ລັດຖະບານຈີນປັບຫຼຸດອັດຕາດອກເບ້ຍຄັ້ງທຳອິດໃນຮອບ 3 ປີ

0
942

ສຳນັກຂ່າວຕ່າງປະເທດລາຍງານເມື່ອວັນທີ 5 ພະຈິກຜ່ານມາວ່າ: ທະນາຄານປະຊາຊົນຈີນ ຫຼື ທະນາຄານກາງ (PBOD) ໄດ້ປະກາດປັບຫຼຸດອັດຕາດອກເບ້ຍເງິນກູ້ກຳນົດປານກາງ (MLF) ເປັນຄັ້ງທຳອິດໃນຮອບ 3 ປີ (ນັບແຕ່ປີ 2016) ເປັນຕົ້ນມາ, ທ່າມກາງທີ່ນັກວິເຄາະ ແລະ ນັກລົງທຶນໄດ້ວາງແຜນກຳນົດນະໂຍບາຍໃນການຟື້ນຟູເສດຖະກິດທີ່ຍັງຂະຫຍາຍຕົວຊ້າອັນເນື່ອງມາຈາກຄວາມຕ້ອງການທັງພາຍໃນ ແລະ ຕ່າງປະເທດຫຼຸດລົງ.

ທັງນີ້, ຕາມການແຈ້ງການຂອງທະນາຄານກາງຂອງ ສປ ຈີນ ທີ່ປະກາດວ່າ: ອັດຕາດອກເບ້ຍສຳລັບບ້ວງເງິນກູ້ MLF ໃນກຳນົດ ໄລຍະ 1 ປີແມ່ນຫຼຸດລົງ 5 ຈຸດພື້ນຖານ ຈາກ 3,30% ມາເປັນ 3,25%. ຂະນະດຽວກັນ ທະນາຄານກາງກໍໄດ້ປັບຫຼຸດການສຳ ຮອງແບບບັງຄັບຂອງບັນດາທະາຄານການຄ້າມາແລ້ວ 7 ຄັ້ງນັບແຕ່ຕົ້ນປີ 2018 ຊຶ່ງຖືເປັນການສ້າງເງື່ອນໄຂໃຫ້ແກ່ບັນດາທະ ນາຄານຕ່າງໆໃນການເພີ່ມຈຳນວນຂອງທຶນກູ້ຢືມ.

ຢ່າງາໃດກໍຕາມ, ການເຄື່ອນໄຫວດັ່ງກ່າວໄດ້ຖືກນຳອອກມາສະເໜີທ່າມກາງໂຕເລກໃນໄຕມາດ 3 ຂອງປີນີ້ຊຶ່ງຊີ້ໃຫ້ເຫັນວ່າ: ການເຕີບໂຕຂອງເສດຖະກິດຈີນບັນລຸພຽງ 6% ເມື່ອທຽບກັບໄລຍະດຽວກັນຂອງປີຜ່ານມາ, ຊຶ່ງຖືເປັນໂຕເລກທີ່ໃກ້ກັບລະດັບຕໍ່ຳສຸດໃນຮອບ 30 ປີ. ຂະນະທີ່ຄາດໝາຍວາງອອກໃນປີນີ້ຢູ່ທີ່ 6-6,5%.

 

ຮຽບຮຽງ: ເພັງສະຫວັນ

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.