ລັດຖະບານໄທເປີດຕົວວີຊ່າທ່ອງທ່ຽວແບບສອງທາງ (Double Visa)

0
4291

ລັດຖະບານໄທປະກາດວີຊ່າທ່ອງທ່ຽວຄູ່ໃໝ່, ໂດຍມາດຕະການໃໝ່ນີ້ຈະອະນຸຍາດໃຫ້ຜູ້ທີ່ເດີນທາງເຂົ້າ-ອອກຣາຊະອານາຈັກໄທໄປຍັງປະເທດເພື່ອນບ້ານເຊັ່ນ: ສປປ ລາວ, ກຳປູເຈຍ ແລະ ມາເລເຊຍ ຈາກນັ້ນກໍກັບມາຍັງປະເທດໄທໄດ້.

ໂດຍພາກສ່ວນກ່ຽວຂ້ອງໄດ້ກ່າວວ່າ: ຈະມີການແນະນຳວີຊ່າທ່ອງທ່ຽວແບບສອງທາງ, ວີຊ່າໃໝ່ຈະອະນຸຍາດໃຫ້ນັກທ່ອງທ່ຽວອອກ ແລະ ກັບຄືນສູ່ປະເທດໄທໃນລະຫວ່າງທີ່ເຂົາເຈົ້າຢູ່ໃນຣາຊະອານາຈັກໄທ, ນອກນັ້ນ ຍັງສາມາດຍືນຂໍວີຊ່າແບບຜ່ານທາງລະບົບອອນລາຍໄດ້ອີກດ້ວຍ.

ຂະນະທີ່ ໄທວີຊ່າ (ThaiVisa) ໄດ້ລາຍງານວ່າ: ນອກຈາກຈຸດຜ່ານແດນສອງຈຸດຄື: ໜອງຄາຍ (ລະຫວ່າງລາວ-ໄທ) ແລະ ສະເດົາ (ລະຫວ່າງໄທ-ມາເລເຊຍ) ຈະເປີດທຳການຕະຫຼອດ 24 ຊົ່ວໂມງຕໍ່ວັນເປັນໄລຍະເວລາທົດລອງສາມເດືອນ, ແຕ່ຍັງບໍ່ມີການຢືນ ຢັນຢ່າງເປັນທາງການວ່າຈະເລີ່ມຕົ້ນໃນຊ່ວງທົດລອງມື້ໃດ? ແຕ່ຈະມີການລາຍງານຄວາມ ຄືບໜ້າໃຫ້ຮູ້ນັບແຕ່ທ້າຍປີ 2019 ຫາຕົ້ນປີ 2020. ທັງນີ້ ວີຊ່າແບບໃໝ່ ແລະ ເວລາທຳການພິເສດທີ່ຈຸດກວດເປັນສ່ວນໜຶ່ງຂອງມາດຕະການໃໝ່ໆທີ່ໄດ້ຮັບການພິຈາລະນາວ່າຈະເປີດຕົວໃນອຸດສາຫະກຳການທ່ອງທ່ຽວ.

ໂດຍເປົ້າໝາຍຂອງລັດຖະບານກໍຄື: ການດຶງດູດນັກທ່ອງທ່ຽວເຂົ້າປະເທດກວ່າ 42 ລ້ານຄົນພາຍໃນປີ 2020, ທັງນີ້ ປະເທດໄທມີນັກທ່ອງທ່ຽວເຂົ້າປະເທດຫຼາຍກວ່າ 20 ລ້ານຄົນໃນໄລຍະ 6 ເດືອນຕົ້ນປີ ແລະ ຄາດວ່າ 6 ເດືອນທ້າຍປີຈະເພີ່ມເປັນ 39 ລ້ານຄົນ ຈາກທີ່ຄາດການໄວ້ທີ່ 40 ລ້ານຄົນ.

 

ຮຽບຮຽງ: ເພັງສະຫວັນ

ຮູບພາບ: thethaiger

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.