ມາຮູ້ຈັກກັບເພຈດັງໃນລາວທີ່ກຳລັງໄດ້ຮັບຄວາມນິຍົມໃນປັດຈຸບັນ

0
217

ການນຳໃຊ້ອິນເຕີເນັດຢູ່ໃນ ສປປ ລາວ ພວມມີທ່າກ້າວຂະຫຍາຍຕົວຂຶ້ນເລື້ອຍໆ ທຽບໃສ່ຈຳນວນປະຊາກອນທີ່ມີ 7 ລ້ານກວ່າຄົນ ໃນນັ້ນ 39% ເທົ່າ 2,7 ລ້ານຄົນສາມາດເຂົ້າເຖິງອິນເຕີເນັດໄດ້  ໂດຍສະເພາະການເຂົ້າເຖິງໂຊຊຽວມີເດຍບໍ່ວ່າຈະເປັນເຟສບຸ໊ກ ອິນສະຕຣາແກຣມ ທະວິດເຕີ ແລະ ລິງອິນ. ແຕ່ຢູ່ໃນ ສປປ ລາວ ເລືອກທີ່ຈະຊົມໃຊ້ເຟສບຸ໊ກຫຼາຍທີ່ສຸດ ປັດຈຸບັນ ຄົນຫັນມານິ ຍົມ ຫຼື ຕິດຕາມຂໍ້ມູນ-ຂ່າວສານ ເນື້ອໃນນາໆສາລະທາງເພຈຂອງເຟສບຸ໊ກຫຼາຍກວ່າເຂົ້າຜ່ານທາງເວັບໄຊໂດຍກົງ.

ສຳລັບເພຈດັງໃນເຟສບຸ໊ກທີ່ໄດ້ຮັບຄວາມນິຍົມສູງສຸດໃນປັດຈຸບັນຢູ່ໃນ ສປປ ລາວ ໂດຍອີງຕາມການເປີດເຜີຍຂອງ Socialbakers (ວັນທີ 25 ຕຸລາ 2019) ເວັບໄຊທີ່ຈັດອັນດັບ ຫຼື ວັດແທກຄວາມນິຍົມຂອງບັນດາເພຈຕ່າງໆທົ່ວໂລກໄດ້ຈັດອັນດັບເພຈຕ່າງໆໃນ ສປປ ລາວທີ່ມີຄົນກົດໄລຫຼາຍທີ່ສຸດ 10 ອັນດັບດັ່ງນີ້:

ການມີຈຳນວນ Like ຫຼາຍກໍບໍ່ໄດ້ໝາຍເຖິງຄວາມນິຍົມຂອງເພຈນັ້ນໆ ເພາະເປົ້າໝາຍຂອງເຟສບຸ໊ກແມ່ນຢາກສົ່ງເສີມການມີສ່ວນຮ່ວມຂອງຜູ້ຊົມໃຊ້ ໂດຍຜູ້ຊ່ຽວຊານທາງດ້ານອິນເຕີເນັດຕົວແທນຈາກບໍລິສັດ RDK Group ຊຶ່ງເປັນບໍລິສັດທີ່ປຶກ ສາດ້ານການຕະຫຼາດໄດ້ອະທິບາຍວ່າ: ຍອດ Like ຂອງເພຈອາດບໍ່ສຳຄັນເທົ່າກັບ Engagement (ໝາຍເຖິງຈຳນວນຄົນທີ່ເຂົ້າເຖິງ ຫຼື ມີສ່ວນຮ່ວມ ຊຶ່ງປະກອບມີ ການກົດໄລ ແຊຣ ຄອມເມັ້ນ ແທັກ ຫຼື ເຊັກອິນ) ເພາະວ່າເພຈນັ້ນໆອາດຈະບໍ່ມີການເຄື່ອນໄຫວຢ່າງຕໍ່ເນື່ອງ ຫຼື ບໍ່ມີເນື້ອຫາສາລະທີ່ສາມາດດຶງດູດຄົນອ່ານເທົ່າທີ່ຄວນ. ເພຈທີ່ສາມາດຂຶ້ນມາຄອງອັນດັບໜຶ່ງຂອງ Engagement ໃນປະເທດລາວກໍຄື ໂທລະໂຄ່ງ THOLAKHONG.

