ມະນຸດຕົ້ນໄມ້ຂໍໃຫ້ໝໍຕັດມືຖິ້ມ ເພາະທົນທໍລະມານບໍ່ໄຫວ

0
3797

ໃນຊ່ວງເວລາບໍ່ພໍເທົ່າໃດປີມານີ້ຊື່ຂອງ ທ້າວ ອາບູລ ບາຈັນດາຣ ຊາຍຊາວບັງກາລາເທດ ໄວອາຍຸ 28 ປີ ໄດ້ການເປັນທີ່ຮູ້ຈັກໄປທົ່ວໂລກໃນຖານະ “Tree Man” ຫຼື ມະນຸດຕົ້ນໄມ້ ເນື່ອງຈາກເຂົາປ່ວຍເປັນພະຍາດ Epidermodysplasia Verruciformis ຫຼື ພາວະຜິດປົກກະຕິທາງພັນທຸກຳທີ່ເຮັດໃຫ້ຜິວໜັງເກີດຫູດ ຫຼື ສະເກັດແຂງຄືກັບເປືອກໄມ້ຂຶ້ນປົກຄຸມຮ່າງກາຍ ເປັນພະຍາດທີ່ຫາຍາກຫຼາຍຊຶ່ງທົ່ວໂລກມີຄົນປ່ວຍພະຍາດນີ້ໜ້ອຍກວ່າ 6 ຄົນ.

ເລື່ອງລາວຫຼ້າສຸດກ່ຽວກັບຊີວິດຂອງ ອາບູລ ຖືກລາຍງານໂດຍສຳນັກຂ່າວ ເອເອຟພີ ຊຶ່ງທາງເວັບໄຊເອັນດີທີວີໄດ້ເຜີຍແຜ່ໃນວັນທີ 24 ມິຖຸນາ 2019 ຫາກຫວນເວລາກັບໄປເມື່ອຫຼາຍປີກ່ອນມືທັງສອງຂ້າງຂອງ ອາບູ ລເກືອບຈະບໍ່ສາມາດໃຊ້ງານໄດ້ຄືກັບຄົນປົກປະຕິ ນັບຕັ້ງແຕ່ຝາມື ເລັບ ມື ນິ້ວ ແລະ ລາມມາທີ່ຫຼັງມື ແລະ ຂໍ້ມື.

ໃນໄລຍະເວລາ 3 ປີທີ່ຜ່ານມາ ອາບູລ ໄດ້ເຂົ້າຮັບການປິ່ນປົວພະຍາດ Epidermodysplasia Verruciformis ມາແລ້ວເຖິງ 25 ຄັ້ງ ແພດໄດ້ຈັດການຕັດເລາະເອົາຫູດຕົ້ນໄມອອກໃຫ້ ແລະ ພວກເຂົາຄິດວ່າຈະສາມາດປິ່ນປົວພະຍາດໄດ້ຮຽບຮ້ອຍ ແຕ່ພວກເຂົາຄິດຜິດ ເນື່ອງຈາກວ່າໃນເດືອນພຶດສະພາ 2018 ອາບູລ ໄດ້ເດີນທາງໄປທີ່ໂຮງໝໍແຫ່ງໜຶ່ງໃນເມືອງທາກາ ເມືອງຫຼວງຂອງປະເທດບັງກາລາເດັດເພື່ອໃຫ້ແພດຕິດຕາມອາການຂອງເຂົາ ຊຶ່ງກໍພົບວ່າພະຍາດດັ່ງກ່າວຍັງບໍ່ຫາຍຂາດ.

ຕໍ່ມາໃນເດືອນມັງກອນ 2019 ອາບູລ ກັບໄປຫາໝໍອີກຄັ້ງເພາະອາການຂອງເຂົາເລີ່ມຮຸນແຮງກວ່າເກົ່າ ມັນຂຶ້ນເຕັມມືຂອງເຂົາ ບາງຈຸດກໍມີຂະໜາດໃຫຍ່ ອາບູລ ຮູ້ສຶກທົນບໍ່ໄຫວອີກຕໍ່ໄປແລ້ວເຂົາຢາກໃຫ້ໝໍຕັດມືເຂົາຖິ້ມ ໂດຍຜູ້ເປັນແມ່ກໍເຫັນດີກັບການຕັດສິນໃຈຂອງລູກຊາຍ ເພາະໃຫ້ລູກເປັນພິການມັນກໍຍັງຈະດີວ່າໃຫ້ລູກທົນທຸກທໍລະມານຢູ່ແບບນີ້ ແລະ ຫວັງວ່າລູກຊາຍຈະສິ້ນສຸດຄວາມເຈັບປວດ ຂະນະທີ່ ທ່ານ ນາງ ຊີດ ຮາສິນາ ນາຍົກລັດຖະມົນຕີບັງກາລາເດັດໄດ້ຢືນຢັນວ່າ ອາບູລ ຈະໄດ້ຮັບການປິ່ນປົວໂດຍບໍ່ເສຍຄ່າ (ຟຣີ).

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: hilight.kapook

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.