ຟິລິບປິນດຳເນີນຄະດີຊາວຈີນ 300ຄົນ

0
237

ສຳນັກຂ່າວ AFP ລາຍງານຈາກນະຄອນຫຼວງມະນິລາ ປະເທດຟິລິບປິນເມື່ອວັນທີ 18 ກັນຍາຜ່ານມາວ່າ ຖະແຫຼງການຂອງສຳ ນັກງານຕຳຫຼວດກວດຄົນເຂົ້າເມືອງຂອງຟິລິບປິນທີ່ໄດ້ລະບຸວ່າ ການຈັບກຸມຕົວຊາວຈີນກວ່າ 300 ຄົນເກີດຂຶ້ນໃນວັນທີ 16 ກັນ ຍາຜ່ານມາທີ່ໂຮງແຮມ ແລະ ເຮືອນພັກ 8 ແຫ່ງໃນເມືອງເປີໂຕປຣິນຊາ ແຂວງປາລາວັນ ຊຶ່ງກຸ່ມຄົນດັ່ງກ່າວສ່ວນຫຼາຍບໍ່ມີເອກະ ສານປະຈຳຕົວ ແລະ ອາໄສຢູ່ໃນຟິລິບປິນເກີນກຳນົດ.

ຜູ້ບັນຊາການສຳນັກງານຕຳຫຼວດກວດຄົນເຂົ້າເມືອງຟິລິບປິນກ່າວວ່າ ສຳນັກງານຈະເດີນໜ້າກວາດລ້າງຊາດຕ່າງດ້າວທີ່ຜິດກົດ ໝາຍ ໂດຍສະເພາະກຸ່ມຜູ້ທີ່ກ່ຽວພັນກັບກິດຈະກຳການພະນັນອອນລາຍທີ່ບໍ່ໄດ້ຮັບອະນຸຍາດ ແລະ ການຫຼອກລວງສໍ້ໂກງທາງໄຊເບີ (ແກ໊ງຄໍເຊັນເຕີ) ແລະ ການຫຼອກລວງດ້ານການລົງທຶນ.

ການຈັບກຸມກຸ່ມແກ້ງຄໍເຊັນເຕີໄດ້ມີຂຶ້ນຫຼັງເຈົ້າໜ້າທີ່ຕຳຫຼວດຟິລິບປິນໄດ້ຮັບການແຈ້ງເບາະແສຈາກລັດຖະບານຈີນ ໂດຍມີຜູ້ເສຍຫາຍທີ່ເປັນຊາວຈີນຫຼາຍກວ່າ 1.000 ຄົນ ສະເລ່ຍສູນເງິນຫຼາຍກວ່າ 100 ລ້ານຢວນ.

ຮຽບຮຽງ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.