ມາເບິ່ງປູຫິມະທີ່ມີລາຄາແພງທີ່ສຸດໃນໂລກ

0
2700

ສຳນັກຂ່າວຕ່າງປະເທດລາຍງານຈາກນະຄອນໂຕກຽວ ປະເທດຍີ່ປຸ່ນເມື່ອວັນທີ 18 ພະຈິກຜ່ານມາວ່າ: ຕະຫຼາດຂາຍອາຫານທະ ເລໃນເມືອງທົດໂຕຣິທາງພາກຕາເວັນຕົກສຽງໃຕ້ຂອງຍີ່ປຸ່ນໄດ້ຈັດພິທີປະມູນປູຫິມະລະດັບ 5 ດາວ, ຊຶ່ງປູໂຕດັ່ງກ່າວມີນໍ້າໜັກ 1,24 ກີໂລກຣາມ, ຍາວ 14,6 ຊັງຕີແມັດ.

ໂດຍຜູ້ທີ່ຊະນະການປະມູນ ແລະ ໄດ້ປູຫິມະໂຕນີ້ໄປຄອບຄອງກໍຄື: ບໍລິສັດຂາຍຍ່ອຍອາຫານທະເລໃນພື້ນທີ່ຄາເນມາສະຮາມາຊິຕະໂຊເຕັນ, ດ້ວຍການສະເໜີລາຄາຄັ້ງສຸດທ້າຍ 5 ລ້ານເຢນ ຫຼື ປະມານ 46 ພັນໂດລາ ຊຶ່ງຖືເປັນການທຳລາຍສະຖິຕິການປະມູນປູ ຫິມະໃນໄລຍະຜ່ານມາທີ່ມີລາຄາຢູ່ທີ່ 2 ລ້ານເຢນ.

ທັງນີ້, ທາງພາກສ່ວນກ່ຽວຂ້ອງຂອງແຂວງທົດໂຕຣິກໍໄດ້ກຽມສະເໜີໃຫ້ກິນເນສເວີລເຣັກຂອດມາຮ່ວມບັນທຶກສະຖິຕິຢ່າງເປັນທາງການວ່ານີ້ຄືການປະມູນປູຫິມະທີ່ມີລາຄາແພງທີ່ສຸດໃນໂລກ.

 

ຮຽບຮຽງ: ເພັງສະຫວັນ

ຮູບພາບ: postjung

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.