮ່າງກົດໝາຍ 4 ສະບັບໃນວັນອັງຄານເພື່ອສະແດງເຖິງການໃຊ້ຈຸດຢືນທີ່ແຂງກະດ້າງຕໍຈີນ ໂດຍຮ່າງກົດໝາຍ 3 ໃນ 4 ສະບັບກ່ຽວຂ້ອງກັບການປະທ້ວງຮຽກຮ້ອງປະຊາທິປະໄຕໃນຮົງກົງ ທາງດ້ານລັດຖະບານຈີນປະນາມຄວາມເຄື່ອນໄຫວນີ້ຂອງອາເມຣິກາ ແລະ ນັກລົງທຶນຍັງມີຄວາມກັງວົນວ່າ ຄວາມເຄື່ອນໄຫວນີ້ຈະເປັນອຸປະສັກຂັດຂວາງການເຈລະຈາຕໍ່ລອງທາງການຄ້າລະຫວ່າງຈີນກັບອາເມຣິກາ ທັງນີ້ ປັດໄຈດັ່ງກ່າວມີສ່ວນກົດດັນຕະຫຼາດຫຸ້ນອາເມຣິກາໃຫ້ຕົກລົງ ຊຶ່ງຖືວ່າເປັນປັດໄຈບວກຕໍ່ລາຄາຄຳ.

 

 

 

ຮຽບຮຽງບົດ: ພຸດສະດີ ລາວລີ
ແຫຼ່ງຂໍ້ມູນ: www.matichon.co.th

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.