ມາເບິ່ງຄວາມແຕກຕ່າງລະຫວ່າງຄວາມໄວພາຍໃນ ແລະ ຄວາມໄວນອກປະເທດຕ່າງກັນແນວໃດ?

0
168

ພວກເຮົາທຸກຄົນນຳໃຊ້ອິນເຕີເນັດ ແຕ່ໃນຄວາມເປັນຈິງແລ້ວພວກເຮົາຮູ້ບໍ່ວ່າອິນເຕີເນັດເຮັດວຽກແນວໃດ? ອິນເຕີເນັດແມ່ນເຄືອຂ່າຍ ຄອມພິວເຕີຂະໜາດໃຫຍ່ທີ່ເຊື່ອມຕໍ່ເຂົ້າຫາກັນ ໂດຍພື້ນຖານແລ້ວອິນເຕີເນັດເປັນຄືກັບເຄືອຂ່າຍຄອມພິວເຕີທີ່ເຊື່ອມຕໍ່ກັນທົ່ວ ໂລກເຮັດໃຫ້ທຸກຄົນສາມາດເຊື່ອມຕໍ່ໄດ້ຫາກມີຄອມຕັ້ງໂຕະ ໂນ໊ດບຸກ ຫຼື ອຸປະກອນພົກພາທີ່ສາມາດເຊື່ອມຕໍ່ຜ່ານຜູ້ໃຫ້ບໍລິການອິນເຕີເນັດ (ISP).

ຄວາມໄວຂອງອິນເຕີເນັດແມ່ນສາມາດແບ່ງອອກເປັນຄວາມໄວພາຍນອກ ແລະ ຄວາມໄວພາຍໃນປະເທດ ການກຳນົດວ່າອັນໃດແມ່ນຄວາມໄວພາຍນອກ ຫຼື ພາຍໃນນີ້ແມ່ນຂື້ນກັບເຊີບເວີຂອງເວັບໄຊ ຫຼື ແອັບພລີເຄເຊິນທີ່ທ່ານໃຊ້ໃນເວລານັ້ນຕັ້ງຢູ່ໃສ.

ບໍລິສັດໃຫຍ່ໆເຊັ່ນ Google ມີເຊີບເວີ ຫຼື ສູນເກັບຂໍ້ມູນທົ່ວໂລກຊຶ່ງໃນນັ້ນກໍມີລາວເຮົານຳ ເຮັດໃຫ້ເຮົາສາມາດເຂົ້າເຖິງຄວາມໄວພາຍໃນປະເທດໄວຂື້ນຫຼາຍ ໝາຍຄວາມວ່າຫາກທ່ານຕ້ອງການເບິ່ງວິດິໂອເທິງ YouTube (ທີ່ເປັນບໍລິສັດໃນເຄືອຂອງ Google) ທ່ານຈະສາມາດມ່ວນຊື່ນ ແລະ ເພີດເພີນໄປກັບຄວາມໄວໃນການເຊື່ອມຕໍ່ທີ່ວ່ອງໄວເນື່ອງຈາກມີເຊີບເວີໃນລາວ ເຮັດໃຫ້ການດາວໂຫຼດ ຫຼື ອັປໂຫຼດຂໍ້ມູນໄດ້ໄວຂື້ນ.

