ລັດຖະບານອິນເດຍເລັ່ງຈັດສົ່ງນ້ຳໄປຍັງເມືອງເຈນໄນ

0
58

ທາງການອິນເດຍເລັ່ງລະດົມນ້ຳໄປຊ່ວຍເຫຼືອຊາວເມືອງໃນລັດທະມິນນາຄູທາງຕອນໃຕ້ ໂດຍສະເພາະເມືອງເອກຄືເມືອງເຈນໄນເພື່ອບັນເທົາວິກິດຂາດແຄນນ້ຳຈາກໄພແລ້ງຊຶ່ງສົ່ງຜົນກະທົບຢ່າງໜັກຕໍ່ປະຊາຊົນ ຂະນະທີ່ເຈນໄນກໍຖືເປັນອີກໜຶ່ງເມືອງທີ່ມີຄວາມສຳຄັນດ້ານອຸດສາຫະກຳຂອງປະເທດ ທັງນີ້ ການຂົນສົ່ງດັ່ງກ່າວແມ່ນຈະສົ່ງທາງລົດໄຟ ແລະ ຂະບວນທຳອິດແມ່ນຈະຂົນສົ່ງນ້ຳຈຳນວນ 50 ຕູ້ ລວມປະມານ 50.000 ລິດ.

ຂະນະທີ່ສຳນັກງານອຸຕຸນິຍົມວິທະຍາຂອງອິນເດຍ (IMD) ໄດ້ຖະແຫຼງເມື່ອວັນທີ 11 ກໍລະກົດຜ່ານມາວ່າ ສະເພາະໃນໄລຍະເວລາ 7 ວັນທີ່ຜ່ານມາເຖິງວັນທີ 10 ກໍລະກົດ ປະລິມານນ້ຳຝົນສະເລ່ຍທົ່ວປະເທດເພີ່ມຂຶ້ນ 28% ເມື່ອທຽບກັບຄ່າສະເລ່ຍໃນຊ່ວງເວ ລາດຽວກັນຕະຫຼອດໄລຍະເວລາເຄິ່ງສະຕະວັດທີ່ຜ່ານມາ ຢ່າງໃດກໍຕາມ ຫາກຄິດໄລ່ຕັ້ງແຕ່ຊ່ວງເລີ່ມຕົ້ນລະດູມໍລະສຸມຢ່າງເປັນທາງ ການເມື່ອວັນທີ 1 ມິຖຸນາຜ່ານມາປະລິມານນ້ຳຝົນສະເລ່ຍທົ່ວປະເທດຫຼຸດລົງ 14% ແລະ ມີທ່າອຽງຫຼຸດລົງອີກໃນຊ່ວງ 2 ອາ ທິດຂ້າງໜ້າ ຊຶ່ງຈະສົ່ງຜົນຕໍ່ຜະລິດຕະຜົນທາງກະສິກຳຂອງປະເທດຊຶ່ງສ້າງລາຍໄດ້ຄິດເປັນ 15% ຂອງເສດຖະກິດຂອງອິນເດຍຊຶ່ງມີມູນຄ່າ 2,5 ລ້ານລ້ານໂດລາ ຫຼາຍທີ່ສຸດເປັນອັນດັບ 3 ໃນອາຊີຮອງຈາກຈີນ ແລະ ຍີ່ປຸ່ນ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: dailynews

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.