ຣັດເຊຍອະນຸມັດສ້າງທາງຫຼວງເຊື່ອມຈີນ-ເອີຣົບ

0
516

ນາຍົກລັດຖະມົນຕີ ດິມິທຣີ ເມດເວເດຟ ຂອງຣັດເຊຍໄດ້ອະນຸມັດໂຄງການກໍ່ສ້າງຖະໜົນມໍເຕີເວຂະໜາດ 4 ເລນທີ່ເຊື່ອມຈາກບໍລິເວນພົມແດນຄາຊັກສະຖານຜ່ານທາງໃຕ້ຂອງນະຄອນຫຼວງມົສກູ ແລະ ສິ້ນສຸດທີ່ຊາຍແດນປະເທດເບຣາລຸສດ້ວຍໄລຍະທາງກວ່າ 2.000 ກີໂລແມັດ ເສັ້ນທາງດັ່ງກ່າວເປັນສ່ວນໜຶ່ງຂອງໂຄງການທາງຫຼວງສາຍທີ່ເຊື່ອມຈາກຈີນໄປຍັງເອີຣົບ ເພື່ອເພີ່ມທ່າແຮງໃນການຂົນສົ່ງສິນຄ້າລະຫວ່າງຈີນກັບເອີຣົບໄດ້ສະດວກສະບາຍຂຶ້ນກວ່າເກົ່າ.

ທາງຫຼວງແຫ່ງນີ້ມີຊື່ວ່າ ທາງຫຼວງສາຍ Meridian ຊຶ່ງມີມູນຄ່າການກໍ່ສ້າງປະມານ 9.500 ລ້ານໂດລາ  ຊຶ່ງຄາດວ່າຈະໃຊ້ເວລາກໍ່ສ້າງປະມານ 12-14 ປີ ທັງນີ້ ເສັ້ນທາງຫຼວງສາຍດັ່ງກ່າວຈະກາຍເປັນສ່ວນໜຶ່ງໃນໂຄງການແຖບໜຶ່ງທາງຂອງຈີນທີ່ຕ້ອງການກໍ່ສ້າງເສັ້ນທາງເຊື່ອມຕໍ່ຈາກນະຄອນຊຽງໄຈ້ຂອງຈີນໄປສິ້ນສຸດທີ່ເມືອງຮຳບຣູກ ທາງພາກເໜືອຂອງເຢຍລະມັນ ລວມໄລຍະທາງຫຼາຍກວ່າ 5.000 ກີໂລແມັດ.

ໃນການກໍ່ສ້າງຄັ້ງນີ້ແມ່ນໃຊ້ເງິນທຶນຈາກນັກລົງທຶນເປັນຫຼັກຊຶ່ງຈະບໍ່ກ່ຽວຂ້ອງກັບເງິນຂອງລັດຖະບານຣັດເຊຍເລີຍ ແຕ່ວ່າລັດຖະບານຣັດເຊຍແມ່ນມີໜ້າທີ່ອຳນວຍຄວາມສະດວກໃຫ້ນັກລົງທຶນໃນການເຂົ້າໄປຮ່ວມລົງທຶນໃນຈີນເທົ່ານັ້ນ ຢ່າງໃດກໍດີ ບັນດານັກລົງທຶນຫຼາຍຄົນທີ່ຕ້ອງການລົງທຶນໃນໂຄງການກໍ່ສ້າງນີ້ຕ້ອງການໃຫ້ລັດຖະບານຣັດເຊຍຮັບປະກັນລາຍໄດ້ຂັ້ນຕ່ຳທີ່ 550 ລ້ານໂດລາ ຊຶ່ງຍັງບໍ່ລວມເຖິງຄວາມສ່ຽງອື່ນໆແຕ່ລວມຄວາມສ່ຽງທາການເມືອງເຊັ່ນ ການປິດພົມແດນຂອງລັດເນື່ອງຈາກຈະມີການເກັບຄ່າຜ່ານທາງເປັນໄລຍະສຳລັບລົດບັນທຸກ ແລະ ລົດຍົນທີ່ໃຊ້ເສັ້ນທາງດັ່ງກ່າວ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.