ມາຮູ້ຈັກກັບ 20 ສະຖານທີ່ຈັດແຂ່ງຂັນ 28 ກີລາໃນຊຽງຂວາງເກມ 2020

0
17592

ເຈົ້າພາບແຂວງຊຽງຂວາງພ້ອມແລ້ວສຳລັບການຈັດການແຂ່ງຂັນງານມະຫະກຳກີລາແຫ່ງຊາດຄັ້ງທີ 11 ຊຶ່ງຈະຈັດຂຶ້ນໃນລະຫວ່າງວັນທີ 22 ມີນາຫາ 1 ເມສາ 2020 ໂດຍສະເພາະໃນດ້ານສະໜາມຈັດການແຂ່ງຂັນແມ່ນມີຄວາມພ້ອມ 90% ເຫຼືອພຽງການປັບປຸງຂັ້ນຕອນສຸດທ້າຍເທົ່ານັ້ນ.

ສຳລັບທີ່ພັກນັກກີລາທາງເຈົ້າພາບໄດ້ກະກຽມບັນດາໂຮງແຮມ, ເຮືອນພັກ ແລະ ບ່ອນພັກຂອງຄູຝຶກນັກກີລາແມ່ນມີຄວາມພ້ອມ 100%, ໃນນັ້ນ ທາງເຈົ້າພາບຈະສົ່ງນັກກີລາເຂົ້າຮ່ວມແຂ່ງຂັນຄົບທັງໝົດ 28 ປະເພດກີລາ ແລະ ມີນັກກີລາເຂົ້າຮ່ວມປະມານ 705 ຄົນ, ຍິງ 274 ຄົນ ເພື່ອພະຍາຍາມສູ້ຊົນໃຫ້ຕິດອັນດັບ 1 ໃນ 5 ຂອງຕາຕະລາງສະຫຼຸບຫຼຽນ ຫຼື 35 ຫຼຽນຄຳ ຫຼື ຫຼາຍກວ່ານັ້ນ. ສຳລັບກີລາປາຍແຫຼມແມ່ນກີລີຄວາມຫວັງຂອງແຂວງຊຽງຂວາງ ສ່ວນໃຫຍ່ເປັນກີລາພື້ນເມືອງເຊັ່ນ: ຍິງໜ້າ, ໝາກຂ່າງ ແລະ ຍິງທະນູເປັນຕົ້ນ.

ທ່ານ ທອງຜິວ ສິປັນຍາ ກ່າວວ່າງານມະຫະກຳກີລາແຫ່ງຊາດຄັ້ງນີ້ແມ່ນເປັນຄັ້ງປະຫວັດສາດຂອງແຂວງຊຽງຂວາງ, ​ດັ່ງນັ້ນ ພວກເຮົາຈະເຮັດໃຫ້ດີທີ່ສຸດ ແລະ ເຜີຍແຜ່ໃຫ້ມວນຊົນ ແລະ ນັກທ່ອງທ່ຽວທັງພາຍໃນ ແລະ ຕ່າງປະເທດຮູ້ກ່ຽວກັບແຂວງຊຽງຂວາງໃຫ້ຫຼາຍຂຶ້ນ ໂດຍສະເພະແມ່ນບັນດາແຫຼ່ງທ່ອງທ່ຽວຕ່າງໆ.

ສ່ວນ 28 ປະເພດກີລາທີ່ໄດ້ກໍານົດຈະແຂ່ງຂັນຢູ່ຕາມສະຖານທີ່ຕ່າງໆດັ່ງນີ້:
1. ບານເຕະຍິງ ກໍານົດໃຫ້ແຂ່ງຂັນທີ່ສະໜາມກີລາຂອງແຂວງ ບ້ານໂພນມີໄຊ (ສະໜາມເກົ່າ)
2. ບານເຕະຊາຍ ແລະ ແລ່ນ-ລານ ແຂ່ງຂັນທີ່ສະໜາມເປີດ-ປິດ (ຄັງໜອງຫຼວງ)
3. ບານບ້ວງ ແຂ່ງຂັນທີ່ຫໍພັກເກົ່າໂຮງຮຽນ ມສ ໂພນສະຫວັນ
4. ເທັນນິສ ແຂ່ງຂັນທີ່ສະໂມສອນໂຮງຮຽນ ມສ ໂພນສະຫວັນ
5. ດອກປີກໄກ່ ແຂ່ງຂັນທີ່ເດີ່ນສະໂມສອນດອກປີກໄກ່ຂອງແຂວງ
6. ກະຕໍ້ ແຂ່ງຂັນທີ່ເດີ່ນດອກປີກໄກ່ທະຫານແຂວງ
7. ປິ໋ງປ່ອງ ແຂ່ງຂັນທີ່ສະໂມສອນ ພະແນກແຜນການ ແລະ ການລົງທຶນແຂວງ
8. ເທຄວັນໂດ ແລະ ມວຍປໍ້າ ແຂ່ງຂັນທີ່ສະໂມສອນພະແນກໂຍທາທິການແຂວງ
9. ຢູໂດ, ປັ່ນຈັກສີລັກ, ວູຊູ ແລະ ໝາກແລ້ ແຂ່ງຂັນທີ່ເດີ່ນກີລາໃນຮົ່ມວິທະຍາໄລຄູຄັງໄຂ
10. ໝາກເສິກ ແຂ່ງຂັນທີ່ສະໂມສອນ ພະແນກກະສິກໍາ ແລະ ປ່າໄມ້ແຂວງ
11. ເຮືອຊ່ວງ ແຂ່ງຂັນທີ່ໜອງສະເດັດສຸພານຸວົງ 2
12. ໝາກຂ່າງ, ໜ້າເກັກ ແລະ ຍິງທະນູ ແຂ່ງຂັນທີ່ສະໜາມເປີດ-ປິດ (ຄັງໜອງຫຼວງ)
13. ລົດຖີບ ແຂ່ງຂັນທີ່ເສັ້ນທາງເລກ 7 ແຕ່ບ້ານປ້າງປາງຫາໂພນສະຫວັນ
14. ລອຍນໍ້າ
15. ບານສົ່ງໃນຮົ່ມ ແລະ ເປຕັງ ແຂ່ງຂັນທີ່ສະໜາມສວນມອນ ບ້ານໂງຍ
16. ໂບລິ້ງ ແຂ່ງຂັນທີ່ສະໂມສອນໂບລິ້ງ ບ້ານໂພນມີໄຊ
17. ກ໊ອຟ ແຂ່ງຂັນທີ່ເດີ່ນກ໊ອຟ ບ້ານນາເທົາ
18. ຍິງປືນ ແຂ່ງຂັນທີ່ໂຮງຮຽນນາຍສິບ
19. ມວຍລາວ ແລະ ມວຍສາກົນ ແຂ່ງຂັນທີ່ຫາດຊາຍອ່າງນໍ້າຫງໍາ
20. ສະນຸກເກີ້ ແຂ່ງຂັນທີ່ເດີ່ນບານເຕະບ້ານຍວນ

 

 

ຮຽບຮຽງຂ່າວ:​ພຸດສະດີ
ແຫຼ່ງຂໍ້ມູນ: ຂ່າວເສດຖະກິດ-ການຄ້າ, sportsupdate

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.