ໃນຂະນະດຽວກັນບາງແອັບພລີເຄເຊິນ ຫຼື ເວັບໄຊຕ່າງໆທີ່ທ່ານໃຊ້ ຫຼື ເຂົ້າໄປເບິ່ງມີເຊີບເວີທີ່ຢູ່ໄກອອກໄປນອກປະເທດ ຈະຖືວ່າເປັນການເຊື່ອມຕໍ່ລະຫວ່າງປະເທດ ແລະ ຈະເອີ້ນວ່າຄວາມໄວພາຍນອກທີ່ພວກເຮົາຄຸ້ນຫູກັນ ດັ້ງນັ້ນ ຂໍ້ມູນໃດກໍຕາມທີ່ທ່ານຕ້ອງ ການດາວໂຫຼດ ຫຼື ອັບໂຫຼດ ຖ້າຫາກແມ່ນມີເຊີບເວີຕັ້ງຢູ່ນອກປະເທດຈະຕ້ອງໄດ້ແລ່ນຜ່ານຫຼາຍເຄືອຂ່າຍທີ່ຢູ່ນອກປະເທດກ່ອນທີ່ຈະໄປຮອດເຊີບເວີນັ້ນ ຂັ້ນຕອນການສົ່ງຕໍ່ຂໍ້ມູນໄປ-ມາອອກນອກປະເທດນີ້ຈະໄວ ຫຼື ຊ້າ ແມ່ນຂຶ້ນກັບແພັກເກັດຄວາມໄວພາຍນອກທີ່ທ່ານນຳໃຊ້ຢູ່ ແພັກເກັດຄວາມໄວພາຍນອກທີ່ຕໍ່າຈະເຮັດໃຫ້ການດາວໂຫຼດ-ອັບໂຫຼດ ຊ້າລົງຫຼາຍສົ່ງຜົນໃຫ້  “ຄວາມໄວໃນການເຊື່ອມຕໍ່ຊ້າ”.

ນອກນັ້ນ ຍັງມີຕົວແປຫຼາຍຕົວທີ່ສົ່ງຜົນຕໍ່ຄວາມໄວພາຍນອກ ແລະ ພາຍໃນຂອງທ່ານ ເປັນຕົ້ນແມ່ນປະເພດຂອງແພັກເກັດ ຄວາມໄວຂອງແພັກເກັດ ປະເພດຂອງການເຊື່ອມຕໍ່ທີ່ຕັ້ງຂອງເຊີບເວິທີ່ທ່ານຈະເຊື່ອມຕໍ່ຕ້ອງຜ່ານເຄືອຂ່າຍຫຼາຍປານໃດກວ່າຈະເຖິງເຊີບເວີນັ້ນ ແລະ ຄຸນນະພາບຂອງອຸປະກອນກໍມີຄວາມສຳຄັນເຊັ່ນ ຊະນິດຂອງເຄື່ອງກະຈາຍສັນຍານ ແລະ ຊະນິດຂອງອຸປະ ກອນເຊື່ອມຕໍ່ທີ່ທ່ານໃຊ້ໃນການຫຼີ້ນ.

ທັງນີ້ ດ້ວຍອິນເຕີເນັດໄຟເບີຂອງສະກາຍເນັດ (Skynet) ທ່ານຈະໄດ້ຮັບຄວາມໄວພາຍໃນທັນທີ 20 Mbps ຊຶ່ງສາມາດເຂົ້າສູ່ຂໍ້ມູນຕ່າງໆຂອງ Google ເປັນຕົ້ນແມ່ນ YouTube ບໍ່ວ່າທ່ານຈະໃຊ້ແພັກເກັດໃດກໍຕາມ ສ່ວນຄວາມໄວພາຍນອກແມ່ນອີງຕາມແພັກເກັດທີ່ທ່ານເລືອກໃຊ້.

ເລືອກອິນເຕີເນັດສາຍໄຟເບີຂອງສະກາຍເນັດ ໃຫ້ທ່ານໄດ້ພົບກັບປະສົບການທີ່ສຸດພິເສດກັບການໃຊ້ອິນເຕີເນັດດ້ວຍແພັກເກັດໃຫມ່ທີ່ໄວ ແຮງ ເຕັມສະປີດ (ທຸກໆແພັກເກັດແມ່ນໄດ້ຮັບຄວາມໄວພາຍໃນ 20 Mbps ) ສອບຖາມຂໍ້ມູນໂທ 1833 ຫຼື ເຂົ້າໄປທີ່: https://www.facebook.com/Skynet-Lao-1187227958096404/

 

ໂດຍ: ອິດສະຫຼະ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.