ມາຮູ້ຈັກກັບບໍ່ນ້ຳພຸຮ້ອນທີ່ໃຫຍ່ທີ່ສຸດ ແລະ ມີອຸນຫະພູມສູງທີ່ສຸດໃນ ສປປ ລາວ

0
538

ອາກາດເຢັນໆແບບນີ້ຕ້ອງໄປຊົມທະເລໝອກ ແລະ ແຊ່ນ້ຳຮ້ອນ-ນໍ້າອຸ່ນຢູ່ແຂວງຫົວພັນ!! ບໍ່ນໍ້າພຸຮ້ອນເມືອງຮ້ຽມແມ່ນນອນຢູ່ ໃນເຂດປ່າສະຫງວນແຫ່ງຊາດນໍ້າແອດ-ພູເລີຍ ຊຶ່ງເປັນເຂດທີ່ອ້ອມຮອບໄປດ້ວຍປ່າໄມ້ສີຂຽວຕະຫຼອດປີ ພ້ອມທັງມີສັດສາວາສິ່ງຫຼາກຫຼາຍຊະນິດທີ່ຖືກອະນຸຮັກໄວ້.

ບໍ່ນໍ້າພຸຮ້ອນເມືອງຮ້ຽມເປັນບໍ່ນໍ້າພຸຮ້ອນທີ່ໃຫຍ່ທີ່ສຸດ ແລະ ມີອຸນຫະພູມສູງທີ່ສຸດໃນ ສປປ ລາວ ຊຶ່ງມີຄວາມຮ້ອນເຖິງ 100 ອົງສາ,​ ບໍ່ນໍ້າພຸຮ້ອນແຫ່ງນີ້ໄດ້ຮັບຄວາມນິຍົມຈາກນັກທ່ອງທ່ຽວທັງພາຍໃນ ແລະ ຕ່າງປະເທດ ເພາະນອກຈາກຈະໄດ້ນອນແຊ່ນໍ້າອຸ່ນຢ່າງສະບາຍກາຍໃຈແລ້ວຍັງມີສະຖານທີ່ທ່ຽວກິນຄົບວົງຈອນໃຫ້ບັນດາທ່ານໄດ້ເພີດເພີນໄປກັບທິວທັດທຳມະຊາດທີ່ສວຍງາມ.

ບໍ່ນໍ້າພຸຮ້ອນທັງສອງແຫ່ງນີ້ເປີດໃຫ້ບໍລິການຕັ້ງແຕ່ 7:00 – 19:00 ໂມງ, ສຳລັບທ່ານໃດທີ່ບໍ່ເຄີຍໄປທ່ຽວ ແລະ ຢາກໄປສຳຜັດ ຫຼື ມີແຜນມາທ່ຽວທີ່ຊຳເໜືອກໍຢ່າລືມມາແວ່ບໍ່ນ້ຳພຸຮ້ອນເມືອງຮ້ຽມນີ້ຮັບຮອງວ່າທ່ານຈະບໍ່ຜິດຫວັງແນ່ນອນ.

 

 

ບົດໂດຍ: ​ພຸດສະດີ
ແຫຼ່ງຂໍ້ມູນ: ວາລະສານຂວັນໃຈ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.