ຢູເຄຣນປ່ຽນໂສມ “ເຊີຣໂນບິລ” ເປັນແຫຼ່ງທ່ອງທ່ຽວ

0
74

ປະທານາທິບໍດີຢູເຄຣນອອກຄຳສັ່ງໃຫ້ໜ່ວຍງານທີ່ກ່ຽວຂ້ອງສະເໜີແຜນປັບປຸງພື້ນທີ່ອ້ອມຮອບໂຮງໄຟຟ້ານິວເຄລຍ “ເຊີຣໂນ ບິລ” ໃຫ້ກາຍເປັນແຫຼ່ງທ່ອງທ່ຽວແຫ່ງໃໝ່ ທັງນີ້ ກໍເພື່ອຟື້ນຟູພາບລັກຂອງປະເທດພາຍຫຼັງທີ່ເກີດເຫດການມະຫັນຕະໄພຮ້າຍແຮງຄັ້ງປະຫວັດສາດທີ່ຊາວໂລກບໍ່ເຄີຍລືມ.

ສຳນັກຂ່າວຕ່າງປະເທດລາຍງານເມື່ອໃນວັນທີ 11 ກໍລະກົດວ່າ ທ່ານ ໂວໂລດິເມຍ ເຊເລນສະກີ ປະທານາທິບໍດີແຫ່ງຢູເຄຣນໄດ້ມີຄຳສັ່ງໃຫ້ທຸກໜ່ວຍງານທີ່ມີສ່ວນກ່ຽວຂ້ອງ ສ້າງແຜນການປັບປ່ຽນທັດສະນິຍະພາບ ແລະ ບູລະນະພື້ນທີ່ອ້ອມຮອບໂຮງໄຟຟ້ານິວເຄລຍເຊີຣໂນບິລ ໂດຍສະເພາະທີ່ເມືອງພຣີພຽດຊຶ່ງຢູ່ໃກ້ທີ່ສຸດທີ່ກຳລັງຈະກາຍເປັນເມືອງຮ້າງ ໂດຍຄຳສັ່ງແມ່ນໃຫ້ປັບປ່ຽນສະຖານ ທີ່ດັ່ງກ່າວໃຫ້ກາຍເປັນແຫຼ່ງທ່ອງທ່ຽວແຫ່ງໃໝ່ ໂຄງການດັ່ງກ່າວແມ່ນຈະໃຊ້ເວລາກໍ່ສ້າງເປັນເວລາ 9 ປີ ໂດຍໄດ້ຮັບງົບປະມານຊ່ວຍເຫຼືອສ່ວນໃຫຍ່ຈາກທັງໝົດ 2.200 ລ້ານເອີໂຣຈາກທະນາຄານເອີຣົບເພື່ອການຟື້ນຟູ ແລະ ການພັດທະນາ (EBRD).

ສຳລັບຈຸດທີ່ຕ້ອງເນັ້ນໜັກກໍຄືເຂດເຕົາປະຕິກອນເບີ 4 ຊຶ່ງເປັນຈຸດເລີ່ມຕົ້ນຂອງໄພພິບັດນິວເຄລຍເຊີຣໂນບິລທີ່ຖືເປັນອຸບັດເຫດນິວເຄລຍຄັ້ງຮ້າຍແຮງທີ່ສຸດໃນປະຫວັດສາດໂລກ ໂດຍຄວາມຜິດພາດທີ່ເກີດຂຶ້ນກັບລະບົບສຸກເສີນຄວບຄຸມການເຮັດວຽກຂອງໂຕຫຼໍ່ຄວາມເຢັນ ອັນໄດ້ສົ່ງຜົນໃຫ້ແກນຂອງເຕົາປະຕິກອນເກີດຮ້ອນຂຶ້ນຢ່າງໄວວາຈົນເກີດລະເບີດ ເຫດການດ່ັງກ່າວເກີດຂຶ້ນເມື່ອວັນທີ  26 ເມສາ 1986 ສົ່ງຜົນໃຫ້ກຳມັນຕະລັງສີກະຈາຍໄປທົ່ວແຄມຝັ່ງຕາເວັນຕົກຂອງສະຫະພາບໂຊວຽດ ແລະ ພື້ນທີ່ເກືອບທັງໝົດຂອງທະວີບເອີຣົບ ປະຊາຊົນຫຼາຍກວ່າ 350.000 ຄົນຕ້ອງອົບພະຍົບ ແລະ ມີຜູ້ເສຍຊີວິດໂດຍກົງຈາກມະຫັນຕະໄພຄັ້ງນັ້ນ 31 ລາຍ.

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: dailynews

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.