ຟິນແລນຈະເປັນປະເທດທີ່ມີນາຍົກລັດຖະມົນຕີທີ່ອາຍຸນ້ອຍທີ່ສຸດໃນໂລກ

0
5100

ທ່ານ ນາງ ຊານນາ ມາຣິນ (Sanna Marin) ລັດຖະມົນຕີວ່າການກະຊວງຄົມມະນາຄົມຂອງຟິນແລນໄດ້ຮັບເລືອກໃຫ້ເປັນຜູ້ນຳພັກສັງຄົມປະຊາທິປະໄຕຊຶ່ງເຮັດໃຫ້ທ່ານນາງກາຍເປັນນາຍົກລັດຖະມົນຕີຄົນຫຼ້າສຸດຂອງປະເທດຟິນແລນ.

ທ່ານ ນາງ ມາຣິນ ປັດຈຸບັນອາຍຸ 34 ປີຊຶ່ງເປັນຫົວໜ້າພັກທີ່ໃຫຍ່ທີ່ສຸດໃນກຸ່ມຜູ້ປົກຄອງຫ້າຄົນ ຊຶ່ງເມື່ອ ມາຣິນ ຂຶ້ນຮັບຕຳ ແໜ່ງກໍຈະກາຍເປັນນາຍົກທີ່ມີອາຍຸນ້ອຍທີ່ສຸດໃນປະຫວັດສາດໂລກ, ນອກຈາກນີ້ ມາຣິນ ຍັງເປັນຫົວໜ້າລັດຖະບານຍິງຄົນທີສາມຂອງຟິນແລນອີກດ້ວຍ. ພ້ອມນີ້ ທ່ານ ນາງ ມາຣິນ ກໍໄດ້ກ່າວວ່າ: “ຕົນເອງບໍ່ເຄີຍນຶກເຖິງອາຍຸ ຫຼື ເພດ ແຕ່ຈະຄິດເຖິງເຫດຜົນທີ່ຕົນເອງເຂົ້າສູ່ການເມືອງ ແລະ ສິ່ງຕ່າງໆທີ່ໄດ້ຮັບຄວາມເຊື່ອຖືຈາກບັນດາຜູ້ຄົນທີ່ມີສິດເລືອກຕັ້ງ”.

ຂະນະທີ່ອີກສີ່ຝ່າຍໃນລັດຖະບານຜະສົມຂອງຟິນແລນທີ່ຍັງຄົງເປັນຜູ້ນຳຊຶ່ງມີເພດຍິງບໍ່ວ່າຈະເປັນ ທ່ານ ນາງ Li Anderson ອາຍຸ 32 ປີ, ທ່ານ ນາງ Maria Ohisalo ອາຍຸ 34 ປີ, ທ່ານ ນາງ Katri Kulmuni ອາຍຸ 32 ປີ ແລະ ທ່່ານ ນາງ Anna-Maja Henriksson ອາຍຸ 55 ປີ.

ອີງຕາມການນຳສະເໜີຂ່າວຂອງສື່ຍັກໃຫຍ່ໃນຟິນແລນທີ່ໄດ້ອອກມາເປີດເຜີຍວ່າ: ທ່ານ ນາງ ມາຣິນ ຈະກາຍເປັນນາຍົກລັດຖະ ມົນຕີທີ່ອາຍຸນ້ອຍທີ່ສຸດໃນໂລກ ຊຶ່ງກ່ອນໜ້ານີ້ນາຍົກລັດຖະມົນຕີຂອງນິວຊີແລນກໍຄື Jacinda Ardern ອາຍຸ 39 ປີ, Oleksiy Honcharuk ຢູເຄຣນອາຍຸ 35 ປີ ແລະ ຜູ້ນຳຂອງ ສປ ເກົາຫຼີ ກໍຄື Kim Jong-un ອາຍຸ 35 ປີ.

ທັງນີ້,​ ທ່ານ ນາງ ມາຣິນ ເລີ່ມເຂົ້າມາມີບົດບາດທີ່ໂດດເດັ່ນໃນການເມືອງຂອງຟິນແລນນັບແຕ່ທ່ານຂຶ້ນເປັນຫົວໜ້າສະພາເມືອງຂອງເມືອງຕຳເປເຣ ຊຶ່ງເປັນບ້ານເກີດຂອງທ່ານ ເມື່ອອາຍຸ 27 ປີເທົ່ານັ້ນ.

ຂະນະທີ່ຝ່າຍນິຕິບັດຢັດມີທ່າອຽງວ່າຈະອະນຸມັດການແຕ່ງຕັ້ງ ທ່ານ ນາງ ຊານນາ ມາຣິນ ແລະ ລັດຖະບານໃໝ່ຂອງນາງໃນໄວໆນີ້ເພື່ອໃຫ້ສາມາດເປັນຕົວແທນຂອງປະເທດໃນການເຂົ້າຮ່ວມກອງປະຊຸມສຸດຍອດຜູ້ນຳສະຫະພາບເອີຣົບໃນວັນທີ 12 ທັນວາ 2019 ຊຶ່ງຈະຈັດຂຶ້ນທີ່ນະຄອນບຣັສເຊລ ປະເທດແບນຊິກ.

 

 

ຮຽບຮຽງ: ເພັງສະຫວັນ 

ຮູບພາບ: theguardian

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.