ມາຮູ້ຈັກກັບຜົນຮ້າຍ ແລະ ອັນຕະລາຍຂອງຄວັນຢາສູບມືສອງ!!

0
163

ຄວັນຢາສູບມືສອງ ຫຼື Secondhand smoke ໝາຍເຖິງການໄດ້ຮັບຄວັນຢາສູບທາງອ້ອມໂດຍທີ່ບໍ່ໄດ້ສູບດ້ວຍຕົນເອງ, ການໄດ້ຮັບຄວັນຢາສູບມືສອງເປັນປະຈຳຈະເພີ່ມຄວາມສ່ຽງໃນການເປັນພະຍາດຫົວໃຈ, ມະເຮັງປອດ ແລະ ພະຍາດຮ້າຍແຮງອື່ນໆ, ຄວັນຢາສູບມືສອງທີ່ປ່ອຍອອກມາຈກາຢາສູບລວມແລ້ວມີ 2 ຊະນິດຄື: ຄວັນຂ້າງຄຽງ ຊຶ່ງເປັນຄວັນທີ່ລອຍຢູ່ໃນອາກາດໃນລະຫວ່າທີ່ຢາສູບຖືກເຜົາໄໝ້ ແລະ ຄວັນຫຼັກ ເປັນຄວັນທີ່ຜູ້ສູບຢາພົ່ນອອກມາຈາກການສູບຢາ.

ເຖິງແມ່ນວ່າຈະເອີ້ນວ່າຄວັນຫຼັກ ແຕ່ທີ່ເປັນອັນຕະລາຍຕໍ່ຜູ້ທີ່ສູດດົມຫຼາຍກວ່າກໍຄື: ຄວັນຂ້າງຄຽງ ເພາະປະກອບໄປດ້ວຍສານເຂັ້ມຂຸ້ນຂອງສານກໍ່ມະເຮັງທີ່ສູງກວ່າ, ດັ່ງນັ້ນ ຈຶ່ງເປັນພິດຫຼາຍກວ່າ ແລະ ຍັງມີອະນຸພາກຂະໜາດນ້ອຍກວ່າຈຶ່ງສາມາດແຊກຊຶມເຂົ້າສູ່ປອດ ໄດ້ເລິກກວ່າຄວັນຢາສູບຫຼັກ.

ທັງນີ້, ຄວັນຢາສູບມືສອງມີປະລິມານນິໂຄຕິນ ແລະ ສານເຄມີອັນຕະລາຍທຽບເທົ່າກັບການສູບຢາການສູບຢາ, ນອກຈາກນີ້ ຍັງມີສານປະກອບເຄມີຫຼາຍກວ່າ 7.000 ຊະນິດ ຊຶ່ງສານເຄມີຫຼາຍກວ່າ 250 ຊະນິດເປັນອັນຕະລາຍຕໍ່ຮ່າງກາຍ ແລະ ສານເຄມີຢ່າງໜ້ອຍ 69 ຊະນິດເປັນສານກໍ່ມະເຮັງ.

ຂໍ້ມູນຈາກອົງການອະນາໄມໂລກ (WHO) ລະບຸວ່າ: ໃນແຕ່ລະປີມີປະຊາກອນທີ່ເສຍຊີວິດຈາກພະຍາດຫຼອດເລືອດຫົວໃຈ ແລະ ສະໝອງຢ່າງໜ້ອຍປີລະ 2.600 ຄົນ, ຈາກຜູ້ທີ່ເສຍຊີວິດດ້ວຍຄວັນຢາສູບມືສອງປີລະ 6.500 ຄົນ ແລະ ຈາກການສຳຫຼວດຂໍ້ມູນຂອງສຳນັກງານສະຖິຕິແຫ່ງຊາດໃນປີ 2017 ພົບວ່າ: ຄົນທີ່ໄດ້ຮັບຄວັນຢາສູບມືສອງພາຍໃນ ເຮືອນມີຫຼາຍເຖິງ 17,3 ລ້ານຄົນ, ນອກຈາກນີ້ ຍັງມີຫຼັກຖານທີ່ສະແດງໃຫ້ເຫັນວ່າຄວັນຢາສູບມືສອງມີຄວາມເຊື່ອມໂຍງກັບພະຍາດເສັ້ນເລືອດໃນສະ ໝອງແຕກ, ມະເຮັງຕ່ອມນໍ້າເຫຼືອງ, ມະເຮັງເມັດເລືອດຂາວ ແລະ ຊີ້ນປົ່ງໃນສະໝອງເດັກ. ທັງນີ້ ຄວັນຢາສູບມືສອງຍັງມີຄວາມເຊື່ອມໂຍງກັບພະຍາດມະເຮັງຊະນິດຕ່າງໆເຊັ່ນ: ມະເຮັງກ່ອງສຽງ, ຄໍຫອຍ, ຜົ້ງດັງ, ສະໝອງ, ກະເພາະປັດສະວະ, ລຳໄສ້ໃຫຍ່, ກະເພາະອາຫານ ແລະ ມະເຮັງເຕົ້ານົມ ເຫຼົ່ານີ້ເປັນຕົ້ນ.

ເນື່ອງຈາກວ່າຄວັນຢາສູບມືສອງມີຄວາມອັນຕະລາຍທຽບເທົ່າກັບການສູບຢາ, ໂດຍມີສະຖິຕິການເຈັບປ່ວຍ ແລະ ການເສຍຊີວິດຈາກຄວັນຢາສູບມືສອງຢ່າງຊັດເຈນ, ຈຶ່ງມີການປຸກລະດົມໃຫ້ຢຸດສູບຢາທັງໃນເຮືອນ, ບ່ອນເຮັດວຽກ, ໃນລົດ ແລະ ໃນທີ່ສາທາ ລະນະ ຊຶ່ງໃນຫຼາຍປະເທດລວມກໍເລີ່ມມີກົດໝາຍກ່ຽວກັບການຫ້າມສູບຢາທີ່ມີຄວາມເຂັ້ມງວດຫຼາຍຂຶ້ນກວ່າເກົ່າ.

 

ຮຽບຮຽງ: ເພັງສະຫວັນ

ຮູບພາບ: kapook

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.