ໂດຍສຳນັກຂ່າວລາວໂພສໄດ້ຈັດ 10 ອັນດັບເພຈຍອດນິຍົມທີ່ມີຈຳນວນ Engagement ຫຼາຍທີ່ສຸດໃນຂະນະນີ້:

(ການຈັດອັນດັບດັ່ງກ່າວແມ່ນອັບເດດໃນວັນທີ 25 ຕຸລາ 2019 “ປະຈຳອາທິດ” ຊຶ່ງອັນດັບຕ່າງໆອາດມີການປ່ຽນແປງທຸກວິນາທີ ທງັນີ້ ກໍຂຶ້ນກັບວ່າເພຈນັ້ນໆຈະໂພສ, ມີຄອນເທັນ, ມີເນື້ອຫາສາລະທີ່ດຶງດູດໃຫ້ຄົນເຂົ້າມາມີສ່ວນຮ່ວມໜ້ອຍຫຼາຍສ່ຳໃດ?)

ອີກຢ່າງໜຶ່ງທີ່ທາງເພຈ ໂທລະໂຄ່ງ THOLAKHONG ໄດ້ຮັບເຄື່ອງໝາຍກວດສອບຢືນຢັນສີຟ້າ (Blue Verification Badge) ຊຶ່ງ Facebook ເປັນຜູ້ມອບໃຫ້ຢ່າງເປັນທາງການ (ຕາມທີ່ເຫັນໃນຮູບດ້ານລຸ່ມ).

ທາງເພຈໂທລະໂຄ່ງກໍມີແຜນການຮ່ວມມືກັບສື່ທາງການຫຼາຍສໍານັກເພື່ອຊ່ວຍໃນການເຜີຍແຜ່ຂໍ້ມູນອັນເປັນປະໂຫຍດແກ່ສັງຄົມເຊັ່ນ Media Laos, Lao Security News,  ລາວໂພສຕ໌ Laopost, The Laotian Times.

ເຄື່ອງໝາຍກວດສອບຢືນຢັນສີຟ້າ  ແມ່ນສັນຍະລັກທີ່ເຟສບຸ໊ກມອບໃຫ້ແກ່ບັນດາເພຈ ຫຼື ບຸກຄົນສາທາລະນະທີ່ມີເງື່ອນໄຂດັ່ງນີ້: ຕ້ອງເປັນເພຈທີ່ມີບັນຊີຖືກຕ້ອງ, ປະຕິບັດຕາມກົດລະບຽບ ແລະ ນະໂຍບາຍຂອງເຟສບຸ໊ກ ແລະ ເປັນທີ່ສົນໃຈຂອງສາທາລະນະ ແລະ ອື່ນໆ.

(ໃຫ້ສັງເກດເບິ່ງເຄື່ອງໝາຍສີຟ້າຢູ່ໃນວົງມົນສີແດງ ໝາຍເຖິງເພຈນັ້ນໆໄດ້ຮັບການຢືນຢືນຈາກເຟສບຸ໊ກແລ້ວ)

ແຕ່ຖ້າຫາກທ່ານເຫັນເຄື່ອງໝາຍສີເທົາ ດ້ານຂ້າງຊື່ຂອງເພຈກໍສະແດງວ່າ ເຟສບຸ໊ກຢືນຢັນແລ້ວວ່າເປັນເພຈແທ້ຂອງທຸລະກິດ ຫຼື ອົງກອນ ໝາຍເຫດ : ທ່ານບໍ່ສາມາດຊື້ເຄື່ອງໝາຍການກວດສອບຢືນຢັນທັງ 2 ປະເພດນີ້ໄດ້.

ທັງນີ້ ໃນ ສປປ ລາວ ກໍມີເພຈ ຫຼື ບຸກຄົນທີ່ໄດ້ຮັບເຄື່ອງໝາຍກວດສອບຢືນຢັນສີຟ້າມາແລ້ວບໍ່ວ່າຈະເປັນ ເພຈຂອງຝຣັ່ງຊື່ສົມຈັນ, Larnoy PhorJai (ຫຼ້ານ້ອຍພໍໃຈ), Unitel Lao, Lao Telecom, Thai Airways – Lao PDR ແລະ ອື່ນໆ ຫຼ້າສຸດ ເພຈໂທລະໂຄ່ງ THOLAKHONG ເປັນເພຈຂໍ້ໍມູນ-ຂ່າວສານເພຈທຳອິດຢູ່ໃນ ສປປ ລາວ ທີ່ໄດ້ຮັບເຄື່ອງໝາຍກວດກວດສອບຢືນຢັນສີຟ້າ  ຈາກເຟສບຸ໊ກຢ່າງເປັນທາງການ.

 

 

 

 

ໂດຍ: ເພັງສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.