ມາເບິ່ງຄ່າໂດຍສານລົດໄຟ ລາວ-ຈີນ ແຕ່…. ວຽງຈັນ-ບໍ່ເຕັນ

0
1130

ອັດຕາຄ່າໂດຍສານລົດໄຟ (ລາວ-ຈີນ) ແຕ່ນະຄອນຫຼວງວຽງຈັນ-ບໍ່ເຕັນ ສະເລ່ຍປະມານ 140.000 ກີບຕໍ່ຄົນ ທຽບໃສ່ຄ່າຂົນ ສົ່ງທາງລົດແມ່ນຖືກກວ່າຫຼາຍເທົ່າ ແລະ ໃຊ້ເວລາເດີນທາງສັ້ນກວ່າ ຂະນະທີ່ຄ່າຂົນສົ່ງສິນຄ້າຕົກຢູ່ປະມານ 6.000 ກີບຕໍ່ໂຕນ ນອກນັ້ນ ໃນຈໍານວນ 33 ສະຖານີຈະມີສະຖານີໂດຍສານ ແລະ ສະຖານີສິນຄ້າ ລວມຢູ່ນຳກັນ 11 ແຫ່ງ ສະຖານີສິນຄ້າສະເພາະ 1 ແຫ່ງຢູ່ນະຄອນຫຼວງວຽງຈັນ ແລະ ມີຈຸດສະຫຼັບລາງ ແລະ ຈຸດຫຼີກທັງໝົດ 284 ແຫ່ງ.

ອີງຕາມຂໍ້ມູນຈາກນັກວິຊາການພ້ອມດ້ວຍຊ່ຽວຊານຈາກອາຊຽນ ແລະ ສປ ຈີນ ໄດ້ເປີດ ເຜີຍໃຫ້ຮູ້ວ່າ ການຄຸ້ມຄອງການບໍລິການດ້ານຂົນສົ່ງໂດຍສານຂອງໂຄງການລົດໄຟ ລາວ-ຈີນ ຊຶ່ງໄດ້ກຳນົດໃຫ້ມີທັງໝົດ 33 ສະຖານີ ໃນນັ້ນ ການເປີດນໍາໃຊ້ໄລຍະຕົ້ນຈະມີ 21 ສະຖານີ ກຳນົດໄດ້ 23 ຖ້ຽວຕໍ່ວັນ ແຕ່ຖ້າຫາກມີການເປີດນຳໃຊ້ທັງໝົດ 33 ສະຖານີ ແມ່ນສາມາດເພີ່ມເປັນ 39 ຖ້ຽວຕໍ່ມື້.

ຂະນະທີ່ຄວາມໄວທີ່ອອກແບບສະເພາະລົດໄຟໂດຍສານ 160 ກີໂລແມັດຕໍ່ຊົ່ວໂມງ ແລະ ສຳຮອງໄວ້ 200 ກີໂລແມັດຕໍ່ຊົ່ວໂມງ ສ່ວນຄວາມໄວລົດໄຟຂົນສົ່ງສິນຄ້າ 120 ກີໂລແມັດຕໍ່ຊົ່ວໂມງ ແລະ ໃຊ້ໄຟຟ້າເປັນພະລັງງານຂັບເຄື່ອນ ລວມມູນຄ່າກໍ່ສ້າງທັງ ໝົດ 5,8 ຕື້ໂດລາ ຕາມແຜນການແມ່ນຈະໃຫ້ສຳເລັດ 100% ພາຍໃນປີ 2022.

ທັງນີ້ ໂຄງການກໍ່ສ້າງເສັ້ນທາງລົດໄຟ ລາວ-ຈີນ ຖືເປັນອີກໜຶ່ງທາງເລືອກໃຫ້ຜູ້ໂດຍສານທາງພາກເໜືອລົງ-ນະຄອນຫຼວງວຽງຈັນ ນອກຈາກການເດີນທາງດ້ວຍລົດເມ ແລະ ເຮືອ ບິນແລ້ວ ກໍຈະມີການບໍລິການລົດໄຟເພີ່ມເຕີມຊຶ່ງຈະຕອບໂຈດຄວາມຕ້ອງການຂອງຜູ້ຊົມໃຊ້ໄດ້ອີກໜຶ່ງທາງ ແລະ ຍັງຊ່ວຍປະຢັດຄ່າໃຊ້ຈ່າຍໄດ້ອີກດ້ວຍ.

 

 

 

 

ພາບ ແລະ ຂໍ້ມູນຈາກ : ໜັງສືພິມເສດຖະກິດ-ສັງຄົມ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.