ມອບເຄື່ອງຊ່ວຍເຫຼືອຜູ້ປະສົບໄພນໍ້າຖ້ວມເມືອງເຊໂປນ

0
54

ທ່ານ ປອ ສຸວັນເພັງ ບຸບຜານຸວົງ ລັດຖະມົນຕີປະຈໍາສໍານັກງານນາຍົກລັດຖະມົນຕິສະມາຊິກສະພາແຫ່ງຊາດເຂດເລືອກຕັ້ງ 13 ແຂວງສະຫວັນນະເຂດ ພ້ອມດ້ວຍຄອບຄົວ ໝູ່ເພື່ອນ ຍາດຕີພີ່ນ້ອງ ຮ່ວມໃຈຊ່ວຍເຫຼືອອຜູ້ປະສົບໄພນໍ້າຖ້ວມໃຫ້ກັບ 6 ບ້ານຂອງເມືອງເຊໂປນທີ່ຖືກນໍ້າຖ້ວມ ລວມມູນຄ່າ 90 ລ້ານກວ່າກີບ ເພື່ອເປັນການຊ່ວຍເຫຼືອສຸກເສີນບັນເທົາທຸກໃຫ້ປະຊາຊົນທີ່ຖືກນໍ້າຖ້ວມຈາກພະຍຸກາຈີກີ ໄພພິບັດທາງທໍາມະຊາດຊຶ່ງເຮັດໃຫ້ເຮືອນຊານບ້ານຊ່ອງ ໄຮ່ນາຮົ້ວສວນ ສັດລ້ຽງປະຊາຊົນເສຍຫາຍຈໍານວນຫຼາຍ.

ດັ່ງນັ້ນ ໃນວັນທີ 14 ກັນຍາທີ່ຜ່ານມາ ທ່ານ ປອ ສຸວັນເພັງ ຈຶ່ງໄດ້ລະດົມທຸກກຳລັງແຮງເຂົ້າໃນການຊ່ວຍເຫຼືອໃນ 6 ບ້ານຂອງເມືອງເຊໂປນຊຶ່ງປະກອບມີ ບ້ານເມືອງເຊໂປນເກົ່າ ບ້ານອຸດົມສຸກ ບ້ານສອນມີໄຊ ບ້ານໂພນມ່ວງ ບ້ານວົງວິໄລ ແລະ ບ້ານທ່າໂຂ່ງທີ່ຖືກນໍ້າຖ້ວມ ສຳລັບເຄື່ອງອຸປະໂພກ-ບໍລິໂພກຈໍານວນ 310 ຊຸດ ມູນຄ່າ 90 ລ້ານກວ່າກີບ ໃນນັ້ນ ຫຼັກໆກໍມີປະເພດໝີ່ສຳ ເລັດຮູບ ເຂົ້າສານໜຽວ ປ໋ອງປາ ເຂົ້າໜົມ ເຄື່ອງໃຊ້ປະຈຳວັນ ຢາ ແປງຖູແຂ້ວ ເຄື່ອງນຸ່ງຫົ່ມ ແລະ ອື່ນໆ ມອບ ທ່ານປອ ສຸວັນເພັງ ບຸບຜານຸວົງ ຕາງໜ້າແຕ່ລະຄອບຄົວທີ່ຖືກນໍ້າຖ້ວມຈໍານວນ 310 ຄອບຄົວ 6 ບ້ານເປົ້າໝາຍ ຊ້ອງໜ້າ ທ່ານ ວົງໄຊ ໄຊຍະຈັກ ວ່າການເລຂາຄະນະບໍລິຫານງານພັກເມືອງ ເຈົ້າເມືອງເຊໂປນ ພ້ອມຄະນະ ທ່ານ ນາງ ມະນີຈັນ ຈັນທະນາລີ ຄະນະປະຈໍາພັກເມືອງ ປະທານກວດກາພັກ-ລັດເມືອງ ທັງເປັນສະມາຊີກສະພາແຫ່ງຊາດເຂດເລືອກຕັ້ງ 13 ປະຈໍາເມືອງເຊໂປນພ້ອມດ້ວຍພາກ ສ່ວນກ່ຽວຂ້ອງ.

ສຳລັບເຄື່ອງດັ່ງກ່າວແມ່ນໄດ້ຮັບການບໍລິຈາກ ແລະ ອຸປະຖຳຈາກຫຼາຍພາກສ່ວນ ແລະ ໃນວັນທີ 15 ກັນຍາ 2019 ບັນດາລູກຫຼານຊາວບ້ານເມືອງເຊໂປນເກົ່າ ນໍາໂດຍ ປ້າບຸນພ້ອມ ສິນລະຄອນ ພະນັກງານບໍານານພ້ອມດ້ວຍຄອບຄົວເປັນຕົວແທນໃຫ້ກັບ 60 ຄອບຄົວນຳເຄື່ອງອຸປະໂພກ-ບໍລິໂພກ-ເຄື່ອງໃຊ້ຈຳເປັນ ແລະ ອື່ນໆລວມມູນຄ່າຫຼາຍກວ່າ 5 ລ້ານກີບ ຕາງໜ້າຮັບໂດຍ ທ່ານ ຄໍາຫຼ້າ ພົມມີໄຊ ຮອງເຈົ້າເມືອງເຊໂປນ ທ່ານ ມະນີຈັນ ຈັນທະນາລີ ສະມາຊີກສະພາແຫ່ງຊາດເຂດເລືອກຕັ້ງ 13 ແຂວງສະຫວັນນະເຂດປະຈໍາເມືອງເຊໂປນ ຜູ້ຊີ້ນໍາບ້ານເມືອງເຊໂປນເກົ່າ ຄະນະບ້ານເປັນສັກຂີພິຍານ.

 

 

 

ໂດຍ: ອິດສະຫຼະ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.