ມາເບິ່ງຊຸດປະຈຳຊາດຂອງ MISS UNIVERSE LAOS 2019

0
1187

ນີ້ຄືຊຸດປະຈຳຊາດຂອງ ມິສ ຢູນີເວິສລາວ 2019 ທີ່ຈະໄປຮ່ວມປະກວດ “MISS UNIVERSE LAOS 2019” ຊຶ່ງຈະຈັດຂຶ້ນຢູ່ອາເມຣິກາໃນໄວໆນີ້. ໂດຍນັກອອກແບບໄດ້ຈັບເອົາຊ້າງຊຶ່ງຖືເປັນສັດປະຈຳຊາດຂອງລາວມາແຕ່ບູຮານນະການ, ໂດຍໄດ້ນຳເອົາລວດລາຍຂອງເຄື່ອງສານທີ່ເຮົາພົບເຫັນໃນຮູບແບບຂອງແອບເຂົ້າ (ຕິບເຂົ້າ) ມາເປັນລວດລາຍຂອງຊ້າງ, ພ້ອມທັງຕົບແຕ່ງດ້ວຍສັນຍະລັກຂອງຊາດກໍຄືພຣະທາດຫຼວງ, ທຸງຊາດລາວ ແລະ ປະດັບດ້ວຍກິ່ນອາຍຂອງດອກຈຳປາ.

                                      (ຊຸດປະຈຳຊາດ ມິສ ຢູນິເວິສ ລາວ ປະຈຳປີ 2019)

ຄວາມໂດດເດັ່ນຂອງການອອກແບບໃນຄັ້ງນີ້ບໍ່ແມ່ນພຽງແຕ່ການນຳເອົາເອກະລັກຂອງຊາດຂຶ້ນສູ່ເວທີສາກົນພຽງຢ່າງດຽວ, ແຕ່ຍັງໄດ້ສອດແຊກເນື້ອຫາເພື່ອເປັນການຮຽກຮ້ອງ, ການໃຫ້ຄວາມສຳຄັນຕໍ່ການປົກປັກຮັກສາປ່າໄມ້ກໍຄືທຳມະຊາດ ໂດຍການນຳເອົາປ່າອາເມຊອນທີ່ປຽບເຫມືອນ “ປອດຂອງໂລກ” ຊຶ່ງຖືກໄຟປ່າໄໝ້ໄປສ່ວນໜຶ່ງເມື່ອບໍ່ດົນນີ້ທີ່ເປັນການສູນເສຍຢ່າງມະຫາສານແລະ ຍັງຜົນກະທົບເປັນວົງກວ້າງຕໍ່ກັບລະບົບນິເວດ ແລະ ສະພາບແວດລ້ອມໃນເຂດດັ່ງກ່າວ ແລະ ບໍລິເວນໃກ້ຄຽງ, ຊຶ່ງຈະຕ້ອງໃຊ້ເວລາຍາວນານສຳລັບການຟື້ນຟູຜືນປ່າແຫ່ງນີ້ໃຫ້ກັບມາມີສະພາບດັ່ງເດີມ.

(ຊຸດປະຈຳຊາດ ມິສ ຢູນິເວິສ ລາວ ປະຈຳປີ 2018)

ທັງນີ້, ເພື່ອໃຫ້ທຸກຄົນເຫັນເຖິງຄວາມສຳຄັນຂອງປ່າໄມ້ທົ່ວໂລກກໍຄືຢູ່ໃນລາວທີ່ນັບມື້ນັບຫຼຸຫນ້ອຍຖອຍລົງ, ເຖິງແມ່ນວ່າປ່າອາເມຊອນອາດຈະຟັງຄືໄກເກີນໄປສຳລັບຄົນລາວ ແຕ່ຜືນປ່າຂະຫນາດໃຫຍ່ທີ່ກວມເອົາພຶ້ນ 5.501.134.746 ກີໂລຕາແມັດຂອງ ທະວີບອາເມຣິກາໃນສ່ວນຂອງອາເມຣິາກາລາຕິນ (ອາເມຣິກາໃຕ້).

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.