ຢ່າງເປັນທາງການ… ປອດບວມປິດສະໜາທີ່ລະບາດໃນຈີນອາດເປັນໄວຣັສພັນໃໝ່ຕະກູນຊາຣສ-ເມີຣສ

0
1085

ຈາກກໍລະນີທີ່ພົບການລະບາດຂອງພະຍາດປອດບວມປິດສະໜາໃນເຂດມືອງອູ່ຮັນຂອງ ສປ ຈີນ, ໂດຍທີ່ຍັງບໍ່ສາມາດຫາຕົ້ນເຫດໄດ້ ແລະ ຫຼ້າສຸດພົບວ່າມີຜູ້ປ່ວຍແລ້ວຫຼາຍກວ່າ 50 ກໍລະນີ, ໂດຍອົງການອະນາໄມໂລກໄດ້ອອກມາເປີດເຜີຍຜົນວິໄຈຫຼ້າສຸດກ່ຽວ ກັບພະຍາດດັ່ງກ່າວວ່າ: ອາດເປັນເຊື້ອໄວຣັສໂຄໂຣນາສາຍພັນໃໝ່ໃນຕະກູນດຽວກັບພະຍາດລະບາດຊາຣສ ແລະ ເມີຣສ.

ສຳນັກຂ່າວຣອຍເຕີລາຍງານເມື່ອວັນທີ 9 ມັງກອນຜ່ານມວ່າ: ອົງການອະນາໄມໂລກ (WHO) ໄດ້ອອກມາຖະແຫຼງການຜົນການກວດສອບໃນເບື້ອງຕົ້ນຊຶ່ງພົບວ່າມີຄວາມເປັນໄປໄດ້ທີ່ພະຍາດປອດບວມທີ່ກຳລັງລະບາດຢູ່ນີ້ອາດເປັນເຊື້ອໄວຣັສໂຄໂຣນາສາຍພັນໃໝ່ ແລະ ອາດຈະຢູ່ໃນຕະກູນດຽວກັນກັບພະຍາດອັນຕະລາຍຄື: SARS ແລະ MERS, ຢ່າງໃດກໍຕາມ ທາງໜ່ວຍງານດ້ານສາ ທາລະນະສຸກຂອງສະຫະປະຊາຊາດຕ້ອງການກວດສອບຂໍ້ມູນທີ່ຄອບຄຸມເພີ່ມຂຶ້ນເພື່ອຢືນຢັນຊະນິດຂອງເຊື້ອພະຍາດທີ່ກໍ່ໃຫ້ເກີດການຕິດເຊື້ອ, ລວມທັງສຶກສາດ້ານວິທະຍາການລະບາດກ່ຽວກັບປັດໄຈຕ່າງໆທັງແຫຼ່ງທີ່ມີ ແລະ ການແຜ່ກະຈາຍຂອງເຊື້ອພະ ຍາດ.

ຂະນະດຽວກັນທາງລາຍງານຂອງຊິນຫົວຊຶ່ງເປັນສຳນັກຂ່າວທາງການຂອງ ສປ ຈີນ ກໍໄດ້ກ່າວວ່າ: ຈາກຜົນການທົດລອງເບື້ອງຕົ້ນທີ່ເຮັດໂດຍທີມຜູ້ຊ່ຽວຊານຊຶ່ງໄດ້ສະແດງໃຫ້ເຫັນວ່າເຊື້ອໄວຣັສໂຄໂຣນາສາຍພັນໃໝ່ເຮັດໃຫ້ເກີດການລະບາດຂອງພະຍາດປິດສະໜາທີ່ເລີ່ມຂຶ້ນໃນເດືອນທັນວາຜ່ານມາ, ສົ່ງຜົນໃຫ້ຜູ້ປ່ວຍບາງຄົນເກີດອາກາດເຈັບປ່ວຍຮຸນແຮງ ແຕ່ບໍ່ປາກົດວ່າຕິດຕໍ່ຈາກຄົນສູ່ຄົນໄດ້ງ່າຍ. ທັງນີ້ ອາດຈະຕ້ອງໃຊ້ເວລາຫຼາຍປີສຳລັບການວິໄຈພັດທະນາຢາ ແລະ ວັກຊີນປິ່ນປົວພະຍາດ.

ສຳລັບໄວຣັສໂຄໂຣນາ ແມ່ນຢູ່ໃນຕະກູນເຊື້ອໄວຣັສສາຍພັນໃຫຍ່ີ່ສາມາດເຮັດໃຫ້ເກີດການຕິດເຊື້ອໄດ້ຕັ້ງແຕ່ໄຂ້ຫວັດທຳມະດາໄປຈົນເຖິງພະຍາດທາງເດີນຫາຍໃຈກະທັນຫັນຮຸນແຮງ ຫຼື SARS ໂດຍໄວຣັສບາງຊະນິດເຮັດໃຫ້ເກີດພະຍາດທີ່ຮຸນແຮງເລັກນ້ອຍ, ຂະນະທີ່ບາງຊະນິດກໍ່ໃຫ້ເກີດພະຍາດທີ່ຮຸນແຮງສົມຄວນເຊັ່ນ: ຊະນິດທີ່ກໍ່ໃຫ້ເກີດພະຍາດທາງລະບົບຫາຍໃຈໃນແຖບຕາເວັນອອກກາງ ຫຼື ທີ່ຮູ້ຈັກໃນຊື່ MERS.

 

ຮຽບຮຽງ​:​ ເພັງສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.