ຄອນເສີດຕ້ານໄພນໍ້າຖ້ວມຊ່ວຍພີ່ນ້ອງພາກກາງ ແລະ ພາກໃຕ້

0
19

ເມື່ອວັນທີ 28 ກັນຍາຜ່ານມາທີ່ສວນວັດທະນະທຳຊຽງຄວນໄດ້ຈັດຄອນເສີດການກຸສົນເພື່ອສົມທົບຊ່ວຍເຫຼືອພີ່ນ້ອງຊາວພາກ ກາງ ແລະ ພາກໃຕ້ທີ່ໄດ້ຮັບຜົນກະທົບຈາກໄພນໍ້າຖ້ວມ.

ຄອນເສີດຄັ້ງນີ້ຈັດໂດຍບໍລິສັດສວນຊຽງຄວນ ຈຳກັດຜູ້ດຽວ ໂດຍຮ່ວມກັບຄ້າຍເພງຄົມຊະນະ ລວມທັງກຸ່ມສິລະປິນຈາກຫຼາກຫຼາຍສັງກັດ ໂດຍຈຸດປະສົງກໍເພື່ອຊ່ວຍບັນເທົາຄວາມທຸກ ແລະ ລະດົມທຶນຊ່ວຍເຫຼືອບັນດາພີ່ນ້ອງຊາວລາວທີ່ປະສົບໄພນໍ້າຖ້ວມຢູ່ທາງ ພາກກາງ ແລະ ພາກໃຕ້.

ໃນນັ້ນ ມີບັນດາສິລະປິນຊື່ດັງຫຼາກຫຼາຍທ່ານທີ່ໝຸນວຽນຜັດປ່ຽນມາມອບຄວາມສຸກ ຄວາມບັນເທີງ ແລະ ຄວາມສະໜຸກສະໜານ ໃຫ້ບັນດາທ່ານທີ່ເຂົ້າມາຮ່ວມກິດຈະກຳໃນຄັ້ງນີ້ ບໍ່ວ່າຈະເປັນອ້າຍໃຫຍ່ ບຸນເກີດ ໜູຫ່ວງ ກິ ດາວເພັດ ໜູຫ່ວງ ໜຸ່ມຄົມ ຊະນະ ມະລິ ແອັງເຈີ ເມກຂະຫຼາ ສະຖາພອນ ແສງດາວວີ ກຸຫຼາບເມືອງເພຍ ໂຣເຈີ້ ກັນລະຍາ ແອນນາ ຢ່າງ ຕົ້ນກ້າ ຟ້າປະທານ  ແລະ ອື່ນໆ.

ໂດຍຍອດບໍລິຈາກໃນຄັ້ງນີ້ທາງຜູ້ຈັດງານຈະໄດ້ສົ່ງຕໍ່ມອບໃຫ້ພາກສ່ວນກ່ຽວຂ້ອງເພື່ອນຳໄປມອບໃຫ້ພໍ່ແມ່ປະຊາຊົນທີ່ໄດ້ຮັບຜົນກະທົບຈາກໄພພິບັດຕາມລຳດັບ.

 

 

 

 

ໂດຍ: ພ.ສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.