ລມຕ ກະສິກຳ ເຄື່ອນໄຫວຊຸກຍູ້ການຜະລິດຢູ່ແກ່ນທ້າວ

0
160

ລັດຖະມົນຕີກະຊວງກະສິກໍາ ແລະ ປ່າໄມ້ ເຄື່ອນໄຫວຢ້ຽມຢາມ ແລະ ຊຸກຍູ້ການຜະລິດຢູ່ເມືອງແກ່ນທ້າວ:

ໃນວັນທີ 7 ກັນຍາ 2019, ທ່ານ ປອ ລຽນ ທີແກ້ວ, ລັດຖະມົນຕີກະຊວງກະສິກໍາ ແລະ ປ່າໄມ້ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ ແລະ ຊຸກຍູ້ການຜະລິດຢູ່ເມືອງແກ່ນທ້າວ, ແຂວງໄຊຍະບູລີ ໂດຍມີທ່ານເພັງນິລັນ ຄໍາພັນເພັງ, ຮອງເຈົ້າແຂວງໄຊຍະບູລີ ເປັນຜູ້ພາທາງ ແລະ ໂດຍໄດ້ຮັບການຕ້ອນຮັບຈາກທ່ານ ອໍາຄາ ລັດະໝີ, ວ່າການເຈົ້າເມືືອງແກ່ນທ້າວ ພ້ອມດ້ວຍຄະນະ ເຊິ່ງໃນການມາຢ້ຽມຢ້າມຄັ້ງນີ້, ແມ່ນມີຈຸດປະສົງເພື່ອຊຸກຍູ້ສົ່ງເສີມການຜະລິດຢູ່ເມືອງແກ່ນທ້າວ, ໂດຍສະເພາະ ການລ້ຽງສັດໃຫຍ່ແບບຄອບຄົວ ແລະ ລ້ຽງແບບເປັນຟາມຂອງຊາວກະສິກອນ ກໍ່ຄື ນັກທຸລະກິດເມືອງແກ່ນທ້າວ, ນໍາພານັກລົງທຶນໃນກຸ່ມຜູ້ສົ່ງອອກ ໄດ້ເຫັນຕົວຈິງການປູກ-ການລ້ຽງຢູ່ເມືອງແກ່ນທ້າວ ທີ່ເລີ່ມມີໜໍ່ແໜງອັນໃໝ່ ເຊິ່ງ ທ່ານ ປອ ລຽນ ທີແກ້ວ, ລັດຖະມົນຕີກະຊວງກະສິກໍາ ແລະ ປ່າໄມ້ ພ້ອມດ້ວຍຄະນະ ກໍ່ໄດ້ໄປເບິ່ງສວນຫຍ້າລ້ຽງສັດ ຢູ່ເຂດບ້ານຫ້ວຍຫຼອດ; ຈາກນັ້ນ, ກໍ່ໄດ້ໄປເບີ່ງ ການລ້ຽງງົວຂຸນ, ຢ້ຽມຢາມໂຮງອົບສາລີ ຢູ່ບ້ານເມືອງໝໍ, ແລະ ໄປຢ້ຽມຢາມດ່ານສາກົນຂົວມິດຕະພາບນໍ້າເຫືອງລາວ-ໄທ ກ່ອນທີ່ຈະເດີນທາງກັບຄືນນະຄອນຫຼວງວຽງຈັນ.
ເມືອງແກ່ນທ້າວເປັນເມືອງໝຶ່ງຂອງແຂວງໄຊຍະບູລີ ທີ່ມີເນື້ອທີ່ປູກຫຍ້າລ້ຽງສັດ 29.000 ກວ່າເຮັກຕາ, ມີ 6.000 ກວ່າຕອນ, ໂດຍໃນນີ້, ມີຫຍ້າພັນ 27.000 ກວ່າເຮັກຕາ, ມີ 5.000 ກວ່າຕອນ, ສວນຫຍ້າທໍາມະຊາດ 1.000 ກວ່າເຮັກຕາ, ມີສັດລ້ຽງປະເພດງົວ 62.000 ກວ່າໂຕ, ຄວາຍ 11.400 ກວ່າໂຕ, ມີການລ້ຽງງົວແບບເປັນຟາມ 15 ຄອບຄົວ, ລ້ຽງຄວາຍ 1 ຄອບຄົວ. ນອກຈາກການປູກຫຍ້າລ້ຽງສັດແລ້ວ, ປະຊາຊົນຍັງໄດ້ປູກສາລີ 3.700 ກວ່າເຮັກຕາ ແລະ ມັນຕົ້ນອີກ 14.000 ກວ່າເຮັກຕາ.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.