ຢາດນໍ້າແນວໃດໃຫ້ໄດ້ບຸນ-ໄດ້ກຸສົນສູງສຸດ

0
925

ການຍາດນໍ້າເປັນການຕັ້ງໃຈອຸທິດສ່ວນກຸສົນໄປໃຫ້ແກ່ຜູ້ທີ່ລ່ວງລັບໄປແລ້ວ ຊຶ່ງນໍ້າທີ່ນຳມາຢາດນັ້ນຕ້ອງເປັນນໍ້າສະອາດບໍລິສຸດ ແລະ ໃນຂະນະທີ່ຢາດນໍ້າຢູ່ນັ້ນຜູ້ຢາດກໍຕ້ອງມີຈິດໃຈບໍລິສຸດເຊັ່ນກັນ ສຳລັບປະເພນີການຢາດນໍ້າແມ່ນເລີ່ມຂຶ້ນຕັ້ງແຕ່ສະໄໝພຸດທະການ ໂດຍພຣະສຳມາສຳພຸດທະເຈົ້າໄດ້ສອນໃຫ້ພຣະເຈົ້າພິມພິສານ ຊຶ່ງໄດ້ມາເຮັດບຸນລ້ຽງພຣະ ຊົງຢາດນໍ້າ ເພື່ອເປັນສັນຍະລັກຂອງການ “ອຸທິດສ່ວນບຸນກຸສົນ” ໃຫ້ແກ່ຍາດທີ່ລ່ວງລັບຂອງພຣະອົງ ນັບຕັ້ງແຕ່ນັ້ນມາເວລາເຮັດບຸນຈຶ່ງນິຍົມຢາດນໍ້າເປັນສັນ ຍະລັກແທນການອຸທິດສ່ວນບຸນກຸສົນ .

ການຢາດນໍ້າມີ 2 ວິທີຄື

  • ການຢາດນໍ້າປຽກຄື ໃຊ້ນໍ້າເປັນສື່ ລິນນໍ້າລົງໄປພ້ອມກັບອະທິຖານອຸທິດຜົນບຸນກຸສົນໄປພ້ອມ
  • ຢາດນໍ້າແຫ້ງຄື ບໍ່ໃຊ້ນໍ້າ ແຕ່ຍໍມືນົບອະທິຖານແລ້ວອຸທິດສ່ວນກຸສົນໄປໃຫ້

ການຢາດນໍ້າຄວນເຮັດໃນເວລາໃດດີ? ຊຶ່ງການຢາດນໍ້າຄວນຢາດນໍ້າໃນຂະນະທີ່ພຣະສົງອະນຸໂມທະນາທານ ຫຼື ຈາກການທຳບຸນແລ້ວ ແຕ່ຖ້າບໍ່ສະດວກກໍສາມາດຢາດໃນເວລາຫຼັງເຮັດບຸນແລ້ວກໍໄດ້ ແຕ່ຖ້າໄດ້ຢາດນໍ້າໃນຊ່ວງທີ່ພຣະກຳລັງເທດອະນຸໂມທະນານັ້ນຈະດີກວ່າ ດ້ວຍເຫດຜົນ 2 ປະການດັ່ງນີ້
– ຖ້າຍາດຕາຍໄປເປັນເປຣດແລ້ວມາລໍຖ້າຮັບສ່ວນບຸນກໍຈະໄດ້ຮັບທັນທີ
– ການລໍຢາດນໍ້າພາຍຫຼັງພຣະອະນຸໂມທະນາທານ ບາງຄັ້ງເຮົາອາດຈະລືມເຮັດຈົນເຮັດໃຫ້ຜູ້ທີ່ລໍຖ້າຮັບສ່ວນກຸສົນອົດໄດ້ຜົນບຸນ

ອີກປະການໜຶ່ງກໍເຊື່ອກັນວ່າ ການຢາດນ້ຳລົງດິນນັ້ນ ແມ່ທໍລະນີຈະຮັບນໍ້າຢາດດ້ວຍມວຍຜົມເກັບຮັກສາໄວ້ໃຫ້ເພື່ອເປັນພະຍານວ່າຜູ້ນັ້ນໄດ້ຮັບບຸນກຸສົນໄວ້ຫຼາຍໜ້ອຍພຽງໃດ ເມື່ອເຖິງຍາມຂັບຂັນຈຳເປັນທີ່ເຮົາຕ້ອງຂໍຄວາມຊ່ວຍເຫຼືອໃຫ້ປັດເປົ່າສິ່ງຊົ່ວຮ້າຍອອກໄປ ແມ່ທໍລະນີກໍຈະໄດ້ອ້າງເປັນພະຍານຊ່ວຍປາບປາມເຫຼົ່າປັດຈາມິດໃຫ້ພິນາດພ່າຍແພ້ໄປ.

ບົດໂດຍ: ບຸດສະດີ ສາຍນໍ້າມັດ
ແຫຼ່ງຂໍ້ມຸນ: dharma.thaiware

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.