ຟິລິບປິນຈັບຜູ້ໂດຍສານລັກລອບຂົນເຕົ່າໃສ່ໃນກະເປົາເດີນທາງຫຼາຍກວ່າ 1500 ໂຕ

0
230

ເຈົ້າໜ້າທີ່ກວດຄົນເຂົ້າເມືອງສະໜາມບິນມະນິລາ ປະເທດຟິລິບປິນ ເປີດເຜີຍເມື່ອວັນທີ 4 ມີນາ 2019ວ່າ ໄດ້ຄວບຄຸມຕົວຜູ້ໂດຍສານຊາວຟິລິບປິນຄົນໜຶ່ງທີ່ລັກລອບຂົນເຕົ່າດາວອິນເດຍ ຈຳນວນຫຼາຍເຖິງ 1.530 ໂຕ ທີ່ໄດ້ເຊື່ອງໄວ້ໃນກະເປົາເຂົ້າສູ່ປະເທດຟິລິບປິນ.

ລາຍງານລະບຸວ່າ ເຈົ້າໜ້າທີ່ກວດພົບເຕົ່າດາວອິນເດຍຈາກການສະແກນກະເປົາເດີນທາງ ໂດຍເຕົ່າທຸກໂຕບໍ່ສາມາດເຄື່ອນໄຫວໄດ້ຍ້ອນຖືກພັນໄວ້ດ້ວຍສະກັອດ.

ເຈົ້າໜ້າທີ່ກວດຄົນເຂົ້າ-ອອກເມືອງ ເປີດເຜີວ່າ ຊາຍຄົນດັ່່ງກ່າວໄດ້ຖືກນຳຕົວໄປສອບສວນ ແລະ ອາດຖືກຕັ້ງຂໍ້ຫາລະເມີດກົດຊື້-ຂາຍສັດປ່າຂອງຟິລິບປິນ ເຊິ່ງມີໂທດສູງສຸດຄືຕິດຄຸກ 2 ປີ ໂດຍຊາຍຄົນນີ້ໄດ້ເດີນທາງມາຈາກຮ່ອງກົງ ແລະ ຄາດວ່າອາດນຳເຕົ່າມາຂາຍໃນຟິລິບປິນ ຫຼື ເດີນທາງຕໍ່ໄປທີ່ປະເທດອື່ນ.

 

 

 

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: matichon

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.